Sannleikurinn er ekki ætíð sagna bestur.

Ástæður þess að íbúar þessarar borgar gefast ekki einfaldlega upp og ganga út með uppréttar hendur, stafa líklega af því að stór hluti íbúana eru vígamenn ISIS og málaliðar sem nota konur og börn sem skildi fyrir sig og fá líkast til vopn og vistir frá Ísrael, því að öðrum kosti gætu þeir varla varist og væru löngu dauðir úr hungri og vosbúð.

Þessir svokölluðu uppreisnarmenn mega augljóslega einhverra hluta vegna ekki gefast upp og standa reikning gjörða sinna í opinberum réttarhöldum, sem örugglega yrðu haldin í stíl við þau í Nürnberg.

„Það er eins og við búum í kirkjugarði“

Íslenskum yfirvöldum rétt lýst.

Hér í þessari frétt segir æði mikið um íslensk yfirvöld.

Hér mætir Kínverji með fleirri kíló af eitthundraðkrónu peningum sem hver og einn eru sannarlega hundrað krónu virði og hyggst skipta þeim yfir í seðla, en í stað þess að sinna skyldum sínum, þá kalla bankayfirvöld á keðjuhunda þá er standa vörð um hagsmuni þeirra, líkt og sauðsvartur almúginn veit af bituri reynslu.

Það er auðskiljanlegt að þegar samanpressuð bílhræinn eru tætt í sundur fyrir næsta stig í endurnýtingu, að öll smámynnt sem þvælst hefur með bílhræunum komi fram í dagsljósið.

Hér sést berlega að enginn skortur er á lögreglumönnum þegar réttum mönnum þykir henta svo.

Fær ekki að skipta mynt fyrir 1,6 milljónir

Króatar vel að sigrinum komnir.

Það gladdi óneitanlega mitt gamla hjarta að Norðmenn yrðu loks að bíta í það súra epli að geta einungis gert sér vonir um bronsið í þessari Evrópukeppni, einfaldlega vegna þess hve ótrúlega sterkir þeir virðast í öllu sem þeir taka sér fyrir hendur, en þó auðvitað alveg sérstaklega vegna hversu óþolandi leiðinlegir þeir eru.

Króatar virðast líka vera ótrúlega sterkir, eins og við Íslendingar ættum orðið að þekkja, en ólíkt viðkunnanlegri eins og flestir okkar geta sennilega tekið undir með mér.

Ég get ekki orða bundist yfir þeirri áráttu þessi misserin, að vera ætíð og eilíft að troða stúlkum í íþróttafréttir, bæði sem þáttakendur og þulir, því áhugi flestra utan nánustu aðstandenda er oftast harla lítill, eins og auðir áheyrendapallar sanna aftur og ítrekað í að því virðist endalausum fréttaskotum, en ástæða þessarar súru færslu minnar var hneikslan mín á frammistöðu fallega nýja íþróttafréttamannsins á stöð tvö, sem náði í íþróttafrétt dagsins þeim ótrúlega árangri að tilkynna okkur að Norðmenn hefðu borið sigur úr býtum og myndu því leika til úrslita um gullið, sem auðvitað var þó sem betur fer ekkert annað en bull og vitleysa.

Króatar í úrslit eftir ótrúlega dramatík

Opinber aftaka?

Það eru einkennilegir tímar á Íslandi nú í lok árs, líkt og opinber aftakan á nafngreindum lektor við háskólan ásamt birtingu mynda af honum og heimili hans ber með sér áður en hann hefur hlotið dóm og jafnvel áður en mál hans hafi verið rannsakað að nokkru ráði eftir því sem best verður séð.

Það fer ekki á milli mála að óþolandi spilling, neysla og glæpir tröllríða hér röftum, en eru þó engin afsökun fyrir hverskonar meinfýsni.

Mannskepnan er söm við sig frá því sem áður var þegar einhver helsta skemmtun og ánægja lýðsins voru einmitt opinberar refsingar og aftökur og skorti þá ekki hvatningarópin frekar en nú.

Tekur sér frest til hádegis á morgun

Ágætt dæmi um brenglað fréttamat mbl.is

Það eru nokkur vonbrigði að fylgjast með þeim breytingum sem fréttafluttningur Morgunblaðsins og enn greinilegar vefmiðillinn mbl.is hefur tekið.

Hér á forsíðu dagsins er það auðvitað síðasta örvæntingar atlagan gegn forseta Bandaríkjanna, sem að þessu sinni byggist á því að hann hafi gerst svo djarfur að grennslast fyrir um möguleg föðurlandssvik sonar Joseph´s Biden á efstu stöðum, en auðvitað fellur málið dautt þegar kemur til kasta öldungadeildarinnar.

Annað mál er í flestum fjölmiðlum vestanhafs, þó það þyki ekki fréttamatur á Íslandi, en það fjallar um opinberun fjölda leyniskjala, sem loks hafa fengist birt, en þau ganga í stuttu máli út á að bandaríska þjóðin hafi verið dreginn á asnaeyrunum hvað upplýsingar á gangi stríðsins í Afghanistan varðar.

Þessir tvö þúsund milljarðar dollara og þúsundir lífa bandarískra hermanna auk allra saklausu borgaranna þykja nú ekki krassandi fréttamatur á mbl borið saman við það nýjasta af ferlilskrá forsetans hárprúða.

Samþykkt að ákæra Donald Trump

Hamfarir stöðva notkun raftækja - ekki satt?

Í ljósi óveðurslægðarinnar sem gekk yfir Ísland fyrir nokkrum dögum, þá virðist ljóst að notkun rafknúinna ökutækja hér á landi er nokkrum annmörkum háð.

Það blasir við að fimm dögum eftir að þessu óveðri slotar, þá eru enn á landi hér staðir án rafmagns og töluverður fjöldi stofnana og heimila enn háður notkun varaaflsstöðva.

Hér á Íslandi má ætíð búast við öðrum og stærri hamförum en vondum veðrum og á það t.d. við um eldgos og jarðskjálfta sem við getum ekki lokað augunum fyrir, þó við auðvitað helst kysum það.

Það hlýtur að liggja í augum uppi að raflínunetið er betur varið neðanjarðar og auðvitað eiga allar stofnanir á borð við sjúkrastofnanir og samgöngumiðstöðvar að eiga vararafstöðvar, en nú á þessum síðustu loftlags-öfga-áróðurstímum þegar rafvæðing ökutækja er rómuð í hástert, þá vona ég þó okkar allra vegna að í það minnsta, að öll almennings og opinber farartæki verði ekki rafvædd og megi því treysta á í væntanlegum rafmagns truflunum.

Búast má við rafmagnstruflunum í nótt

Eru Svíar gengilbeinur Sorosar?

Nú vilja demókratísk öfl innan Svíþjóðar láta vísa sendiherra Kína úr landi, sakir þess að hann mótmælti enn og aftur brengluðum fréttaflutningi sænskra fjölmiðla af innanríkismálefnum Kínverja og látlausum ögrunum í garð þeirra.

Það dylst fáum hvernig einmitt þessum sömu síkvartandi social demókrötum hefur tekist að færa innanríkismálefni Svíþjóðar á þann stað sem helst ekki má tala upphátt um lengur og satt best að segja, þá væri t.a.m. síður en svo gaman að ímynda sér hvar sænskur bílaiðnaður stæði í dag, ef ekki einmitt Kínverjar hefðu hlaupið undir bagga með flaggskipinu Volvo þegar allt stefndi í sömu örlög og urðu Vasa, sem frægt er orðið.

Auðvitað eru það Bandaríkjamenn sem reyna að viðhalda forystu sinni og beita skiljanlega fyrir sig meðreiðasveinum sínum, líkt og hvað snertir hlægilegan málatilbúnaðin á hendur Julian Assange og áróður og hótanir gagnvart öllum þeim sem renna hýru auga til tækni og framfara rumskandi drekans í austri.

Vilja vísa sendiherra Kína úr landi

Tekur Boeing Icelandair með sér í gröfina?

­Það blasir líklega við flestum að flugvélaframleiðandinn Boeing er liðinn tími, líkt og reykingar og frjálst kynlíf.

Það liggur í augum uppi að þegar stór og jafnvel meirihluti flugfarþega fullvissar sig um að fyrirhuguð flugferð sé ekki með Boeing þotu, þá hljóti að vera tímabært fyrir þennan fornfræga framleiðanda að venda kvæði sínu í kross.

Auðvitað heldur vopna og hergagna framleiðsla Boeing áfram líkt og ekkert hafi gerst, en hvað farþegaflugið snertir, þá verða þessir frábæru flugvélahönnuðir, sem þeir sannarlega eru, einfaldlega að finna sér nýtt heiti og líklega kínverskt, ef þeir vilja ekki tapa aleigunni.

Það er einungis sorglegt og grunsamlegtað fylgjast með staðfastri trúfestu Icelandair við við þennan tapaða eða jinxed málstað aumingja Boeing á síðustu metrunum.

Rauður dagur hjá Icelandair

Áfram skal vaðið með skipulags ruglið í Reykjavík.

Það er sorglegt nú á síðustu árum að fylgjast máttvana með fáranlegum skipulagsframkvæmdum borgaryfirvalda hér í Reykjavík og nú síðast þessi vitfirrta draumsýn sem sjá má á meðfylgjandi yfirlitsmynd Hlemmtorgs.

Á umræddri mynd má sjá stórt torg og að því virðist hundruð Reykvíkinga í ótilgreindum erindagjörðum. Það virðist vera búið að reisa þrjú glerskýli til viðbótar, sem líklega eru biðstöðvar og miðasölur fyrir troðfullar borgarlínulestir sem streyma látlaust hjá.

Það má vera að við örfá tilefni, líkt og stórbrotnar samkomur hinsegin borgarbúa að sumarlagi, eigi þessi tálmynd við einhver rök að styðjast, en alla jafnan hljóta allir þeir borgarbúar sem heilbrigðir mega teljast að gera sér fulla grein fyrir að þetta svæði verður í besta falli aldrei annað en kuldalegur vindblásinn minnisvarði um afdrifarík skipulagsmistök, þrátt fyrir allar aðvaranir.

Nýlega var birt könnun sem gerð var á Akureyri, en þar í bæ eru fimm strætisvagna leiðir og frítt fyrir alla í strætó, en eigi að síður þá er notkun allra þessara almenningsvagna lítil og fer þar að auki minnkandi.

Bílarnir víkja af Hlemmtorgi

Útvarpsstjóra kapall

Það verður að teljast nokkuð öruggt að næsti útvarpsstjóri hefur þegar verið valinn, en þetta laumuspil og baktjaldamakk er einungis enn eitt dæmið um óþolandi spillinguna sem viðgengst í þessu klíkubæli okkar, sem með degi hverjum verður æ greinilegra.

Það er að sjálfsögðu á hreinu að næsti stjórinn verður kona og ekki einungis vegna þess að strákarnir eru hættir að geta lesið eða dregið til stafs, heldur vegna þess að enginn þorir lengur að láta sér koma annað til hugar.

Ónafngreindur maður úti í bæ giskaði á að fornafnið væri Svanhildur, en hvort eftirnafnið væri Konráðsdóttir eða Hólm fylgdi því miður ekki sögunni.

Umsækjendurnir mega njóta nafnleyndar