Er seint betra en aldrei?

Hefðbundnir kjósendur Sjálfstæðisflokks leggja varla trúnað á kosningaloforð Bjarna, minnugir glænýs fjárlagafrumvarps hans og Benna frænda um aukna olíuskatta og áform þeirra um vegatolla, sem allir vita að eru þegar innheimtir og það margfalt.

Það hefði óneitanlega litið betur út fyrir Bjarna ef hann hefði hækkað frítekjumark ellilífeyrisþega fyrir nokkrum dögum á meðan hann hafði völdin til þess.

Vinstri grænir máttu auðheyrilega vart vatni halda yfir áformum Benna heitins fjármálaráðherra um aukinn olíuskatt og munu líða fyrir það hjá öllum hugsandi og akandi kjósendum þeirra.

Eftir stendur að það er líklega einungis spurning um hvort Flokkur fólksins verði stærsti eða næst stærsti flokkur landsins að kosningum loknum.

Frítekjumark verði 100.000 kr.

Niðurstaða kosninganna verður í réttum takti við tíðarandann.

Þessi skoðanakönnun Mbl sýnir aðeins þá staðreynd að rúmur helmingur kjósenda hefur ekki, eða vill ekki gefa upp hug sinn varðandi komandi kosningar.

Auðvitað verður að gera ráð fyrir að nálægt helmingur þeirra sem ekki gáfu upp afstöðu sína í þessari könnun muni af mismunandi ástæðum ekki nýta kosningarétt sinn, en nálægt þrjátíu prósentum kjósenda munu líklega breyta landslaginu í íslenskum stjórnmálum til frambúðar, rétt eins og breskir og þó sérstaklega bandarískir kjósendur hafa á undanförnum mánuðum afrekað, þrátt fyrir andstæðar spár og skoðanakannanir.

Líklega nær Íslenska þjóðfylkinginn nokkrum mönnum á þing, en án óvæntra áfalla, þá stefnir auðheyrilega allt í stórsigur Flokks fólksins og það jafnt á kostnað hefðbundinna stjórnmálaflokka.

VG stærsti flokkurinn

Oft veltir lítil þúfa þungu hlassi.

Það hvarflaði að mér eftir að hafa horft á "Meinsærið" á RÚV í gærkveldi, að réttast væri að steypa rotinni stjórnsýslunni, sem enn heldur verndarhendi sinni yfir spunameisturum G og G mála, körlum á borð við þá Valtý Sigurðsson, Örn Höskuldsson og fleiri þeirra líka, sem enn velja að dyljast þöglir undir steini, í stað þess að skýra þátt sinn í grimdarlegri eyðileggingu lífshlaups þessara ungmenna.

Í stað þess verður faðir forsætisráðherra uppvís að hafa skrifað undir beiðni um að veita gömlum fjölskylduvini uppreisn æru, líkt og tíðkast í tugum annara og jafnvel enn óhuggulegri málum og þá verður nú fjandinn laus.

„Ekki lengra gengið að sinni“

Flokkur fólksins virðist vera kominn til að vera.

Þá er loks komið að því að ný fjöldahreifing, eða stjórnmálaflokkur sem berst fyrir velsæld og rétti þegnanna hefur litið dagsins ljós hér á Íslandi.

Þung undiralda óánægju og óréttlætis hefur loks verið beisluð og því raunhæf von um bjartari tíma fyrir alla þá, sem ekki beinlínis njóta vensla eða vináttu við spillta valdastéttina.

Það leikur ekki minnsti vafi á að auðæfi Íslands eru stórkostleg og því auðskiljanlegt að erlend ríki og einstaklingar ágirnist gullin okkar sem okkur ber því skylda til að varðveita og standa vörð um.

Fremmst í þessum flokki sannra þjóðernissinna stendur orðhvöss blind kona, sem hefur fundið leiðina að hjörtum allra þeirra Íslendinga sem vilja krefjast meðfæddra réttinda þeirra á landinu okkar, í stað þess að vera sett svöng og allslaus til hliðar og aðeins boðið upp á að horfa á lítinn hóp gráðugrar klíku gæða sér á þjóðar auðinum.

Öruggt verður að teljast að víðs vegar í skúmaskotum valdaklíkunar eru ákaft brugguð ýmiss banaráð til höfuðs þessa nýja flokks og verður fróðlegt að sjá hvað úr verður, en sem betur fer þá eru Inga og félagar ekki fædd í gær og því vonandi viðbúinn hinu versta.

Með núverandi stíganda mun Flokkur fólksins hins vegar verða glæsilegur sigurvegari í komandi borgarstjórnar kosningum og síðan auðvitað setja einarða stefnu á meirihluta á Alþingi.

Slagorð flokksins eru: Burt með fátækt og spillingu.

Flokkur fólksins með 11%

Ómannúðleg atvinna.

Þær starfsaðferðir sem tíðkast hjá útlendingastofnun og landamæraeftirliti eru örugglega nákvæmar og sannarlega atvinnuskapandi, en mannlegi þátturinn er oftast kaldranalegur því oftast er tekið undir fyrri úrskurði og þessu fólki vísað úr landi mánuðum og jafnvel árum síðar.

Auðvitað er það frábært að tugir lögfræðinga og annara starfsmanna geti haft góðar tekjur af því að teygja og draga brottvísanir þessa fólks, en þetta endar auðvitað oftast eins og á við um þessa litlu fjölskyldu, sem vongóð hefur tekið að skjóta rótum hér.

Þessi mál verður að afgreiða á flugvellinum og ef umsókn er hafnað þá beri viðkomandi flutnings aðila að flytja ólöglegan umsækjandann sömu leið til baka og það á eigin kostnað.

Fjölskyldan verður send úr landi

Tímabært að fara að vakna.

Þessi blómlega frétt frá Færeyjum og helsta umræðuefni síðustu daga hér á skerinu, sem er auðvitað síðasta hneykslið að þessu sinni tengt Orkuveitunni, sýnir svo ekki verður um villst hrikalega spillingu og handvömm í gervöllu embættis og stjórnkerfi þjóðarinnar.

Þessu fólki sem ber ábyrgðina verður tafarlaust að sparka út.

Færeyjar vilja fríverslun við Rússa

Slök dagskrá Menningarnætur í RÚV.

Undanfarin ár, þá hef ég notið dagskrár Menningarnætur heima við sjónvarpið og fylgdi líka þeirri þægilegu venju að þessu sinni.

Í stuttu máli, þá verð ég að lýsa vonbrigðum mínum yfir flytjendum og flutningi þeirra og RÚV, eins og dræmar viðtökur áheyrenda báru vott um.

Reyndar stóðu Helgi Björns og félagar sig ágætlega og flugeldasýningin var ágæt, en það var líka allt og sumt sem hægt er að tína jákvætt fram um þessa kvöldstund.

Ég nenni varla að leggja dóm á aðra flytjendur, en þau voru að mínu mati bæði ósmekkleg og kauðaleg líkt og sviðsetningin öll, en óumdeilanlega voru flytjendur einhverra hluta vegna ekki fær um að skila efni sínu frambærilega, heldur áttu þau sum hver auðheyrilega í erfiðleikum með að halda lagi, eða með öðrum orðum sungu áberandi falskt.

Ég held að RÚV ætti að standa betur að öllu þessu prógrammi, allt frá vali tónlistar atriða til sviðsetningar, líkt og t.a.m. var nýverið til hreinnar fyrirmyndar í útsendingu frá Fiskidögum á Dalvík

Voru á annað hundrað þúsund

Þjóðernishyggja á báða bóga?

Helsta ástæða mótmæla hvítra engilsaxneskra Bandaríkjamanna í bænum Charlotteville í Virginíu er sú að bæjarráð borgarinnar ákvað að rífa styttu af einum fræknasta herforingja Suðurríkjanna, Robert E. Lee.

Þetta minnismerki stendur nú í samnefndum Lee Park og hefur staðið þar síðan 1924 og telst þar að auki til sagnfræðilegra minnisvarða þar í landi.

Líkleg ástæða fyrir öfgafullri og ögrandi samþykkt bæjarráðsins er líklega sú að rúmlega helmingur bæjarbúa eru blökkumenn og flestir örugglega demokratar, svo undarlegt sem það kann að hljóma, því það voru reyndar republikanar ásamt Lincolni forseta, sem börðust og fórnuðu lífi sínu fyrir afnámi þrælahaldsins á sínum tíma.

Önnur saga er auðvitað sú staðreynd að bæði hvítir og litaðir sem stöðugt troða illsakir eru í raun og veru ekkert annað en aðfluttir nýbúar í þessu hræsni bæli, því afkomendur frumbyggjanna sem ekki var slátrað í upphafi og tórðu af þá sannkölluðu helför eru enn kúgaðir og haldið í fjötrum eineltis og niðurlægingar, þó lítið sé nú fjallað um það.

Trump hafi líka fordæmt þjóðernissinna

Arfur Guðmundar og Geirfinnsmála í tilefni nýrrar kvikmyndar.

Svo lengi sem Dómsmálaráðherra, Hæstiréttur og önnur dómstig á Íslandi standa vörð um þau augljósu dómsmorð og alla þá svívirðu er þar fóru fram varðandi rannsókn og dóma í hinum svokölluðu Guðmundar og Geirfinnsmálum, þá er allt dómsvald og stimamjúk handbendi þeirra á Íslandi í raun og veru ómarktæk og einungis til háðungar.

Eru vígin að falla?

Koma verslunarkeðjunar Costco sýnir svo ekki verður um villst að íslenskir neytendur hafa augljóslega verið sviknir og rændir svo árum skipti.

Nú brakar í stoðum auðvaldsins og skyndilega virðast heildsalar og smásalar geta lækkað verð sín með ósannfærandi rökum á borð við hagstæðari samninga við erlenda byrgja og flutningsaðila.

Stóru gleðitíðindin fyrir íslenskan almenning eru að fram á sjónarsviðið eru komnir nokkrir sterkir einstaklingar sem boða nýja tíma og uppgjör við illþýðið, sem misnotað hefur og svívirt trúnaðartraust þjóðarinnar á ótrúlegum uppgangs tímum síðustu áratuga.

Þeir einstaklingar sem stigið hafa fram með kjarki og heilindum til að leiða þjóðina í átt til réttlætis og virðingar, njóta nú þegar trausts þúsunda félags-og flokksmanna þeirra og nú þegar skriðan er fyrir alvöru kominn af stað með góðum stuðningi útvarpsstöðvarinnar er kennd er við Sögu, þá verður fjöldahreifinginn Flokkur fólksins ekki stöðvuð í baráttu sinni fyrir hagsmunum Íslendinga.