Volg kaldhæðni?

Svona í tilefni þess að stöðugt er samviskusamlega tönnlast á því að meintur morðinginn sé Sví, þá kemur upp í huga mínum gamalt grín, en það hljómar svona:

Ef læða gýtur inni í bakaraofni, hvort eru afkvæmin þá kettlingar eða smákökur?

Meintur morðingi tekinn í Dijon

Ágæt bloggfærsla Björns Bjarnasonar endurtekin:

MeToo og McCarthyismi

Jón Steinar Gunnlaugsson sagði í grein sinni að hann væri meðal annars kallaður „viðbjóður“, „ógeð og „illfygliskarlagerpi sem þurfi að fokka sér“.
Við lestur greinar Jóns Steinars Gunnlaugssonar hrl. í Morgunblaðinuí gær (19. okt.) þar sem hann lýsir persónulegum svívirðingum sem hann hefur sætt á FB-síðunni Karlar gera merkilega hluti rifjaðist upp grein sem vitnað er til hér fyrir neðan. Hópurinn sem stendur að síðunni segja að hún sé mikilvægur og valdeflandi vettvangur. Tilvist síðunnar og hópsins verði hvorki útskýrð né rökrædd við mann, Jón Steinar, sem skrifi feðraveldi innan gæsalappa og skilji ekki hvað „öruggt svæði er.“
Á visir.is segir að þetta komi fram í yfirlýsingu sem Sóley Tómasdóttir, Hildur Lilliendahl Viggósdóttir og Sæunn Ingibjörg Marinósdóttir sendu á fjölmiðla laugardaginn 20. október.
Jón Steinar Gunnlaugsson sagði í grein sinni að hann væri meðal annars kallaður „viðbjóður“, „ógeð og „illfygliskarlagerpi sem þurfi að fokka sér“.
Brendan O‘Neill, ritstjóri vefsíðunnar Spiked-online, birti 20. september 2018 pistil sem hófst á þessum orðum:

„MeToo hefur opinberlega komist á stig McCarthyismans. Brottrekstur Ians Buruma frá The New York Review of Books er staðfesting, fyrir þá sem enn þörfnuðust hennar, á því að myllumerkis-hreyfingin snýst meira um hefnd og ritskoðun en réttlæti. Glæpur Buruma fólst ekki í því að hann snerti konu án samþykkis hennar eða veittist að samstarfskonum sínum með óviðurkvæmilegum orðum. Hann gerði ekki annað en birta ritgerð eftir karlmann (kanadíska útvarpsmanninn Jian Ghomeshi) sem var sakaður um kynferðislegt ofbeldi en síðan sýknaður fyrir dómi. Þegar unnt er að reka mikils metinn ritstjóra úr hópi verðugra fyrir að birta orð manns sem ekki hefur reynst sekur um neitt afbrot, áttar maður sig á því að maður lifir myrkva, ljóta tíma. MeToo er ljósmóðir þessarar miðaldalegu aðferðar til að hafa stjórn á þeim sem maður er ósammála.“

Greininni lýkur Brendan O‘Neill á þessum orðum:
„Það á ekki að reka Buruma, það á að fagna honum, hann hefur stuðlað að mjög mikilvægri umræðu um skelfileg áhrif MeToo á frelsi, réttlæti og kynlíf. Við eigum að verja hann og aðra MeToo villutrúarmenn áður en það er orðið um seinan. Áður en við búum við þær aðstæður að hver sá sem sækir um starf við blaðamennsku, á menningarsviðinu, í stjórnmálum eða skemmtanaiðnaðinum er fyrst spurður: „Ertu eða hefur þú nokkru sinni verið gagnrýnin(n) á MeToo?““

Jón Steinar prófi „sitt eigið meðal“

Eigum við bara að styðja þjóðarmorð Ísraela?

Sendiherra og varafastafulltrúi Palestínu hjá Sameinuðu Þjóðunum sem stödd er hér á landi vegna friðarráðstefnu hvetur Íslendinga til að sniðganga væntanlega Eurovision keppni í Ísrael vegna þess áratuga landráns og mannréttindabrota sem þar eru stunduð - eins og allir vita.

Auðvitað mætti nýta fjármuni hinna örfáu skattgreiðenda hér á náskerinu betur en að sóa því í svoleiðis glimmer skrautsýningar og aldrei verður það nægilega ítrekað að einmitt þetta gráðuga her, eða öllu heldur herraveldi er ekki einu sinni Evrópuríki, svo það sé nú enn sagt.

Annars er tilefni þessa pistils enn ein lítil frétt gærdagsins hér á mbl.is, þar sem sagt er frá palestínskri móður sem grýtt var til dauða af hinum svokölluðu landnemum. Yfirleitt eru fórnarlömbin þó börn eða unglingar sem hreinlega eru skotin á færi.

Þessar daglegu fréttir af morðum á þessum "untermench" virðast þó ekki hræra hjörtu hinna sannkristnu, frekar en ekki hvað, en ábendingar á borð við þennan greinarstúf minn valda hinum sömu þvert á móti vonandi bæði sárindum og hugarangri.

„Ekki taka þátt í Eurovision“

Nú súpa feminískar beljur af báðum kynjum hveljur.

Kjör heiðursmannsins Brett Kavanaugh´s í embætti dómara við Hæstarétt Bandaríkjanna hefur á síðustu dögum augsýnilega farið illilega fyrir brjóstið, eða öllu heldur brjóstin á mótmælendum, sem virðast nefnilega helst eiga það sammerkt að vera femínistar, demokratar og alveg sérstaklega hatrammir andstæðingar Donalds Trump, sem þeim til óbærilegs hugarangurs, virðist þrátt fyrir allt njóta sívaxandi vinsælda og fylgis í Bandaríkjunum.

Það lýsir annars ágætlega stöðu Evrópskrar social feminiskrar firringar um þessar mundir að Trump og Kim skyldu ekki hljóta friðarverðlaun Nóbels þetta árið, í ljósi heilbrigðrar skynsemi - eða hvað?

Beljur Baggalúts sem koma fyrir í fyrirsögn færslunar eru auðvitað venju samkvæmt alveg sérstaklega áberandi og öflugar hér á Íslandi, sem á sér þó eðlilegar skýringar, en það verður að teljast gjörsamlega óásættanlegt að ríkisfjölmiðill í allavega að nafninu til, í lýðræðisríki í Evrópu, virðist ekki vera annað en viljalaust verkfæri í höndum alþjóðlegra niðurrifs afla.

Kavanaugh skipaður dómari

Hvað eru réttlátar bætur vegna dómsmorða?

Í kjölfar löngu tímabærra sýknudóma fórnarlamba hinna svonefndu Guðmundar-og Geirfinnsmála, þá hlýtur að næst á dagskrá að greiða fórnarlömbunum og öllum aðstandendum þeirra bætur fyrir svívirðuna í takti við aðrar bætur sem tíðkast nú til dags.

Hér í meðfylgjandi frétt er fjallað um eitt hundrað þúsund krónu bætur sem héraðsdómur dæmir manni fyrir að hafa verið látinn sitja í varðhaldi í 13 klukkustundir og líka má minnast á tuttugu og átta milljón króna bætur sem miðaldra karli var nýlega gert að greiða maka og börnum bróður síns, þess sem hann banaði líkast til í ölæði eftir riflildi þeirra bræðra.

Þær fátæklegu peninga bætur sem ríki okkar ber að greiða þessu saklausa fólki öllu og þá auðvitað að meðtalinni stúlkunni, hljóta að vera hundrað- eða öllu heldur þúsundfaldar á við þessi tvö dæmi sem ég nefni.

Að lokum leyfi ég mér að birta frábæra athugasemd Önnu Sigríðar Guðmundsdóttur við jafn ágæta bloggfærslu Ómars Ragnarssonar um þessi ljótu mál, en þar undirstrikar hún einmitt óréttlæti þess að undanskilja Erlu Bolladóttur í þessum sýknudómum:

"Sæll Ómar. Skil að það hafi ekki verið gott fyrir samviskuna að starfa sem fjölmiðlamaður á þessum tíma, né nokkurn tíma síðan.
Fyrst þessir "karlmenn" voru komnir á fremsta hlunn með að "játa", þá ættu þeir að geta sett sig í spor unglingsstúlkunnar sem var rænd nýfæddu barninu sínu sem gísl í málinu? Unglingsstúlkunnar varnarlausu sem var hótað öllu illu af löggæsluyfirvaldinu, með barnið í gíslingu? Unglingsstúlku og nýbakaðri móður sem var læknamafíudópuð og lögregluyfirvalda nauðgað og pyntuð andlega og líkamlega á þann hátt, sem veður viðkomandi gerendum til ævarandi skammar.
Varnarlausri unglingsstúlku var hótað með barninu í lögreglu/barnaverndarglæpastofnunar gíslingu, læknamafíudópuð, og nauðgað af löggæslunnar "réttlætisins" þjónum?
Hvað finnst þessum vesalings "saklausu" karlmönnum um slíka meðferð á varnarlausri og allra valdhafa-handa kúgaðri, pyntaðri, nauðgaðri og hálfdrepinni í umsjá löggæslunnar?
Ætli þessum karlmönnum í grenjuskjóðu kórnum lögmannavarða hafi einhvertíma dottið í hug að Erla Bolladóttir hafi nánast verið drepin af læknadópi og nauðgun, af læknamafíunnar og löggæslunnar yfirvaldi, til að þvinga fram það sem hún var dópuð, kúguð, ofbeldisbeitt og heilaþvegin af mafíulöggæslunni til að segja?
Skilja þessir hvítflibba klíkukallar löggæslunnar ekki ennþá hverskonar óverjandi villimennsku meðferð var beitt til að pynta fram falskar ásakanir og játningar frá þessari nýbökuðu, kornungu og valdsstjórnarkúguðu varnarlausu konu?
Spurning hver er sekur og hver er saklaus eftir öll þessi ár, samkvæmt siðmenntaðrar réttarríkja meðferð, rannsóknum og marklausu klíkukalla dómsúrskuðum?

2 Hvar eru femínistar og "me-too" leikararnir mannorðsmyrðandi núna? Hvers vegna verja þeir ekki Erlu Bolladóttur valdníðslustjórninni?
Eru þessir femínistar kannski marklausir og hugsjónalausir tækifærissinnar baktjalda-yfirvaldamafíunnar "löggæslusinnandi"?
Með nýtt og vel borgað hlutverk í grímubúninganna Brúðuleikhúsi hræsninnar, svikanna og lyginnar, í leikhúsinu Steininum við Austurvöll (hertökuvöllinn)?
Þvílík þjóðfélagsins skömm, þessi svokallaði femínistaáróður og "me-too" bylting!

3 ...Hvers vegna verja þeir ekki Erlu Bolladóttur fyrir valdníðslustjórninni..."

Anna Sigríður Guðmundsdóttir (IP-tala skráð) 29.9.2018 kl. 00:50

Fær bætur fyrir vist í fangaklefa

Uppgjör Guðmundar-og Geirfinnsmálsins?

Nú þegar loks hyllir undir uppgjör í hinum alræmdu Guðmundar-og Geirfinnsmálum, þá vil ég nefna þrjá þætti sem verður að leysa og ég álít að flestir Íslendingar geti tekið undir með:

Í fyrsta lagi verður að hreinsa mannorð Erlu Bolladóttur til jafns við aðra sakborninga, því ef eitthvað mætti segja um hennar þátt, þá væri það helst að hún, nýbökuð móðir, var ef til vill enn viðkvæmari og því auðveldari bráð fyrir hina svokölluðu rannsakendur, sem lögðu nótt við nýtan dag til að brjóta niður þessi ungmenni og þvinga fram uppspunnar játningar.

Í öðru lagi er komið að því að bæta þessum fórnarlömbum og aðstandendum þeirra þessa glæpi yfirvalda, sem í raun myrtu og eyðilögðu líf fjölmargra annara, eins og flestir mega skilja og auðvitað formlegar og auðmjúkar afsökunarbeiðnir böðlana, auk réttlátra bóta ríkisvaldsins.

Í þriðja og síðasta lagi, þá hlýtur að vera tímabært að opna nýja rannsókn á ástæðum þess að frumrannsókn á hvarfi Geirfinns var í grunsamlegu skötulíki og síðan ástæður þess að hvarf Guðmundar Einarssonar var gert saknæmt og tengt hinu fyrrnefnda.
Hlutskipti, aðkomu og áform rannsakenda, allt frá Valtý Sigurðssyni til Hallvarðs Einvarðssonar og allra þeirra undir- og samstarfsmanna þarf að rannsaka frá grunni, til að finna ástæður þessara hörmulegu dómsmorða og mögulega til að varpa ljósi á raunverulegar ástæður þess að þessu gjörningaveðri og málatilbúning öllum var upprunalega hleypt af stað.

Sýkna hafi blasað við allt frá 1977

Grunsamleg fyrirgreiðsla?

Það er undarlegt að ríkisfyrirtækið Isavia leyfi WOW Air að safna milljarða skuldum óáreitt í lendingargjöld, á meðan peningaplokk þeirra annarstaðar er óþreytandi og raunar ólíðandi gagnvart sérleyfishöfum, svo ekki sé minnst á ótrúlegt okrið hvað bifreiðastæða gjaldtöku varðar.

Það hlýtur að verða fyrsta forgangsmál Isavia að fá þessa kröfu uppgerða, áður en lengra verður haldið í samstarfinu við WOW, hvað sem öðru líður.

Eða er einhver maðkur í mysunni?

Milljarðaskuld við Isavia

Ágætt dæmi um falsfréttir fjölmiðla.

Þessi skoðanakönnun er örugglega álíka áreiðanleg og nýleg könnun Gallup á hlustun Íslendinga á útvarpsstöðvar.
Reyndar er munurinn sá að líklega er engin Íslendingur er svo vitlaus að trúa því að mögulega vinsælasta útvarpsstöð landsins mælist ekki með neina hlustun hér á landi.
Skoðanakannanir Gallups eru mér annars ætíð minnistæðar síðan þeir verðmátu SPRON á sextíu milljarða fyrir gráa markaðinn, áður en sparisjóðurinn var settur í Kauphöllina hérna um árið og forstjórinn, vinir hans og vandamenn auðguðust rosalega, því raunvirði hlutabréfana var í raun aðeins 16 milljarðar.

Það er sorglegt að helstu fjölmiðlar á Íslandi með RÚV í fararbroddi reynist aðeins vera gagnrýnislausir flytjendur falsfrétta sem þeir verða síðan ítrekað að éta ofan í sig með æpandi þögninni.

Sannleikurinn varðandi þessa frétt er nefnilega sá að vinsældir Trumps fara ört vaxandi í Bandaríkjunum.

Meirihluti óánægður með Trump

Misjafnir morðingjar

Í dag eru nákvæmlega 42 ár síðan Lovísa Kristjánsdóttir var barin til dauða með kúbeini í íbúð við Miklabraut 26, þar sem hún stóð Ásgeir Ingólfsson að verki við þjófnað og neitaði að hylma yfir verknaðinum með honum.

Ásgeir viðurkenndi að hafa slegið hana fyrst þegar hún beygði sig til að fara í skóna og eftir að hún reyndi að flýja niður kjallara tröppur þá hrasaði hún eða féll við, þar sem Ingólfur náði henni á gólfinu og barði hana í hel.

Ingólfur sat fimm ár í fangelsi og var síðan veitt full uppreisn æru tuttugu árum síðar.

Ég veit ekki til að sakborningarnir úr Guðmundar og Geirfinnsmálunum hafi hlotið bætur, eða uppreisn æru og spunameistarar og böðlar þeirra nokkurt tiltal eða refsingu, þrátt fyrir að við öllum blasi augljóst dómsmorð.

Here we go again

Þessi frétt er ekki sú fyrsta frá Bakka og því miður sennilega ekki sú síðasta.

PCC Bakki harmar atvikið