Full seint í rassinn gripið.

Það segir í frétt að FÍB hafi sent fjármálaráðherra áskorun um að hann gripi tafarlaust til aðgerða varðandi fyrirhugaðar arðgreiðslur úr bótasjóðum tryggingarfélaga.

Þessi fróma ósk er svo kurteisisleg að hún jaðrar við undirlægju, því ráðherrann hefur nú þegar gripið til aðgerða og veitt leyfið fyrir verknaðinum – eins og honum einum er lagið.

Stingi ekki bótasjóðum í eigin vasa

Lesið á milli lína.

Þessi frétt um dauða þessa óhamingjusama unga manns er ágætt dæmi um tilgang fréttaflutnings sem missir herfilega marks, ef grannt er skoðað.

Tilgangur þessarar fréttar er auðvitað sá að sýna okkur hér á Vesturlöndum hve hörmuleg lífskjör vesælings fólkið þarf að búa við í Tíbet, sem og auðvitað allstaðar í Kína, þar sem mannréttindi og frelsi eru daglega fótum troðin að sögn sömu fréttaveitna.

Það tragikomiska við myndskreyttar fréttir af óhamingju og tíðum sjálfsvígum “Tíbeta” á s.l. árum er nefnilega sú staðreynd, að hinir látnu virðast helst hafa átt sér það sameiginlegt að vera búsettir utan og jafnvel fjarri Tíbet og oftar en ekki tengdir hinum illræmdu fyrrverandi stjórnvöldum landsins og einmitt þeim sömu sem rekin voru af kúguðum löndum sínum í útlegð með öllu sínu hyski fyrir mannsaldri síðan.

Eftir því sem best er vitað, þá una Tíbetar í Tíbet nefnilega hag sínum ágætlega í takti við batnandi lífskjör almennings, eins og reyndar á við um aðrar þjóðir í hinu víðfema ríki Kínverja, líkt og t.a.m. ýmsir víðförulir Íslendingar geta borið vitni um.

Táningur kveikti í sjálfum sér

Aðeins hænufet í rétta átt?

Það er ágætt og skiljanlegt í ljósi skoðanakannanna að nýjir flokkar séu smíðaðir í gríð og erg, þó hér virðist meiri missir að Hægri grænum.

Margt í stefnuskrá þessa flokks er jákvætt og gott, líkt og að hafna alfarið Schengen og ESB, auk þess að festa gengi gjaldmiðils okkar við gengi annars sterks, þó US dollarinn sé ekki endilega bestur, auk þess að þessi breyting úr krónu í ríkisdal er auðvitað ekkert annað en kostnaðarsöm rómantísk vitleysa.

Ég bind þó vonir við að önnur og gæfulegri samsuða spretti fram á sjónarsviðið og er ég þar helst að hugsa um Flokk heimilana, með því frábæra fólki sem þar var á ferðinni, auk þess að fengur væri í einstaklingum úr öðrum flokkum, hvar þau rekast illa, hvort sem þau heita Vigdís, Frosti, Grétar Mar eða bara Ólafur Ragnar svo eitthvað sé nefnt.

Réttnefni þessa flokks væri auðvitað: FLOKKUR FÓLKSINS

Hægri grænir heyra sögunni til

Lognið á undan storminum?

Líklegt verður að teljast, að Sádi-arabar, Ísraelar, Tyrkir og aðrir skósveinar þeirra á borð við Bandaríkjamenn og Egypta, ásamt auðvirðilegum handbendum þeirra í Isis – haldi nú aðeins í sér andanum áður en þeir láti grímulaust til skarar skríða af fullum þunga gegn Assad og félögum.

Líklega óttast Obama þó afleiðingarnar og reynir nú á þessari síðustu stundu störukeppni við Pútin.

Kyrrlátt í Sýrlandi eftir vopnahlé

Og þá voru eftir þrír..........

Það verður með degi hverjum líklegra að Donald Trump verði útnefndur sem frambjóðandi republikana í komandi forsetakosningum, þrátt fyrir þunga undiröldu vélráða hinna ríkjandi afla.

Sú aðferð sem beitt er gegn Trump, er helst sú að það er látið í veðri vaka að auk þess að vera ríkur og öfgafullur bjáni, þá þjáist hann helst af kynþáttafordómum og mikilmennsku brjálæði, auk þess sem allt annað en að stjórna raunveruleikaþáttum í sjónvarpi yrði honum samstundis ofviða.

Einmitt þessi málflutningur fjölmiðla hefur verið notaður í sívaxandi mæli og reyndar í takti við sívaxandi og breytta ásýnd fréttaveitna á síðari árum – eins og við höfum líka fengið smjörþefinn af, hér á Íslandi.

Sauðsvartur almúgur vestanhafs virðist þó loks hafa fengið sig fullsaddann af ófyrirleytnum lygum og áróðri þessara “fursta myrkursins” og kallar á hreinsun og breytingar, eins og ljóslega má sjá á velgengni Trumps og reyndar gyðingsins, hippans og anti-zionistans aldna - demokrata megin.

Það er því miður líklega of gott til að vera satt, að annar hvor þessara kappa sem höfða svo mjög til sannleika og réttlætis fengju að lifa það að verða gamlir og farsælir í embætti forseta Bandaríkjanna.

Trump fékk flest atkvæði og Bush hættir

Vonandi malar RÚV gull á Eurovision.

Þessi árlega sönglagakeppni RÚV um réttinn til að vera fulltrúi Íslands í Eurovision er því miður orðin langþreytt og leiðinleg.

Lögin, útsetningarnar og reyndar umgjörðin öll, virðist aðeins úr sér gengin endurtekning, komin langt fram yfir síðasta söludag, þó einhver nýliðun hafi þó auðvitað orðið á andlitum aðalflytjenda.

Án þess að vera of neikvæður, þá álít ég því að það þurfi ekkert minna en kraftaverk til þess að sigurlag gærkvöldsins nái upp úr undanriðlinum í sjálfa keppnina í Svíþjóð.

Fólk skemmtilega ósammála

Lýsandi dæmi um hlutdrægan fréttaflutning mbl.is

Hér er fjallað um tvo palestínska drengi sem eru að kasta steinum í bifreiðar landræningja á Vesturbakkanum og eru miskunarlaust skotnir til bana af brynvörðum hermönnum.

Hér segir blaðamaður Mbl að drengirnir hafi skotið á hersveitirnar (þá trúlega með steinum?) og þungvopnaðir hermennirnir skotið þá - væntanlega í nauðvörn!!!

Þetta er nákvæmlega samskonar fréttaflutningur og þegar heimasmíðaðar rakettur Palestínumanna, sem skotið er í átt til byggða landtökumanna og á leiðinni ná hreinlega að breytast í mannskæðar eldflaugar eftir ámóta umfjöllun “sömu” fréttamiðla.

Palestínskir dengir skotnir til bana

Dr. Jekyll og Mr. Hyde

Morgunblaðið og hinn svo kallaði Utanríkisráðherra Íslands eiga það sameiginlegt að vera í djúpri sjálfsmyndarkreppu.

Morgunblaðið álítur sig í fullri alvöru vera tiltölulega frjálslyndan fréttamiðil, en er því miður hrópandi andstæða þessara frómu hugtaka eins og við blasir í hlutdrægum fréttaflutningi og enn ljósar í þeim fréttum sem alls ekki er fjallað um.
Síðasta þrepið á leið mbl.is til algjörar ritskoðunar og fullkominar niðurlægingar var þó nú síðast að loka vinsælu bloggi Þorsteins Sch. Thorsteinssonar sem vann sér það líklega helst til saka, að hafa varpað fram (líklegri) tilgátu um aðkomu Ísraelsmanna að ófriðarbálinu fyrir botni Miðjarðarhafsins og í Austurlöndum nær.

Hvað Gunnar Bragi Sveinsson á sameiginlegt með Mbl. er auðvitað sú staðreynd, að þó hann gegni þessu krefjandi embætti fyrir hönd þjóðar sinnar, þá verður ekki betur séð á embættisfærslu hans allri, en hann sé aðeins ómerkilegt leiguþý og erindreki erlendra hagsmuna og það ítrekað, þvert á hagsmuni Íslands.

Gunnar Bragi í München

Unnið fyrir gíg?

Hér á Íslandi er málum nú því miður svo komið, að fámenn klíka ræður hér ríkjum með stuðningi gírugrar embættismannastéttar og vanhæfra handbenda þeirra – eins og við blasir hvert sem litið er.

Hér krefjast tugir þúsunda Íslendinga náðarsamlegast að óska eftir að litlum 11 prósentum af tekjum þjóðarbúsins verði ráðstafað til heilbrigðismála þó allir eða yfirgnæfandi meirihluti þeirra er styðja þessa frómu ósk geri sér fulla grein fyrir að þessi krafa muni í besta falli uppskera skellihlátur ráðamanna, því þeir hafa nefnilega svo fjölmargt annað og skemmtilegra að gera við aurinn.

Yfir 70 þúsund undirskriftir

Sannleikurinn mun gera yður frjálsa.

Það jákvæða við þessa frétt er einfaldlega sú staðreynd að þarna stendur NATO og auðvirðileg handbendi þeirra berleggjuð og með allt niðri um sig – eina ferðina enn.

Það er í raun og veru alveg ótrúlegt að verða vitni að því nánast daglega, að fullfrískir og andlega heilbrigðir landar mínir lýsi í fúlustu alvöru yfir skilning og fullum stuðning við þann ótrúverðuga og í raun og veru örvæntingafulla málstað sem hnignandi stórveldið í vestri ásamt ESB ríkjunum, reynir með öllum tiltækum ráðum að bera á borð fyrir þegna sína – ítrekað og með góðum árangri þrátt fyrir að kaldhæðinn raunveruleikinn blátt áfram blasi við eins og á svo ágætlega við um þessa frétt.

Sangin sögð riða til falls