Hvaða taugatrekkjandi bakþankar munu ætíð fylgja farþegum Max véla Boeing?

Að öllum líkindum mun Boeing flugvélaframleiðandanum fljótlega auðnast að ráða bót á hrapalegum tölvuvandræðum í stjórntækjum véla sinna, en munu væntanlegir farþegar sem sitja munu framvegis hjálparvana inni í lokuðu og læstu farrými þessara véla geta annað en leitt hugan að lögmáli Murphy´s þegar jafnvel hinar minnstu breytingar verða á stöðugu flugferli viðkomandi Boeing – Max vélar?

„Leiðin ætti að liggja upp á við“

Lipur og lævís.

Það má Katrín Jakobsdóttir eiga, að hún er lævís og lipur í orðafari sínu öllu, eins og fram kom í spjallþættinum Sprengisandi í morgun, þegar spyrillinn forvitnaðist nærgætnislega um afstöðu hennar til Orkupakkans þriðja sem menn greinir svo mjög um.

Katrín lét sem hún væri öll af vilja gerð til að verja og vernda hagsmuni Íslendinga að því leyti, líkt og hvað sneri að jarðarkaupum erlendra og vitnaði í skorður þær sem aðrar þjóðir hafa sett í þeim málum.

Hún skautaði reyndar lipurlega yfir afstöðu sína varðandi væntanlegs samþykkis svika hyskisins, eins og ég vil kalla þá alþingismenn sem hyggjast samþykkja opnun þessa hliðs fyrir ESB að auðlindum þjóðarinnar og varpaði höfðinglega því fram að hún útilokaði ekki þjóðaratkvæðagreiðslu um lagningu sæstrengsins, þó svo löngu sé komið fram að slík höfnun yrði dæmd ógild, alveg eins og bannið við innflutning á hráa kjötinu.

Útilokar ekki þjóðaratkvæði um sæstreng

Íslenskir óþokkar í fylkingar brjósti.

Er ekki að verða tími til komin, að við hættum að fylgja í blindni þeim lygasögum sem fyrir okkur eru bornar ár eftir ár, þegar flestar þessara oftast fjarstæðukendra ásakana þessara svokölluðu vestrænu vinaþjóða okkar reynast þvæla og uppspuni og við blasir að við höfum verið dregin á asnaeyrunum trekk í trekk.

Ég nenni varla að misbjóða skynsemi okkar allra með einhverri upptalningu, en hvað þessar ásakanir Guðlaugs og félaga varðar, þá blasir við að hann gengur erinda Bandaríkjamanna, því hinn vinsæli forseti Filippseyja er einfaldlega þyrnir í augum þeirra og NATO, vegna góðs sambands hans við Kína.

Að lokum vil ég bæta við, að eftir því sem ég best þekki, þá eru mannréttinda mál í betra lagi hjá vinum okkar Kínverjum, heldur en hér á Íslandi, svo ekki sé nú minnst á Bandaríkin sjálf.

Filippseyjar slíti tengslin við Ísland

Skemmtilegt stelpuspark.

Meg­an Rapi­o­ne, vara­fyr­irliði banda­ríska kvenna­landsliðsins í knatt­spyrnu, hellti sér yfir FIFA, Alþjóða knatt­spyrnu­sam­bandið, á frétta­manna­fundi í Lyon í gær­kvöld og sagði að sam­bandið sýndi kon­um í íþrótt­inni lít­ilsvirðingu.

Ég get nú ekki orða bundist vegna ummæla þessarar fótboltakonu, sem er að ég held einmitt sú sama sem viðurkenndi opinberlega fyrr í vikunni að styrkur bestu kvennaliða í knattspyrnu væri borin uppi af lesbíum.

Ég viðurkenni fúslega að stúlkurnar á þessu heimsmeistaramóti spila bæði skemmtilega og spennandi knattspyrnu, en verð þó að minna kvennkyns fótboltaspilara og aðstandendur þeirra á, að yfirvöld og skattgreiðendur, sem þó að stærstum hluta eru hvað sem öllu líður karlmenn, hafa gert allt sem mögulegt er, til að styrkja konur til dáða í fótbolta sem og á öllum öðrum sviðum, að því ég best veit.

Kvennaknattspyrna er kannski ágætt dæmi um ríkjandi ástand og kröfur í öllum þessum svokölluðu jafnréttismálum sem óneitanlega lita kynslóð okkar í öllum litum að hvítum og svörtum ógleymdum.

Væri það til of mikils mælt að í þessu sparki sem og á öðrum sviðum, að nú fengi aðsókn og áhugi almennings, jafnt karla sem kvenna að skera úr um styrki og fjárveitingar til málefnisins, fremur en óraunhæf feminísk draumsýn?

Rapinoe hellti sér yfir FIFA

Sjúka bananalýðveldið Ísland.

Þorsteinn Sæmundsson þingmaður Miðflokksins sýnir úthald og þrautsegju í þessari kröfu sinni um að öll gögn um glæpsamlega framgöngu Íbúðalánasjóðs og auðvitað þeirrar stjórnar og ráðherra sem þar ráða ríkjum verði opinberuð og gerð heyrinkunn.

Miðflokkurinn og þessi sami þingmaður virðast nánast einir standa í vegi fyrir því að Alþingi greiði af ókunnum ástæðum götu erlendra auðhringja auðvitað ásamt íslenskum erindrekum þeirra beinan aðgang að auðlindum þjóðarinnar.

Þessi tvö dæmi og fjölmörg önnur sýna svo ekki verður um villst að tvær þjóðir eru í okkar litla landi.

Önnur er auðvitað þjóð embættis og valdamanna, sem skartar t.a.m. langsamlega hæstu launagreiðslum og kjörum til þeirra á heimsvísu, á sama tíma og sótsvartur almúgurinn býr við sífellt meiri kjararýrnun sífellt blandaðari af stórfelldri viðbættri ábót meðfærilegra erlendra verkamanna, á meðan hin þjóðin heldur vel um sitt og stendur vörð um kjör og hlunnindi sinna, auðvitað án nokkurar framandi íblöndunar í forréttindin öll og gæðin.

Þetta sjá og gera sér flestir Íslendingar sér grein fyrir, því öll getum við verið sammála um að óbreyttur einstaklingur sem býr á þessum okurleigu markaði og á ekki heldur rétta eða öllu heldur þá foreldra sem geta lánað eða gefið honum fyrir útborgun í kaup á íbúð, að sá einstaklingur getur aldrei komist upp í að eignast þak yfir höfuðið.

Að lokum eru það lífeyrisþegarnir sem er gert lögum samkvæmt að hætta brauðstritinu 67 ára gamlir, hvort sem þeim líkar það betur eða verr, þá vitum við líka öll, að ef þessir eftirlaunaþegar geta einungis lifað með einhverri reisn, ef þeim hefur auðnast að eignast skuldlausa húseign, því ef þeir eru til dæmis úr þeim hópi sem missti húseign sína í hendur banka eða íbúðalánasjóðs í hinu svokallaða hruni eða ráni og þurfa að greiða himinháa íbúðaleigu, þá gengur dæmið einfaldlega ekki upp.
Allir þessir eftirlaunaþegar og undirmálsfólk verða einfaldlega að hrekjast af landi brott í ódýrara og heilbrigðara umhverfi.

Ef ekki væri vegna félagana Sigmundar Davíðs og sérstaklega þó Gunnars Braga Sveinssonar og aðkomu þeirra allri að dýrkeyptum viðskipta þvingunum gagnvart vinaþjóð okkar Rússum, en þó sérstaklega vegna upploginar uppsagnar aðildarumsóknar okkar að Evrópusambandinu, þá væri mér skapi næst að gefa Miðflokknum atkvæði mitt í komandi (vonandi) kosningum.

„Þetta er óþolandi“

Burt með þessa óheillastjórn.

Það blasir hreinlega við að lævísleg áform ráðherra og flestra þingmanna þessarar ríkisstjórnar Vinstri grænna, Framsóknar og Sjálfstæðisflokks ganga í berhögg við skoðanir og vilja meirihluta landsmanna og þá sérstaklega þeirra eigin flokksmanna, eins og allir sjá og enginn heilvita maður getur mótmælt.

Nú á síðustu dögum virðist Katrínu forsætisráðherra renna blóðið til skyldunar og hefur imprað á þeim möguleika að fresta viðtekt þessarar óskiljanlegu gjafar auðlinda landsmanna fram á haustið, þökk sé einarðri andspyrnu þjóðernissinna á Alþingi.

Nú þegar hillir undir andrúm til umhugsunar fram á haustið, þá sýna og sanna þeir tveir smáflokkar sem helst hafa á stefnuskrá sinni að færa stjórn landsins undir erlend yfirráð, að einmitt helsti ótti meirihluta þjóðarinnar eigi við rök að styðjast, nefnilega með áköfum mótmælum þeirra við allar tafir á samþykkt landráða samningsins.

Persónulega er ég svo tortrygginn, að þegar áhrifamenn taka ákvarðanir sem rakalaust ganga þvert á heilbrigða skynsemi og með öllu óskiljanlegar, þá hljóti einfaldlega að vera maðkur í mysunni, svo ekki sé meira sagt.

„Þér er ekki boðið“

Íslenskar skoðanakannanir.

Það hefur lengi loðað við íslenskar skoðanakannanir að niðurstöður þeirra virðast helst taka mið af hver greiðir fyrir þær, eins og niðurstöður kosninga hérlendis bera vott um.

Hér er það Þjóðarpúls Gallup sem birtir þær niðurstöður að litlar sem engar hreifingar séu á fylgi íslensku stjórnmálaflokkana, þrátt fyrir að öllum megi vera ljóst hið gagnstæða.

Mér er ætíð minnistæð könnun Capasent Gallups á verði SPRON áður en félagið var sett á markað, en þá var verðmiðinn sagður 66 milljarðar og allir starfsmenn, eigendur og aðstandendur seldu grimmt á gráa markaðinum, uns klukkum var hringt í hinni hlægilegu íslensku kauphöll, en þá kom auðvitað í ljós að raunvirði sparisjóðsins var einungis 16 milljarðar.

Fylgi flokka nánast óbreytt

Sjálfstæðisflokkurinn in Memoriam.

Sjálfstæðisflokkurinn stendur nú á þeim tímamótum, að í fyrsta sinn er hann klofinn í herðar niður.

Nokkrir þingmenn og áhrifamenn flokksins hafa valið að ganga í berhögg við grunnstefnu flokksins og er því komið að því að leiðir munu óhjákvæmilega skilja.

Annað hvort munu þau Áslaug Arna, Gunnlaugur, Bjarni, auk Björns Bjarnasonar og annara ESB umboðsmanna færa sig yfir til Viðreisnar eða Samfylkingar, eða þá að ríflega helmingur flokksmanna mun yfirgefa hræið og leita á önnur mið.

Líklega og vonandi er gjörvöll þessi óheillastjórn í dauðateygjunum.

Valdið hjá Alþingi óháð fyrirvörunum

Styrmir sjálfstæðismaður.

Styrmir Gunnarsson, fyrrverandi ritstjóri Morgunblaðsins til fjölda ára er einn margra aldinna Sjálfstæðismanna sem halda virðingu sinni og reisn óskertri og mótmæla því framgöngu núverandi flokksforystu sem gengur í berhögg við allar stefnur og hugsjónir þessa fyrrum glæsta flokks.

Handbendi og málssvari þessarar auðvirðilegu ESB klíku, Jón Frímann að nafni kallar Styrmi hér í bloggi við þessa umfjöllun þrjót og lygara sem er öllu verra, því mannkertið gæti þurft að sanna þau ummæli, svo ekki sé um róg að ræða.

„Sjálfsagt að þjóðin sé blekkt?“

Hver er raunveruleg ástæða þess að Sjálfstæðisþingmenn fórna flokknum og mannorði sínu?

Það liggur fyrir að meirihluti landsmanna er andsnúinn samþykkt þessa þriðja áfanga hins evrópska orkusamruna þvert á flokkslínur, líkt og Styrmir Gunnarsson stjórnmála rýnir er lýsandi dæmi um.

Utanríkisráðherra þjóðarinnar berst með kjafti og klóm fyrir þessum vafasama samningi, þrátt fyrir afdráttalausa afstöðu landsfundar Sjálfstæðisflokksins gegn honum og hefur tekist að telja flesta aðra þingmenn flokksins á sitt band, þrátt fyrir allar fyrri yfirlýsingar þeirra.

Það á líklega við hér máltækið sem segir:

Það er enginn borgarmúr svo hár að asni klyfjaður gulli komist ekki yfir hann.

Þingmenn að „bregðast þjóð sinni“