Þær ættu fremur að skammast sín.

Niðurstaða þessa tilgangslausa uppblásna Evrópuráðsfundar er fyrst og fremst staðfesting á spaugilegu framapoti tveggja íslenskra kvenna, sem svífa þöndum vængjum í þessu óveðri öfga og kvenfrelsis sem gengur nú illu heilli yfir vesturlönd, eins og blasir reyndar hvívetna við.

Það sást greinilega á þeim gestum sem sáu sér fært að mæta, að þeim var ekki skemmt og auðvitað nennti sjálfur heiðursgesturinn ekki að mæta á þessa sýningu þeirra Katrínar og Þórdísar, þó svo að meginefni fundarins snerist í orði kveðnu um hann og hans hagsmuni.

Það eina sem þessi svokallaða Reykjavíkur yfirlýsing skilur eftir sig, er að ekki tókst að fá öll aðildarríkin til að samþykkja þessa svokölluðu tjónaskrá eða fordæmingu á Rússum, eins lagt var upp með og auðvitað var aldrei einn einasti hinna hundruð fréttamanna í því samhengi nógu skýr eða hugaður að varpa fram spurningunni hvort þetta fyrirkomulag væri afturvirkt eða hvort það ætti einungis við um Rússa eða mögulega Kínverja? Auðvitað vill enginn spyrill deila örlögum með óstýrilátum ribböldum á borð við Julian Assange.

Annað stórt mál sem snýr að Íslendingum var afgreitt snyrtilega, en það var höfðingleg gjöf sjálfrar Ursulu til Katrínar í þá veru að Íslendingar fengju ekki aðeins eins árs, heldur tveggja ára undanþágu frá fullri greiðslu kolefnis losunarheimilda flugs - eða með öðrum skýrari orðum: Tveggja ára aðlögunartími uns fótunum yrði endanlega kippt undan öllum flugrekstri hér á eyjunni.

Í tilefni dagskrárinnar var með öllum atkvæðum samþykkt á Alþingi, að bæta við öll fyrri framlög, hálfum öðrum milljarði fyrir færanlegt sjúkrahús á vígstöðvarnar, nú á sama tíma og sömu ræfils þingmenn sjá sér ekki fært að bæta fjármunum í hörmulegt ástand heilbrigðismála hér heima fyrir.

Íslendingar hafa notið þess á alþjóðlegum vetvangi að vera álitin friðsöm og réttlát þjóð, en því miður lítur út fyrir að sú ímynd sé að verða liðin tíð.

„Ég er bara mjög ánægð með Ísland“

Afmæli hernáms Íslands.

Í dag, eða þann tíunda maí árið 1940 var Ísland hernumið af breskum her, þrátt fyrir að einhverjir telji sjálfum sér og öðrum trú um að aðgerðin hafi einungis verið í þágu okkar, en einmitt þau sömu rök notuðu Þjóðverjar fyrir hernámi Danmerkur og Noregs mánuði áður og reyndar samdægurs fyrir hernámi Hollands, Belgíu og Lúxemborgar, eins fjarstæðukennt það nú er, eins og öllum ætti að vera ljóst.

Nú er öldin önnur, því Þýskaland og Japan sem töpuðu stríðinu og eru reyndar enn hernumin af Bandaríkjamönnum, þrátt fyrir að sama verndar-tuggan sé þar enn við lýði, en nú breggður svo við að einmitt gömlu nasistarnir og synir sólarinnar eru orðnir bestu ljúflingar , en Rússarnir sem fórnuðu flestum mannslífum í styrjöldinni eru nú orðnir vondu karlarnir.

Hvergi í fréttum dagsins hef ég heyrt minnst á þetta sorglega hernám okkar, né reyndar margar aðrar fréttir sem huglausir og/eða vanhæfir blaðasnápar þessa bleðils og annara hér í ástandinu ættu að fjalla hreinskilningslega um, eða eins og skáldið sagði: Afsakið meðan ég æli.

Er Kænugarður Mekka nazismans í Evrópu?

Fyrirsögn færslunar er fengin að láni úr bloggfærslu fyrrverandi skólastjóra hér á blogginu, sem greinilega lítur átökin í Úkraínu öðrum augum en þeim sem almenningi á Vesturlöndum er linnulaust innrætt, en í þeim áróðri sem einmitt þær Þórdís Kolbrún og Katrín Jakobs kyrja sem ákafast er öllu snúið á hvolf og Pútín gjarna líkt við Adolf Hitler, sem hvert mannsbarn veit að var heimsins mesta illmenni. Annar bloggari hér á mbl.is bregður á það ráð að fjalla ýmist um raunverulegt innræti og ástríður Katrínar í Kænugarði á enskri tungu og annars vegar um fyrirlestur þekkts dansks fréttamanns í hátíðasal Danska Verkalýðssafnsins undir blaktandi rauðum fánum, en þá bregður hann á bestu Scherfigs-isku og líkir við hið fróma Frydenholm andrúmsloft, eins kaldhæðnislegt og það nú reyndist síðar vera. Á færslum þessara tveggja bloggara sem ég dreg hér fram, sést líkt og sjá má í vaxandi mæli um öll Vesturlönd að almenningur er vaknaður og byrjaður að sjá í gegnum áróðurinn, hvort sem um er að ræða hatramma Rússagrýlu, Covid eða loftlagsbreytingar af mannavöldum.

„Önnur leið en Pútín myndi vilja“

Kjarnorkuvopn á Íslandi?

Einungis mestu kjánar og forfallnar kanasleikjur trúa þeirri staðhæfingu að þeir kjarnorkukafbátar sem hyggjast leita hér vista og áhafnaskipta komi hingað án þeirra kjarnorkuflauga, sem um borð eru alla jafna, eða dettur nokkrum heilvita manni það í hug að þeir losi sig við sprengjurnar á hafnarbakka í Bandaríkjunum eða annarstaðar áður en þau koma hingað - einungis til að komast hjá því að fylgja landslögum trúgjarna Íslendinga?

Þessi síðasti stórhættulegi gjafa gjörningur Þórdísar Kolbrúnar er að mínu mati einungis enn ein sönnun þess að hún gengur erinda framandi ríkja, líkt og reyndar má segja um allar aðgerðir og framkomu Katrínar forsætisráðherra síðustu misserin og á meðan standa þeir Bjarni og Sigurður Ingi hljóðir eða tjóðraðir hjá, á meðan fósturjörðin er ýmist gefin eða seld.

Þetta er háttarlag sem ég kalla föðurlandssvik.

Gerir Ísland ekki að líklegra skotmarki

Athyglisverð dauðaþögn um stríðið í Úkraínu.

Engar fréttir eru góðar fréttir, eins og segir í máltækinu og gæti það átt við um skyndilegt áhugaleysi vestrænna fréttamiðla á stríðsrekstri Selenskis og félaga, síðustu dægrin.

Getur það verið að nýrra og þá sannarlega óvæntra áherslu breytinga á einlægum stuðningi og hugarfari vesturlanda sé að vænta, eða getur það einfaldlega verið að áhuginn á stríði við Rússa og bandamenn þeirra sé bara fokinn út í veður og vind?

Getur það mögulega átt sér stað, að uppsöfnuð og sífellt öflugari andstaða almennings hér á vesturlöndum við öfga-kenninga stefnur í loftlags- veiru og kynjamálum og hreinlega augljósum lyga-þvælusögum sem jafnvel mætustu borgarar kyngja og fylgja í blindni og að nú sé mælirinn hreinlega fullur og tekinn að springa?

Síðasti dropinn í yfirfullan bikarinn, hvort sem varðar vaxandi spennu og þrýsting sem blasir við í Bandaríkjunum og Vestur-Evrópu, gæti nú mögulega verið krafa Hans Blix, fyrrverandi yfirmanns vopnaeftirlits Sameinuðu Þjóðanna þess efnis að ákæra Bush, Blair, Rumsfeld og fleirri samstarfsmenn þeirra fyrir stríðsglæpi og auðvitað, fyrir utan öll átök og hörmungar, má sjá ýmiss hatröm vígi öfga-ruglsins taka að hrynja, hvert sem litið er.

Vonandi fer þessu hörmulega aldarmóta tímabils rugli að ljúka.

Er Benjam­in Net­anya­hu holdgervingur hins illa?

Ég er óravegu frá að hafa einhverja yfirnáttúrulega hæfileika, en þegar ég sé skýrar nærmyndir af þessum forsætisráðherra Ísraels, þá fer samt ónota hrollur um mig.

Ég veit alveg að það eru mörg illmenni og óþverar á ferðinni í háum og lágum stöðum, sum dásömuð og önnur fyrirlitin, rétt eins og pólitískir vindar blása og okkur ætlað að fylgja í hlýðnum hópi.

En stundum gengur þó hræsnin og tvískinnungurinn fram af mér, eins og þegar kemur að auðsveipninni gagnvart framkomu Ísraelsmanna gegn svívirtum og undirokuðum Palestínumönnum, sem er svo viðurstyggileg, að það er hreinlega ógeðslegt að þetta hyski sem þykist vera trúað og gott fólk hér í nærumhverfinu, geti horft framhjá og afsakað sig með að við hefðum nefnilega verið svo vond við gyðinga fyrir meira en tveim mannsöldrum síðan.

Netanyahu í hefndarhug

Enn ögra Bandaríkin Kína.

Eins og við blasir er skiljanlegt að stórveldið Bandaríki N-Ameríku, sem er í greinilegri nauðvörn sem leiðandi stórveldi jarðar reyni í auknum mæli að efla til ófriðar út um allt, þó ætíð úr öruggri fjarlægð, sem minnir einna helst á stóra kónguló sem bíður þolinmóð eftir að tilvonandi máltíðir hrekist í víðfeðman vef hennar.

Mögulega gætu þó ný stjórnvöld í Washington stöðvað helstefnu þeirra Bidens, Sórosar og Demókrata áður en það verður of seint, en ég óttast að þegar þolinmæði BRIKS og félaga þrýtur, að þá hafi þeir vit á að byrja á að tortíma sjálfri kóngólónni, í stað þess að eyða dýrmætum tíma í útrýmingu ómerkilegra leppríkja hennar.

Það er og verður nefnilega ætíð hættulegt að leika sér að eldinum.

„Alvarlegt brot“ gegn reglunni um eitt Kína

Hvernig verður Donald Trump stöðvaður?

Eins og allt bendir til, þá verður Donald Trump kjörinn sem næsti forseti Bandaríkjana árið 2024 og það líklega með Ron DeSantis sér við hlið sem varaforseta, þrátt fyrir máttlausar ófræginga herferðir alls góða hyskisins.

Þetta vita bandarískir demókratar mæta vel og afleiðingar þess og ekki bara fyrir þá, heldur fyrir allt glóbala demókrata hyskið, sem t.a.m. fjölmennir á þingi, stjórnsýslu og í æðstu embættum hér á hjara veraldar eins og við blasir.

Ég óttast að öllu verði til kostað að koma Trump fyrir kattarnef áður en hann nær að taka völdin í sínar hendur, því endurræsing hans á hefðbundnum gildum mun ná til bandamanna og auðmjúkra leppa Bandaríkjanna um víða veröld og hafa víðtæk áhrif, líkt og hann heldur fram, þegar hann segist t.d. tafarlaust muni stöðva stríðið í Úkraínu.

Því miður eru lífslíkur hans jafnvel enn lakari en þær sem Kennedy átti í stjórnarbyltingunni 22. nóvember 1963, eftir að hann hafði kæft Svínaflóa árásina og boðaði niðurskurð í Víetnam.

Sakfelling hindrar ekki Trump í að gefa kost á sér

Þörf og holl lesning fyrir herskáa.

- Við höf­um þung­ar áhyggj­ur af hópaf­töku allt að 25 rúss­neskra stríðsfanga og óvíga­færra her­manna, sem við höf­um skjalfest gögn um, í hönd­um úkraínskra her­manna, sagði Matilda Bogner, yf­ir­maður Mann­rétt­inda­vakt­ar Sam­einuðu þjóðanna í Úkraínu, á blaðamanna­fundi í úkraínsku höfuðborg­inni Kænug­arði í dag -

Þessa fullyrðingu Yfirmanns Mannréttindavaktar SÞ ættu stríðsmangarar á borð við Þórdísi Kolbrúnu, Katrínu Jakobsdóttur og fleiri af því sauðarhúsi á borð við Björn Bjarnason að lesa vandlega, áður en þau fara með bænirnar sínar í kvöld - eða öllu heldur bölbænirnar sínar.

Segir aftökur stríðsfanga áhyggjuefni

Súpa yfirvöld nú seyðið?

Það er eiginlega spaugilegt að sjá í Kastljósi ráðvilltan lögregluþjón reyna að útskýra vaxandi ofbeldið á götunum með því að kenna ungum mönnum um breytta skilgreiningu á ofbeldi og auðvitað áhorf á ljótt efni í fjölmiðlum.

Enn vandræðalegra var þó að spyrillinn þorði greinilega ekki að varpa fram spurningunni sem ekki mátti spyrja fyrir hönd okkar áhorfenda, en hún var auðvitað einfaldlega:

Eru þessir nýju boðberar grófs ofbeldis vatnsekta Íslendingar?

Fimm handteknir eftir átök í heimahúsi