Kemur ekki til greina að fjárfesta í Icelandair.

Auðvitað kemur ekki til greina at lífeyrissjóðir landsmanna leggi meira fé skjólstæðinga sinna í þessa gjaldþrota risaeðlu. Það hlyti hreinlega að vera lögbrot.

Er það gleymt að á síðasta ári seldi Icelandair öll hótelin sín, svo þau eiga ekkert eftir nema skuldir og tuttugu ára gamlar þotur að viðbættum nokkrum Max vélunum.

Ekki má síðan gleyma að lífeyrissjóður atvinnuflugmanna er búinn að selja bróðurpart allra hlutabréfa sinna í félaginu. Segir það ekki allt sem segja þarf?

Sjóðirnir í myrkri með Icelandair

Það er eitthvað gruggugt við yfirlýsingar yfirvalda.

Nú virðist ljóst að almennir borgarar á Íslandi eru venju samkvæmt dregnir á asna eyrunum í upplýsingaflæði yfirvalda varðandi umgjörð eftirlits lokana í baráttunni við COVID-19.

Það liggur loks fyrir að þessir sannarlega fingralöngu Rúmenar komu í gær eða fyrradag með flugi frá London. Ef þeir hefðu ekki verið staðnir að verki við búðarþjófnað, þá væru þeir nú allir lausir og smitandi í allar áttir.

Það er látið í veðri vaka að þeir örfáu farþegar sem leyfi fá til að koma með þessum þremur daglegu ríkisstyrktu vélum frá Stokkhólmi, London og Boston eigi bráðnauðsynleg erindi hingað til lands og nefndi Víðir Reynisson fulltrúi yfirvalda, ýmis sérfræði- og heilbrigðisstörf sem dæmi.

Það væri fróðlegt að vita á hverra vegum þessir smitberar koma hingað og hvort Víðir og félagar hyggist láta fávísa skattgreiðendur bera ábyrgð og kostnað af þessari eftirlits vanrækslu, eða hvort þeir sjálfir eða atvinnuveitendur þeirra standi straum af heildar kostnaðinum?

Með tilliti til þessa augljósa kæruleysis og enn fremur til nýlegs afbrots á Austurvelli, þar sem lögreglustjóri höfuðborgarinnar stöðvaði ekki rúmlega þrjú þúsund manna mótmælafund, heldur tók virkan þátt í þeim, hlýtur það þá ekki að vera full ástæða til að hún axli ábyrgð og segi tafarlaust af sér?

Birta mynd af þriðja manninum

Óðal feðranna - Minning

Þessi síðasta bylgja óeirða og öfga-mótmæla vegna harkalegrar handtöku afbrotamannsins, Georg's Floyd, sem leiddi því miður til dauða hans sýnir greinilega á hvaða óheilla vegferð stór hluti almennings á Vesturlöndum er á um þessar mundir.

Þessir ofbeldisfullu mótmælendur virðast helst samanstanda af hópum sem frelsi og aukin mannréttindi hafa einmitt á síðustu áratugum veitt tækifæri til betra lífs, jafnréttis og jafnvel forréttinda, eins og blasir augljóslega við háðfuglinum úr Monty python.

Þessir öflugu hópar sýna nú við ítrekuð tækifæri takmarkalausa grimmd, hefnigirni og fordóma, auk brota á ný-fengnum mannréttindum þeirra sjálfra, á borð við mál- og skoðanafrelsi, sem sýnir víst og sannar rækilega eðli mannskepnunar.

Ég hætti mér ekki að telja upp hvaða hópum ég beini spjótum mínum að, en læt hetjur á borð við John Cleese um að láta reyna á úrelt lög hinna bleik-nefjuðu feðra okkar um málfrelsið.

Cleese er brjálaður yfir ákvörðun BBC

Flest er hey í harðindum.

Það er ekki ónýtt fyrir Trump, ef líklega frægasti og alræmdasti núlifandi lygari sögunar gengur til liðs við Biden klanið.

Jafnvel þó húðliturinn henti reyndar vel, þá er innvolsið ófagurt og ógleymanlegt.

Colin Powell styður Joe Biden

Ágætis útlit fyrir Trump.

Líklega mun tímasetning kynþáttamótmælanna sem básúnuð hefur verið verið um vesturlönd öll á síðustu dögum og reynt hefur verið að beina gegn Donaldi Trump, einmitt verða til þess að gulltryggja endurkjör hins umdeilda forseta í nóvember n.k.

Það blasir við að COVID-19 faraldurinn getur reynst Trump fjötrar um fót og ef alþjóðleg myndbirting af hvítum lögregluþjóni að lúskra á blökkumanni, hefði birtst á fjölmiðlum vikuna fyrir komandi kosningar, þá hefði samúðarbylgjan e.t.v. nægt til að fella karlinn.

Í þess stað gefst Trump nú tími og tækifæri á að sýna fram á greinilegan vöxt og velsæld næstu mánuði sem mun örugglega tryggja honum glæsilegan sigur í haust og ekki síst vegna stuðnings allra minnikluta hópana, hinna svörtu, brúnu, rauðu og gulu, sem ekki tóku þátt í sjálfum óeirðunum, heldur stóðu einungis vörð um fjölskyldur og eigur sínar, líkt og allir aðrir Bandaríkjamenn.

„Komum til baka líkt og eldflaug“

Örvæntingarfullir Bandaríkjamenn.

Viðbrögð Bandaríkjaforseta eru auðskiljanleg í ljósi fyrirsjáanlegra breytinga á valdajafnvægi heimsins.
Það blasir við öllum sem hafa óbrenglaðan samanburð til hliðsjónar, að ótvíræð heimsyfirráð og ógnarstjórn Bandaríkjanna og leppríkja þeirra sé komin að fótum fram, eins og nánast öskrar framan í alla sjáandi, þegar t.a.m. kemur að samanburði glæsilegra stórborga austurlanda andspænis þreytulegum höfuðborgum vesturlanda.

Samanburðurinn við samlíkinguna á hinni glæsilegu Rihönnu gagnvart útlifaðri Joan Collins í dag er klassískur, en sorglega raunsannur.

Síðasta örvæntingar tillaga Trumps er nú að fjölga í hópi hinna svokölluðu G7-ríkja í ellefu og taka Rússa inn á ný, auk Indverja, S-Kóreu og Ástralíu, sem auðvitað þýðir ekkert annað en að reyna að einangra og veikja höfuð-óvinin og reyndar sjálft helsta iðnríki heimsins.

Hlægileg og ámótleg er líka dagleg umfjöllun helstu fjölmiðla okkar á mótmælum þeim í Hong Kong, sem að þvi best er vitað hafi mögulega kostað einn mótmælanda lífið, en minna er nú fjallað um mótmæli og sannkallað hörmungarástand um veröld víða, sem ég nenni hreinlega ekki að telja upp fyrir þá sem ekki vita, því þeim er hvort eð er ekki viðbjargandi.

Trump frestar „úreltum“ G7-fundi

Ærandi þögn um komandi Forsetakosningar 27. júní 2020

Það veldur mér sannarlega vonbrigðum að Morgunblaðið og þá auðvitað mbl.is beiti ámóta þöggunar aðferðum og sneplar á borð við Fréttablaðið og svo ekki sé minnst á hina dæmigerðu demókratísku fyrirmynd þeirra beggja, New York Times.

Einmitt nú í dag hefst kosningabarátta hins eina frambjóðanda sem dirfist að skora sitjandi forseta á hólm í almennum kosningum eftir rúman mánuð og ekki er þó minnst einu orði á það tilefni hér á mbl.is.

Eins og flestir eða allir vita, þá er núverandi forseti þægilegur og hnyttinn náungi, en á þessum árum sem hann hefur setið, þá hefur hann náð að sanna og sýna að hann er ekki forseti almennings, heldur aðeins handbendi þeirra valdastétta, sem virðast á fullri ferð með að selja undan okkur sjálft lýðveldið.
Hvað störf núverandi forseta snertir dugir að nefna tvö málefni sem hver sannur forseti hefði vísað í þjóðaratkvæði, en sá núverandi hundsaði. Þar vísa ég til staðfestingar hans á umdeildum fóstureyðinga lögum og auðvitað hinnar að mínu mati glæpsamlega staðfestingar á þriðja orkupakka Evrópusambandsins.
Það er heldur ekki gleymt að hann kúrði heima að skipun herra sinna, þegar Íslendingar börðust í fyrsta og einasta skipti á heimsmeistaramótinu í Moskvu, þar sem þeir hefðu örugglega eflst við nærveru þjóðarleiðtogans.
Það telst hinum huggulegu hjónum á Bessastöðum heldur ekki til tekna að áliti mínu, að þau láti sér ekki nægja að forsetafrúin sé þjóð sinni og forsetanum til sóma, heldur er hún samtímis að því ég best veit í fullu starfi sem einhverskonar kynningarfulltrúi hjá Íslandsstofu.

Ég vona að áskorandinn, Guðmundur Franklín Jónsson hljóti réttláta umfjöllun fjölmiðla, en umfram allt að hann reynist sá föðurlandsvinur og kokhrausti málsvari Íslendinga sem hann lætur í veðri vaka, ef á það reynir.

Ætla stjórnendur Lífeyrissjóða okkar enn og aftur að bregðast skyldum sínum?

Lífeyrissjóðum okkar er skylt að fara að lögum sjóðanna og þar segir eftirfarandi:

Lög um mótun fjárfestingarstefnu lífeyrissjóða:
"Stjórn lífeyrissjóðs skal móta fjárfestingarstefnu og ávaxta fé sjóðsins með hliðsjón af fjárfestingarheimildum í samþykktum sjóðsins og þeim kjörum sem best eru boðin á hverjum tíma með tilliti til ávöxtunar og áhættu"

Það blasir við að ef atvinnufjárfestar sjá ekki tækifæri á hagnaði í rekstri þessa flugfélags, þá getur það ekki verið hlutverk þeirra sem vinna við að gæta hagsmuna lífeyrisþega að halda óarðbærum atvinnurekstri á floti, þrátt fyrir öll eiginhagsmuna og vinatengsl.

Það sjá það allir sem ferðast hafa með Icelandair að félagið gefur sig út fyrir að vera fyrsta flokks áætlunarflugfélag en er í raun og veru þegar um borð er komið ekkert annað en hefðbundið lággjaldafélag með lágmarks þjónustu og þar að auki á eldgömlum vélum.

Hvað ágreininginn um kjör flugfreyja snertir, þá eru þau víst þannig að þegar nokkrar stöður eru auglýstar, þá sækja þúsundir um og eru samstundis tilbúin snúa baki við störfum sínum hvort sem um hjúkrunarkonur eða lögregluþjóna í fullu starfi er að ræða.

Að mínu mati, þá væri óhætt að fækka flugfreyjum um helming í takti við að mannfrek framleiðsla og tiltekt heitra máltíða og ókeypis drykkja tíðkast ekki lengur hjá þeim og hinni tímafreku þreytandi sölu heyrnartóla, glingurs og ilmvatna mætti alveg endilega sleppa.

Hvað flugmennina og flugvirkjana snertir, þá eru þeir allstaðar eftirsóttir svo ekki er beinlínis ástæða til að óttat um afdrif þeirra, en fyrir cabin crewið eru líklega einungis örfá arabisk olíuríkja félög sem geta boðið sambærileg kjör og tíðkuðust hjá Flugleiðum fyrir COVID-19.

Bíða eftir útboðslýsingu Icelandair

Sólarflug

Það er augljóst að ráðfrúinn er að gefa grænt ljós á að þessi svokölluðu ferðaþjónustufyrirtæki geti hirt eða stolið þessum greiðslum viðskiptavina sinna, því ef þeir eiga ekki peninginn núna, þá eiga þeir hann ekki frekar þegar hjólin taka að snúast á ný.

Þetta minnir mig á þegar ég arkaði í kringum 87´ inn á skrifstofu Sólarflugs á Vesturgötunni og greiddi 30.000 fyrir ferð til Köben í reiðufé, en las tveim dögum seinna um lokun þessarar frábæru hugmyndar Guðna í Sunnu, eins og bossinn var kallaður og auðvitað varð aldrei um neinar endurgreiðslur eða bætur að ræða.

„Ekki príma frumvarp fyrir neytendur“

Veirupróf skilyrði fyrir heimsókn.

Nú hlýtur að vera tímabært að taka upp kerfi í líkingu við ESTA umsóknina sem fylla þarf út fyrir Bandaríkjaheimsókn. Þá umsókn er hægt að fylla út á netinu og kostar frekar lítið og dugir nú að mig minnir í tvö eða þrjú ár.

Nú á COVID-19 tímum er ekkert nema eðlilegt að hver sem hyggur á ferðalög erlendis geti lagt fram dagsett veirupróf því til sönnunar að hann sé ekki smitberi, hvert sem ferðinni er heitið.

Allt tal um að kanna heilbrigði farþega eftir komuna til landsins er bæði dýrt og kjánalegt, því öllum ætti að vera ljóst að ef einhverjir sýktir eru um borð í vélinni, að þá er fjandinn laus.

Fyrir t.a.m. Kínverja sem sækja um visa inn í Schengen, væri þetta einungis lítil viðbót við öll þau skilyrði sem þeir þurfa að uppfylla til að hljóta heimildina, en þar er t.d. krafist að lágmarki 30.ooo euro ferðatryggingar og banka yfirlýsingar sem sanni að umsækjandi hafi átt a.m.k. 30.000 yuan á reikningi sínum í meira en eitt ár, fyrir utan bókaða heimferð, uppihald o.þ.h.

Þetta hóflega íslenska ESTA gæti auðvitað líka leyst umdeilda kröfuna um náttúrupassann og myndi auðvitað að mínu mati gilda fyrir alla gesti aðra en Færeyinga og Grænlendinga.

Getum ekki verið eins og íslenski hesturinn