Fyrirsjáanlegt endurkjör Trumps.

Eftir því sem áróðurinn og árásirnar verða svæsnari gegn Trump, því meiri líkur verða á að einmitt sá hluti Bandaríkjamanna sem skiptir sköpum á kosningadaginn finni fyrir þrúgandi örvæntingu Demókrata og ákveði því að velja þjóðernisleg gildi "America first"

Flestum hlýtur að vera ljóst, að ef ekki væri vegna COVID-19 vírusins, þá hefði ekki leikið nokkur vafi á glæsilegu endurkjöri rauðhaussins, en ef hann getur nokkurn veginn setið á strák sínum fram að kosningum og draga tekur úr vægi veirunar, þá mun meirihluti þjóðarinnar sannarlega velja fjárhagslegt öryggi, lög og reglu.

Systir Trump kallar hann grimman lygara án gilda

Undirlægja gagnvart smitandi ferðamönnum.

Ómar Geirsson fjallar líkt og ég um þetta brot á smitvörnum og nefnir skemmtilegt dæmi um hvernig siðprúðir Ítalir tóku áður fyrr á brotum af þessu tagi með eftirfarandi frásögn:
"Sagan kennir líka hvernig sóttvarnir virkuðu.Þær virkuðu til dæmis vel í sjóborgarríkinu Feneyjum áður fyrr á öldum, ef sjómenn virtu ekki reglur, og héldu að hálfvitaháttur þeirra og vitglöp væru efni í frétt eins og þessa, þá náðu þeir aldrei að segja hana. Því fífl sem brutu sóttvörn voru hálshöggvin á staðnum"

Hér á Íslandi viðgengst illu heilli undarlegur áróður yfirvalda, en hann er nokkuð á sömu leið og birtist svo átakanlega hjá frændum okkar í Skandinavíu og þá sérdeilislega þeim Svíum, en eins og jafnvel blindustu jafnaðarmenn viðurkenna loks, þá er það land, sem fyrir einungis fáum árum síðan var friðsamasta fyrirmyndarríki jarðarinnar, en er nú undirlagt villimannslegum óspektum og óöryggi.

Þessi fáránlegi áróður ráðamanna sem ég er að tala um , er einhverskonar afbökun á persónuvernd og mannvirðingu, en er þó í senn gróflega á kostnað upplýsinga- mál- og skoðanafrelsis borgaranna.

Varðandi þessa einstöku frétt, þá tel ég það næsta öruggt að um farandverkafólk eða enn líklegar um hælisleitendur sé að ræða, því venju samkvæmt er æpandi þögn um þjóðerni "hálfvitana" því miðillinn dirfist hreinlega ekki að ögra miðaldalegum tíðarandanum.

Þessi hræsni og skerðing á tjáningafrelsi á því miður ekki aðeins við um álit og skoðanir á atgerfi þjóðernis, heldur líka litarhafti, stjórnmálaskoðunum og kynhegðun, sem hvað spaugilegast sést á kvöð þeirri að öllum almenningi er helst ætlað að taka fullan þátt í litríkri þörf þeirra er villst hafa á einhvern máta í hefðbundnum kynferðisþörfum í öðruvísi eða hinseginn hegðun, þótt það þýði að virðulegir embættismenn máli götur og skreyti sig með strútsfjöðrum og prestar og prelátar leiki með og breyti jafnvel texta okkar helgustu trúarrita.

Sjö smituð – Virtu ekki heimkomusmitgát

Tímabært að kveðja Fréttablaðið.

Það hlýtur að vera tímabært að bann verði sett á dreifingu þúsunda tonna af pappírsútgáfu Fréttablaðsins inn á meirihluta heimila landsmanna og oftar í óþökk húsráðanda.

Því var fleygt að í kjölfar hrunsins hefðu helstu stuðningsaðilar ESB, þau skötuhjúin Steingrímur og Jóhanna ábyrgst milljarðs kúlulán til áróðursmálgagns málstaðarins, sem getur sannarlega útskýrt langlífi Fréttablaðsins, burtséð frá rekstri, endurgreiðslum og eitruðum áróðrinum.

Auðvitað væri áhugasömum heimilt að kaupa og greiða fyrir mengandi pappírs eintak, en fyrir mig og líklega flesta aðra, þá er ég þreyttur á að henda óþveranum, svo ekki sé minnst á skilaboðin sem snepillinn sendir óvönduðum með því að standa út úr bréfalúgu heimilisins, þegar enginn er heima.

Útgáfufélag Fréttablaðsins tapar 212 milljónum

Um framtíðarhorfur Icelandair.

Snýst ekki kjarni Flugleiðamálsins fremur um sannleiksgildi ákæru um glæpi, eða málaferli um róg og rangar sakargiftir, fremur en um samninga Icelandair við kröfuhafa?

Það hlýtur að liggja í augum uppi að ef gjörningur sá sem Ragnar Þór Ingólfsson dregur upp af framferði nafngreindra einstaklinga af fjármálastýringu félagsins á við rök að styðjast, þá hlýtur sögu þessa fornfræga flugfélags að ljúka snarlega með þeim ljóta bletti.

Aftur á móti hafa þessir sömu einstaklingar sem Ragnar dregur fram í dagsljósið rétt á að verjast og kæra hann fyrir róg og meiðyrði.

Ef niðurstaða meiðyrðamálsins yrði sú að ekkert misjafnt hafi átt sér stað og forsvarsmenn Icelandair hafi sannarlega verið bornir röngum sökum, þá má til sanns vegar færa að töluverð rök séu fyrir því að enn frekar sé seilst í vasa almennings til að halda Flugleiðum á floti.

Önnur bylgja ekki haft áhrif á fjárfesta

Glæpsamlegt að ræna lífeyrissjóðina.

Ef áætlanir þess efnis að láta lífeyrissjóði almennings greiða tugi eða hundruðir milljarða inn í rekstur Icelandair, þá getur það varla talist annað en þjófnaður.

Hlutverk lífeyrissjóða er einungis að gæta hagsmuna sjóðsfélaga sinna með öruggum fjárfestingum og ekki láta undan þrýstingi og hótunum til að leggja fé í óarðsamt dauðvona flugfélag, eins og nú er örugglega unnið að hörðum höndum.

Ef alþjóðlegir áhættufjárfestar, eða t.d. nýr eigandi hótela félagsins sjá ekki nein tækifæri í áframhaldandi rekstri félagsins, þá þýðir það einfaldlega að þrátt fyrir áratuga einokun, styrki og stuðning, þá gengur svona lúxus rekstur einfaldlega ekki lengur.

„Mjög mikilvægt“ fyrir félagið

Einhver staðar verða fyrrum liðsmenn Ríkis Íslams að vera.

Einhver staðar verða vondir að vera, sagði óvætturinn við Guðmund góða, hérna um árið en það á líklega ágætlega við um bróðurpart þessara ungu svokölluðu umsækjenda um alþjóðlega vernd, eins og þykir fínna að kalla þá af sama hyskinu sem þykir t.d. þungunarrof hljóma betur en fóstureyðing, en það er önnur saga.

Fyrir alla þá sem gera sér far um að fylgjast með fréttum, þá var í Ágúst 2014 lýst yfir stofnun Kalífaríkis á stórum svæðum í Írak og Sýrlandi af liðsmönnum Ríkis Íslams sem fóru um eins og engisprettufaraldur með drápum og eyðileggingu, en helsta súrefni þessa skrímslis voru annars vegar Bandarísk vopn, sem reyndar voru keypt af Sádí Aröbum með leyfi og velvild Ísrael og hinsvegar skrautlegum mannskapnum, sem saman stóð ýmist af atvinnu málaliðum af ýmsu þjóðerni og evrópskum annarar og þriðju kynslóðar innflytjendum, auk að sjálfsögðu slatta af villuráfandi og/eða ástsjúkum ungmennum af báðum kynjum.

Fyrir blessunarlega aðkomu Pútíns og félaga reyndist unnt að berja þessa óværu niður og einangra hana loks í norð vestur horni Sýrlands, þar sem gæðablóðin sem stóðu fyrir sköpun skrímslisins vinna nú hörðum höndum að koma þessum fyrrum verktökum sínum úr herkvínni í örugg skjól.

Blasir það ekki við hverjum heilvita manni, að í það minnsta umtals verður hluti þessa straums hælisleytenda sem á óútskýrðan máta hafa ráð á dýrum fargjöldum og leyfi sóttvarna til að koma nú til Íslands á rausnarlega framfærslu skattgreiðenda, hljóti blátt áfram að eiga rætur að rekja til þessara björgunaraðgerða Sorosar og félaga?

Sóttvarnahúsið nær fullt

Áfram Kanye West

Það verður að viðurkennast að COVID-19 vírusinn ógnar endurkjöri Donalds Trump í haust, en nú virðist hjálpin koma úr óvæntri átt, því tilkynning um væntanlegt framboð rapparans Kanye West á örugglega eftir að hljóta stuðning hópa þeirra sem aðhyllast vandalisma, boð og bönn.

Þetta hlýtur að vera áfall fyrir aumingja karlinn, hinn veiklulega Joseph Biden, sem með þögn sinni ætlaði að höfða til þessara sömu öfgafullra vinstri afla, sem auðvitað eru ekkert annað en fasistar í ljósi eyðilegginga söguminja og enn fremur rasistar, því það fer ekki á milli mála að þetta litríka fólk hatar ekkert meira en einmitt hvítt fólk og þá allra helst hvíta miðaldra karla.

Það hlægir mig og kitlar í mér kvikindið, tilhugsunin um eymdarlegt kjökur og útópískar útskýringar hinna vinstri sinnuðu feminista H.Í. og RÚV í nóvember, eftir glæsilegt og fyrirsjáanlegt endurkjör núverandi forseta Bandaríkjanna.

Vill stofna garð um þjóðhetjur Bandaríkjanna

Hamingjuóskir til Forseta Íslands.

Nú þegar úrslit kosninga liggja fyrir, þá er ljóst að mikill meirihluti Íslendinga veitir Guðna Th. Jóhannessyni og fjölskyldu hans umboð til að gegna æðstu virðingarstöðum Íslands næstu fjögur árin.

Það blasir nú við að mannkostir, ljúf framkoma og allt hátterni Guðna og fjölskyldu hans hafa yfirgnæft þær raddir sem bent hafa á skort á staðfestu og ákveðni, sem vonandi og reyndar eðlilega má skrifa á reikning reynsluleysis fræðimannsins.

Munum það bara að "Enginn verður óbarinn biskup"

Lokatölur liggja fyrir: Guðni fær 92,2%

Þýskir kafbátar á ný til Íslands!

Heimsókn U-36 rifjar óneitanlega upp fyrri heimsóknir þýskra kafbáta hingað til lands og minnast margir núlifandi Íslendingar þeirra enn með óhug.

Eftirminnlegust er eflaust veiðiferð U-300 í November 1944 við túnfót Reykjavíkur, þegar Fritz Hein og félögum tókst að sökkva olíuskipi skammt undan Garðskaga og í framhaldinu að sökkva Goðafossi sem féll í þá lævísu gildru að stöðva til að bjarga eftirlifandi úr sjónum.

Íslendingar eiga að minnast þess að fyrir réttum hundrað árum var það ekki einungis önnur skæð veira sem herjaði á heimsbygðina, heldur voru Þjóðverjar rétt í þann mund að leggja drög að hljóðlátri uppbyggingu þess herafla sem lagði Evrópu að velli tæpum tuttugu árum síðar.

Máltækin "allt er þá þrennt er" eða "alle gode gange tre" koma óneitanlega upp í hugann, nú þegar hinir eitursnjöllu vinir okkar Þjóðverjar, sem óneitanlega fara fyrir þessu svokallaða Evrópusambandi senda okkur nú þessa upprifjunar heimsókn á sama tíma og erindrekar þeirra vinna leynt og ljóst að því að koma Fjallkonunni með öllum ráðum í pútnahús ESB.

Kafbátur Þjóðverja að Skarfabakka

Spurning um starfshlutfall hjúkrunarfræðinga.

Getur það átt sér stað, að stór meirihluti íslenskra hjúkrunarfræðinga séu í hlutastarfi, en vinni fulla vinnu og rúmlega það og fái mismunin allan greiddan sem yfirvinnu?

Ef þetta er misskilningur, þá væri gott ef einhver getur leiðrétt það, því ef satt er, þá myndu flestar eða allar aðrar launastéttir líklega sömuleiðis kröfu á að komast í svona 60 prósent dagvinnu og afganginn upp 100 prósentin í aukavinnu.

Að sjálfsögðu eiga allar þessar yndislegu hjúkrunarkonur heimtingu á góðum launum.

Verkfalli hjúkrunarfræðinga afstýrt