False flag - viðvörun.

Miðað við þróun mála við landamæri Úkraínu og til að styðja við spá Bidens, þá er ekki ólíklegt að það dragi til tíðinda í nótt eða á morgun og það líklega í formi rúsneskrar árásar á óvænt fórnarlamb, vel til þess falið að vekja reiði og óhug okkar viljugu vinanna á Vesturlöndum.

Ég er kannski ekki að tala um dramatík á borð við tvíburaturnana í beinni á CNN heldur frekar svona eitthvað á borð við Tonkin flóa dæmi og það helst gegn NATO ríki.

Þessi dagsetning er líka á upphafsdegi vetrar ólympíuleika í Peking, svo þessi dagsetning væri svona tvær flugur í einu höggi, en eins og margir vita, þá er merkilega lítið fjallað um ástandið heima hjá Biden ræflinum, sem er ekki sérstaklega gott um þessar mundir og rík þörf fyrir stríð.

Bandaríkin senda 2.000 manna herlið til Evrópu

Kosningar nálgast óðfluga.

Sjálfstæðisflokkurinn í Kópavogi er í góðum málum og hefur sannarlega efni á að skarta Ásdísi í forystu, en öðru máli gegnir í höfuðborginni, því eins og horfir nú á þessari stundu, þá stefnir í hrun flokksins í komandi kosningum, þó ekkert vanti heldur upp á útlit og persónutöfra Hildar Björnsdóttur í fyrsta sætið.

Einhverra hluta vegna er lítið sem ekkert fjallað um þessa stöðu Sjálfstæðisflokksins í Reykjavík og komandi kosningar í höfuðborginni hér á vefsíðum Morgunblaðsins, sem má e.t.v. skilja sem þögla tjónkun við áframhaldandi helfararstefnu Dags o/co, fremur en vonleysi og uppgjöf?

Góðir kostir til breytinga og björgunar borgarinnar í komandi kosningum eru að sjálfsögðu greidd atkvæði til Miðflokks, þrátt fyrir liðhlaup, eða Flokks fólksins, en hvað framtíð alvöru Sjálfstæðisflokks í baráttuna hér í borg varðar, þá væri enn mögulega von á liðveislu í slaginn með karla á borð við Elliða Vignisson með Kjartan Magnússon sér við hlið í brúnni.

Ásdís vill verða bæjarstjóri í Kópavogi

Kosningaskjálfti?

Það kitlar óneitanlega í mér kvikindið að lesa um rannsókn Letitiu James dómsmálaráðherra New York-ríkis á saknæmu atferli Trumps og fjölskyldu hans varðandi upplýsingar um stærð þakíbúðar hans á Manhattan,sem hafi í raun og veru verið allt að þrefalt stærri en þau (illþýðið) hafi ranglega haldið fram.

Ekki skemmdi það heldur Þórðargleði mína að horfa á nýjustu afurð Michael's Moore í RÚV, þar sem hann fjallaði um óvæntan kosningasigur óþokkans og flagarans Trumps árið 2016 og eðlilega sorg og vonbrigði alls góða fólksins.

Þessi tvö skínandi dæmi undirstrika ótta og vonandi óhuggulegt hugboð vinstri manna í Bandaríkjunum og annarstaðar fyrir kosningarnar 2024.

Og talandi um kosningar, þá var Hildur Björnsdóttir frambjóðandi til oddvitasætis Sjálfstæðisflokksins í drotningarviðtali á RÚV (auðvitað) í dag, þar sem spyrlinum þótti greinilega augljós samhljómur með þeim Degi Bé og henni, þó hún að sjálfsögðu þrætti fyrir það, en eftir að hún upplýsti að ástæðan fyrir veru hennar í borgarstjórnarflokki Sjalla í Reykjavík væri vegna óvænts símtals, þar sem henni var boðið starfið, þá hugkvæmdist sama spyrli ekki að spyrja frá hverjum það ómetanlega símtal var - einhverra hluta vegna!

Íslendingar dregnir inn í ófrið gegn vinaþjóðum okkar?

Nýjustu ummæli bandaríska utanríkisráðherrans Antony Blinken´s, frá þessum sérstaka aukafundi NATO, sem eftir honum voru höfð í hádegisfréttum RÚV, voru á þá leið að það væri þekkt staðreynd að þar sem Rússar væru búnir að koma sér fyrir, þá væri það þrautin þyngri að losna við þá aftur.

Það getur auðvitað verið að heilaþvotturinn í bandarísku skólakerfi sé svo yfirgripsmikill að nemendur þar álíti að risaherstöðvar Bandaríkjamanna sjálfra út um allar jarðir, á borð við þær í Japan og Þýskalandi vera sjálf sprotnar, eða þá reistar að beiðni heimamanna, en engir aðrir en þeir sjálfir eru í raun og veru jafn þaulsetnir í hernumdum löndum, nema þegar sönnum föðurlandsvinum auðnast að reka þá og auðvirðileg handbendi þeirra út með harðri hendi, líkt og nýlegt dæmi sannar.

Það er auðvitað sorglegt að við Íslendingar leyfum ráðamönnum okkar að taka þátt í þessum herlúðrablæstri gegn okkar gömlu vinum og bandamönnum, sem flestir landsmenn sjá þó auðveldlega í gegnum, líkt og átti sömuleiðis við um aðra morðleiðangra þessa svokallaða varnarbandalags og auðvitað ætti sjálf þjóðin að hafa tækifæri til að kjósa um þátttöku Íslendinga sjálfra í svona aðgerðum, í stað þess að láta vini og vandamenn fyrrnefndra hermangara og handbenda ráða för.

P.S.
Sorglegast þykir mér þó það vera, þegar víðsýnir og fjölfróðir karlar - án þess að nefna nokkur nöfn, trúa þessu öllu og taka hátíðlega, eins og amen í kirkjunni, auk nýlegrar illmælginni um aðra góða vinaþjóð okkar, sem Bandaríkjamönnum þykir nú vísast líka ógna einokun sinni og þar að auki í flestum tilfellum án þess að hafa nokkurn tíma komið þangað, eða vita nokkurn einasta skapaðan hlut um Kína, annað en glænýjar, skrautlega framleiddar hryllingssögur þaðan.

Funduðu um hernaðaruppbyggingu Rússa

Ágætis vindorku byrjun.

Talsmaður aðgerðana í Þykkvabæ gerði tilraun í útvarps viðtali í dag, til að útskýra tilefni þess að fella þyrfti vindmyllurnar, í stað þess t.d. að gera við þær, án þess þó að honum tækist það.

Líklega gefur sýningin þó þær tvær niðurstöður, að í fyrsta lagi henta vindmyllur ekki íslensku veðri og aðstæðum og síðan mætti með nokkuri kaldhæðni fullyrða að sprengjusveit Landhelgisgæslunar hafi örugglega ekki átt aðkomu að hruni tvíbura turnana um árið.

Vindmyllan loks fallin

Hara-kiri Sjálfstæðisflokksins.

Það er tragi-kómískt að fylgjast með rýrnun og hruni þessa fornfræga flokks í Reykjavíkurborg.

Það væri auðvelt að ímynda sér nokkrar ástæður fyrir afsögn Eyþórs og eiga þær það allar sameiginlegt að lykta langar leiðir af lymsku og fláræði.

Líklegt verður að teljast að fylgi flokksins í borginni verði undir lands-meðaltali í komandi kosningum.

Ákvörðun Eyþórs kom mjög á óvart

Háðulegur Hæstiréttur Íslands.

"Mér sýn­ist ís­lenska rétt­ar­ríkið hafa staðist prófið,“ seg­ir lögmaður dán­ar­bús Kristjáns Viðars Júlí­us­son­ar eftir að yfirvaldið dæmdi nokkrum fórnarlömbum Guðmundar-og Geirfinnsmála fébætur, en skiljanlega er lögmaðurinn að reyna að verja heiður og mannorð kollega sinna með þessari fráleitu fullyrðingu sinni um skaðabætur ódæðisins.

"Það er viður­kennt að Kristján þurfti að þola van­v­irðandi meðferð af hálfu rík­is­ins og mik­inn órétt um lang­an tíma sem litaði allt hans líf frá tví­tugu og fram í and­látið. Dóm­ur­inn staðfestir að Kristján hafi orðið fyr­ir al­var­leg­um rétt­ar­spjöll­um og að op­in­ber umræða hafi litað allt hans líf og öll­um sjón­ar­miðum rík­is­ins um fyrn­ingu verið hafnað"

Það má vera að með ótrúlegum styrk, þá hafi nokkur fórnarlamba þessara spunameistara myrkraaflana allt frá lögreglu til dómara Hæstaréttar auðnast að koma lífi sínu á réttan kjöl eftir afplánun, en þeir Sævar, Kristján og Tryggvi eru látnir og þar fyrir utan er enn reynt að klína rætnum uppspuna rannsóknaraðilana á Erlu, sem situr óbætt hjá garði.

Því skal líka haldið til haga, að illgjarnt slúðrið og kjaftasögurnar eftir handtökur þessara ólánsömu ungmenna höfðu hörmulegar afleiðingar og splundruðu heilu fjölskyldunum til frambúðar, eins og margir ættu enn að muna og kannast við.

Ef einhver vilji væri til staðar hjá yfirvöldum, þá ætti enn að vera ráðrúm til að fá sjálfstæðan utanaðkomandi rannsóknaraðila til að leysa þessi mál, þó ekki væri til annars en að upplýsa tilefni feluleiksins og til að dæma hina sannarlega seku í þessum hörmulegu dómsmorðum.

„Sýnist íslenska réttarríkið hafa staðist prófið“

Bandaríkin - The Evil Empire.

Það ætti að vera öllum þokkalega hugsandi einstaklingum ljóst að hið eina sanna "Evil Empire" eru Bandaríki Norður-Ameríku og ekkert annað sem kemst í hálfkvisti við það hér á jörðu síðustu áratugina.

Síðasta dæmið um innræti heimsveldisins og undirlægju meðreiðasveina þess er þetta framsal Julians Assange úr strangasta fangelsi Bretlands til böðlana sem bíða hans spenntir, til að refsa honum fyrir það eitt að opinbera stríðsglæpi þessara óþokka.

Auðvitað þekkja nú allir og viðurkenna upplognar ástæður innrásarinnar í Írak og miskunarlaus illvirki þeirra út um allar jarðir, sem of langt væri að telja upp af þessu "litla" tilefni, en sumir minnast þess kannski enn, að þegar annar saklaus einstaklingur sat í fangelsi og beið framsals fyrir þær sakir einar að hafa teflt við andstæðing sem þóknaðist ekki bandarískum yfirvöldum.

Þá kom til sögunar íslenskur stjórnmálamaður sem sló í borðið og hafði stuðning sinna manna og okkar allra til að sýna þann manndóm, að veita Fischer íslenskt ríkisfang og krefjast lausnar hans.

En nú er hún Snorrabúð stekkur og enginn af hinum íslenska aðli og góða fólkinu öllu saman virðist veita þessu dómsmorði sem verið er að fremja fyrir opnum tjöldum neina athygli og svo ekki sé minnst á blessaðan forsetann, sem hlýddi fyrirmælum yfirboðara sinna og kúrði heima um árið, þegar Íslendingar börðust í fyrsta og einasta skiptið á heimsmeistaramóti í knattspyrnu.
Skammist ykkar.

Heimilt að framselja Assange til Bandaríkjanna

Einkavinavæðing Íslands.

Nú skal til skarar látið skríða, hugsaði ég þegar hin nýja ríkisstjórn var kynnt í s.l. viku og ég sá að Guðlaugur Þór Þórðarson var settur yfir orkumál þjóðarinnar og síðan hreinlega þyrmdi yfir mig þegar ég las um ráðningu Hreinns Loftssonar sem aðstoðarmanns Jóns Gunnarssonar innanríkisráðherra.

Það hafa lengi verið uppi áform um að einkavinavæða Landsvirkjun eins og flestir ættu að geta ímyndað sér, ekki síst þegar okkar (Lýðveldisins Íslands) stutta saga er skoðuð, eins og sala síldarverksmiðjanna, áburðar-og sementsverksmiðjunar, Símans og auðvitað bankanna, svo ekki sé minnst á alla hina gjafa-gjörningana á borð við Samvinnutryggingar, bótasjóð Sjóvár o.fl o.fl. bera vott um.

Á síðasta kjörtímabili samþykkti þessi sama ríkisstjórn hinn svokallaða þriðja orkupakka, án nokkurs rökstuðnings annars en ómerkilegs loforðs um að ekki stæði til að tengjast raforkukerfi Evrópu og efuðust líklega flestir sem t.a.m. þeir sem þekkja eitthvað til ferils og innrætis fyrrnefnds ráðherra og nýja "aðstoðarmannsins" eða muna þessar eða aðrar tilfærslur almennings- eða ríkiseigna í einkaeign útvaldra, - að til stæði nokkurn tíma að standa við þau fögru fyrirheit.

Líklega verður fjórði orkupakkinn samþykktur vandkvæðalaust og jafn rakalaust og síðan hafist handa um að einkavæða Landsvirkjun, ásamt Orkuveitu Reykjavíkur (til að afstýra skipulögðu gjaldþroti höfuðborgarinnar) og það ferli allt skreytt með tímabundinni aðkomu lífeyrissjóðanna í skugga fáránlegra vindmylla.

Náðarhöggið nálgast.

Hreinn fer frá Áslaugu til Jóns

Annað hvort löglegt eða ekki?

Hvað þetta hlægilega margra vikna mál varðar, þá eru aðeins tvær lausnir og þær eru að þar sem kosningin er ólögleg, að þá verði kosið á ný (auðvitað héðan í frá með eftirliti ÖSE) eða þá að fyrri talningin standi, því hún fór fram áður en færið gafst til að hrófla við kjörseðlunum.

Það er nú annars fokið í flest skjól hér í spillingunni, þegar ekki er lengur hægt að treysta niðurstöðum þingkosninga.

Undirbúningsnefnd hefur lokið störfum