Þjófsaugu.

Það er ekkert annað en hneyksli að þessum svokallaða bankastjóra Landsbankans hafi ekki tafarlaust verið sagt upp störfum, eftir að hann varð uppvís að svo stórfelldri vanhæfni og óheilyndum, sem voru þó svo augljós og fyrirsjáanleg.

Þennan þrjót og bankastjórnina alla á auðvitað að ákæra fyrir vítaverð afglöp og glæpsamlegt athæfi í starfi, án tillits til aðkomu eða annara tengsla fjármálaráðherra við þennan “laglega” vafning.

Vilja skýr svör frá Borgun

Niðurskurðar er þörf.

Þessi frétt frá Reykjavíkurborg er lýsandi dæmi um þann óheiðarlega fréttaflutning sem þar er stundaður. Hér er tilgangurinn augljóslega að sýna fram á gæði og frábæra kosti svokallaðs sviðstjóra velferðasviðs Reykjavíkurborgar, Stefáns Eiríkssonar og lán okkar útsvarsgreiðenda að hafa hann á höfðinglegu framfæri okkar.

Sannleikurinn er þó allur annar, því eins og blasir við þá er öll stjórnun og þar með auðvitað öll fjármál borgarinnar í kalda koli og á hraðferð í þrot.

Ég er síður en svo að segja að ótrúlega fjölmennur hópur stjórnenda hinna fjölmörgu sviða Reykjavíkurborgar, auk jafnmargra talsmanna, millistjórnenda og aðstoðarfólks séu einungis hámandi í sig gulli í ljúfri kókaín vímu alla daga – þó svo ýmiss afrek þeirra og gjörningar gætu óneitanlega vakið ákveðnar grunsemdir.

Það sem ég er aftur á móti að segja er að helsta ástæða ömurlegs ástands í flestum ef ekki öllum málum höfuðborgarinnar er ekki almennur aumingjaskapur og heimska borgarbúa, heldur þvert á móti vanhæfni og augljós spilling og eiginhagsmunagæsla borgaryfirvalda.

Dregur úr fjárhagsaðstoð

Þetta kallast sjálfsskaparvíti.

Sænsk og þýsk yfirvöld hafa öðrum fremur boðið hættunni heim.
Í stað þess að styrkja hjálparstarf á ófriðarstöðum og senda mat og hjálpargögn, þá halda þeir ótrauðir áfram að selja hæstbjóðanda vopn og morðtól.Sænskar jarðsprengjur þykja t.a.m. afbragðsgóðar.

„Hryllilegur glæpur“ í Svíþjóð

Áfram Sigmundur

Það er frábært að Sigmundur sporni við áformum um þessa ófrýnilegu byggingu.

Auðvitað á að varðveita hafnargarðinn og tafarlaust lagfæra þær skemmdir sem unnar hafa verið á honum á undanförnum vikum.

Að því loknu þarf auðvitað að skipuleggja eðlilega samkeppni um byggingu á þessum viðkvæma stað sem tengir Lækjartorg og Hörpuna saman með fullri virðingu fyrir viðkvæmu umhverfinu án tillits til hagsmuna verktaka og braskara.

Sama máli og sömu rökin eiga auðvitað við um fyrirhugaða byggingu við syðri enda Lækjargötu, líkt og Sigmundur hefur sömuleiðis vakið máls á.

Eru þrjár vikur raunhæfur tímarammi?

Tittlingaskítur

Þessi greinargóða umfjöllun Morgunblaðsins og annara fjölmiðla um bifreiðastyrk Suðurnesja prestsins er í raun og veru aðeins til þess fallinn að beina athyglinni að huglausu grútmáttlausu fjölmiðlafólkinu er greinilega fyrir náð og miskun fær að þykjast vera alvöru fréttamenn á þessum helstu talpípum sjúkra sérhagsmuna.

Hér blómstrar gegndarlaus spillingin áfram á flestum sviðum eins og sjá má ef grannt er fylgst með smáa letrinu og neðanmáls fréttum. Aðeins á allra síðustu dögum er þjóðinni boðið upp á milljarða gjafagjörning ríkisbankanns í frændgarð eins ráðherrans, auk annara hrollvekjandi frétta á borð við langvarandi mútuþægni fíkniefnalögreglu og vandkvæðalausri uppreisn æru eins kaldrifjaðasta morðingja Íslandssögunar, en ritstjórnir og eigendur fjölmiðla velja þó helst að láta fréttamenn þeirra helst fjalla um 88 þúsund króna mánaðarlegan bifreiðastyrk Njarðvíkurprestsins.

Prestur fær milljónir í bílastyrk

Mafía er hún og Mafía skal hún heita.

Hér sannast hreinlega SVART Á HVÍTU - enn einu sinni að Íslendingar eru nákvæmlega eins rotnir og spilltir eins og aðrar þjóðir, þó við látum í veðri vaka að við séum heimsmeistarar í heiðarleik og spilling tíðkist ekki, eins og yfirmenn lögreglu reyna nú allir að kyrja.

Svo aðeins sé minnst á mútur og fíkniefni, þá hafa á síðustu áratugum fundist nokkrar risa sendingar af kókaíni, sem ekki er eiturlyf venjulegra dópista, heldur öllu heldur hins svokallaða þotuliðs.

Það á gildir auðvitað sama regla um kókaín og annað smygl, að aðeins lítill hluti er hald lagður af yfirvöldum og undantekninga laust sleppa eigendur og höfuðpaurarnir, en peðin sitja eftir því þau hljóta oftast samúð og jafnvel styttingu á refsivist, vegna yfirhylmingar þeirra um höfuðpaura með ráð og dáð eins og nú síðast lítur út fyrir, þ.e.a.s. samstarfsmann í innsta hring lögreglunnar.

Hvað mútur snertir, þá hafa lögreglumenn og tollverðir auðvitað hér líkt og annarstaðar oft fallið fyrir freistingunni og lagt sitt af mörkum til þess að þessir efnuðu athafnamenn geti sogið þessi eitt eða tvö mánaðarlegu kíló áhyggjulaust í nefið, en stórfelldar alþjóðlegar peningagreiðslur á erlenda bankareikninga til stjórnmálamanna eru auðvitað sama spillingin, nema þá eru mútuþegunum auðvitað bara greitt fyrir pólitíska afstöðu eða jafnvel aðeins fyrir að kjósa eins og fyrir þá er lagt.

Þegar valdamiklir stjórnmálmenn taka undarlegar ákvarðanir og þjóðfélagslega óhagkvæmar í ofanálag og það í þágu stórveldis sem hefur nýlega upplýst að hafa greitt u.þ.b. 750 milljarða fyrir einmitt mútur og smurningu í þágu byltingarinnar í Úkraínu, þá hringja allavega mínar aðvörunar bjöllur, þó bjöllur heiðursfólksins góða og heiðvirða niðri á Hverfisgötu bæri ekki á sér.

Sex ára fangelsi liggur við brotunum

Er hægt að setja verðmiða á ráðherra?

Victoria Nuland, vara-utanríkisráðherra Bandaríkjanna sagði að ríkisstjórn hennar hefði veitt fimm billjón dollara fjárhagsstuðning til uppreisnarafla þeirra er veltu löglega kjörnum forseta Úkraínu úr sessi, alveg burtséð frá mannkostum eða göllum hans.

Er óeðlilegt að velta vöngum yfir hvort stórum hluta þess fjár hafi einmitt verið varið til kaupa á stjórnmálamönnum, eða áhrifaríkum embættismönnum?

Afstaða Utanríkisráðherra Íslands er óumdeilanlega undarleg og órökrétt í ljósi sögu og staðreynda.

Skiptir ekki um skoðun

Óskiljanlegt!

Síðast þegar ég vissi, þá voru þau sjö eða átta embættislausir sendiherrar sem mældu gólf Utanríkisráðuneytisins niðri á Rauðarárstíg.

Það væri gaman að vita hve margir sendiherrarnir- eða frúrnar eru orðin nú og auðvitað enn fróðlegra að fá einhverjar vitrænar útskýringar á tilgangi þessara stöðuveitinga.

Fjórir nýir sendiherrar skipaðir

Nú liggur það fyrir að framundan eru forsetakosningar á Íslandi.

Það er blátt áfram lífsnauðsynlegt fyrir okkar unga lýðveldi að kosningafyrirkomulagi verði áður breytt til þess vegar að nýr forseti hafi hreinan meirihluta atkvæða sér að baki.

Frakkar og fleirri lýðveldi hafa það fyrirkomulag að þurft getur að kjósa þrisvar sinnum, uns einn frambjóðandi hefur hlotið stuðning hreins meirihluta atkvæða.

Hér á Íslandi er fylking manna sem vinnur markvisst að því hörðum höndum að koma langþráðu fullveldinu undir erlend yfirráð og hljóta sjálfir að launum ríkulegan frama og tignarheit þvílíkra erindreka eins og ætíð tíðkast.

Það er hrollvekjandi tilhugsun ef sama fylkingin og barðist fyrir að láta Ísland veðsetja náttúru auðlindirnar fyrir ókleyfum Icesave skilmálum sameinaðist um stuðning við eigin leiðitaman forsetaframbjóðanda, hvort heldur sem sá væri vinsæll listamaður eða bara þekkt andlit.

Það stefnir því í að næsti Forseti Íslands geti náð kjöri með 20% greiddra atkvæða, jafnvel þó 80% þjóðarinnar séu honum hreinlega andsnúinn.

Ástþór ætlar í forsetaframboð

Afrek Kristbjarnar Árnasonar staðfestist svo sannarlega.

Hér fylgir athugasemmd sem á reyndar við bloggfærslu Kristbjarna Árnasonar um þessa sömu frétt, en tilkynning um að póstur úr tölvu minni (og væntanlega líka Gunnars Heiðarssonar) er sjálfkrafa útilokaður frá athugasemdum við bloggfærslur Grafarholts “kappans”

Hér er bannfærða athugasemdin:

Þú ert skrítinn lítill karl Kristbjörn. Í gær eyddi Gunnar Heiðarsson góðum tíma í að skrifa langa og ítarlega athugasemd við þetta blogg þitt, þar sem hann rekur illmælgin ofan í þig, hvert á fætur öðru. Síðan ritaði ég sjálfur athugasemd, þar sem ég hrósaði Gunnari fyrir það góða framtak að kveða þig í kútinn. Núna í morgun rek ég síðan augun í að stóryrti Grafarholtsbúinn sjálfur, er nú ekki meiri maður en það, að þú lætur þvælubloggið og illmælgin um Ólaf Ragnar Grímsson standa, en fjarlægir rökfastar athugasemdir Gunnars og mínar, eins og enginn hafi nokkurn tíma fett fingur út í þessi skrif þín að hætti smámenna - Verði þér að góðu karlinn.

Icesave-málið stærsta afrek Ólafs