Ísland ætti að byrja á að sækja um aðild að BRICS.

Það hefur lengi verið tönnlast á að ekki sé gæfulegt að skipta um hest í miðri á, en þegar farskjótinn er úrvinda, ónýtur og feigur og færi gefst á að söðla yfir á heilbrigðan gæðing, þá hlyti sú lífsbjörg við þær aðstæður einungis að geta talist heilbrigð skynsemi.

Það væri of langt mál að ætla að telja upp alla þá kvilla sem herja á gæfu og farsæld okkar stórkostlegu fósturjarðar, en þær meinsemdir og æxli, rétt eins og þessi síðasti skattur sem brosmild Katrín gerir hér lítið úr, eiga það sameiginlegt að steðja að okkur utan frá og þá helst og gjarna að kröfu svo kallaðra vina- eða bandalagsþjóða okkar.

Í raun og veru ágirnast þessi ríki og bandalög ríkulegar náttúru auðlindir Íslands, en gefa ekkert fyrir lífskjör okkar almennra borgara landsins, annara en auðvitað launaðra umboðsmanna þeirra sjálfra og mögulega einhverra úr þeim auðvirðilega hópi sem fyrirfinnst í öllum löndum og eiga það sameiginlegt að vera reiðubúnin að fórna sjálfstæði og velsæld föðurlandsins fyrir eigin hag.

Í raun og veru þá erum við nú rétt um þessar mundir að steypast á ónýtum klárnum ofan í hyldýpið og enginn von um björgun nema að mokað verði út og gripið til róttækra aðgerða og stokkað upp á nýtt hér í ömulegri spillingunni, rétt eins og t.a.m. segir í fyrirsögn þessarar færslu.

Allt önnur áhrif en hvað varðar flugið

Ordnung muss sein.

Skipun þessarar vesælings stúlku í starf sóttvarnarlæknis minnir helst á þegar Lárus Welding var keyptur til að taka skellinn í Glitni í andaslitrum bankans hérna um árið.

Auðvitað er hluti af ráðningarsamning hennar að verja gerðir fyrirrennara sinna, svo henni er nokkur vorkun.

Ég get ekki að því gert, að þegar ég les um dóma yfir tíræðum öldungum sem t.a.m. unnu sem unglingar í skrifstofuvinnu á vegum nazista í síðari heimstyrjöldinni, að hvort þríeykið alræmda verði notað sem Grýlur á óþæg börn í komandi framtíð og fallegu hjúkrunarkonurnar úr Laugardalshöllinni neyðist til að flýja gjörðir sínar til Argentínu eða lengra.

Kannast ekki við rannsóknirnar

Fram, fram fylking og forðum okkur hættu frá.

Miðflokkurinn, með Sigmund Davíð í stafni er því miður skásti og líklega eini raunhæfi valkosturinn í ömurlegri flóru þeirrar spillingar og vanhæfi sem viðgengst fyrir opnum tjöldum á hinu svokallaða Alþingi og hjá öðrum stofnunum þjóðarinnar, þó greina megi mögulega fáeina Sjálfstæðismenn sem sýna merki um ákveðin heillyndi djúpt undir niðri.

Fyrir öryrkja, smælingja og fátæka eldri borgara er Flokkur fólksins skiljanlegur valkostur, en síður en svo fyrir almenna borgara okkar auðuga lands, sem verið er að stela frá okkur í þessum rituðu orðum og við Íslendingar horfum á sem lamaðir eða steinrunnir væru.

RÓTÆKRA breytinga og endurskipulagningar á öllum innviðum þjóðfélagsins er greinilega þörf á, ef ekki á ILLA að fara.

Óttast klofning

Er stund stórra breytinga að nálgast?

Á sama tíma og bandarísk yfirvöld stefna af veikum mætti á að draga Donald Trump fyrir dómstóla og nú fyrir vanrækslu á vörslu trúnaðarskjala, þá má jafnvel á miðlum á borð við youtube sjá upptökur frá síðustu dögum, þar sem forstjóri FBI, Christopher Wray sætir yfirheyrslum hjá fulltrúadeild þingsins og er hreinlega dreginn sundur og saman í háði í veikburða tilraunum hans til að verjast beinskeyttum ásökunum þingmanna á borð við Matt Gaetz og Wesley Hunt, þar sem rökstuddar ákærur í garð Biden feðga, Hillary, auk Úkraínu óhreininda og síðustu kosningasvika og greinilegan þátt FBI í þeim málum, koma við sögu.

Miðlar á borð við youtube reyna þó af veikum mætti að ritskoða and-demókratískan áróður, en eigi að síður komast þeir þó ekki með tærnar þar sem íslenskir fjölmiðlar hafa hælana, því þessar "illgjörnu" ásakanir og allar aðrar neikvæðar fréttir eru hreinlega útilokaðar, eins og t.a.m. blasir við á fréttum dagsins hér í blaðinu.

Morgunblaðið er þó þrátt fyrir allt líklega illskásti fjölmiðill okkar, auðvitað með undantekningu hinnar voðalegu og hötuðu Útvarps Sögu, en til gamans læt ég fljóta með þá staðreynd, að í Kína og líklega sömuleiðis Rúslandi er lokað fyrir aðgang að mbl.is sem er þó fjölmiðillinn sem sendiherrar þessara sömu illu ríkja velja að tjá sjónarmið sín í.

Það kaldhæðnislega við þessa ritskoðun er sú staðreynd, að það eru ekki stjórnvöld í þessum hræðilegu einræðisríkjum sem beita mbl.is ritskoðun, heldur er það sjálf netöryggisdeild mbl.is sem hefur sett a.m.k. Kína á svartan lista að þeirra eigin sögn vegna ótta og gruns um mögulegar netárásir.

Það er þó eftir sem áður hægt að njóta allra annara íslenskra fjölmiðla beint og vandkvæðaljóst hvar sem er í Kína, þó auðvitað sé ekki hægt að njóta mogga-bloggs og ómissandi dánartilkynninga í annars ágætum útsendingum Útvarps Sögu, Rúv og Dv.

Trump fyrir rétt í Flórída í maí 2024

Læknir skorar á Heilbrigðisráðherra.

Sá einstaki viðburður átti sér nýverið í beinni útsendingu á Útvarpsstöðinni Sögu, að læknirinn Guðmundur Karl Snæbjörnsson skoraði beint á Willum Þór Þórsson Heilbrigðisráðherra að mæta sér í beinni útsendingu í umfjöllun varðandi hvort heldur um gagnsemi eða glæpsamlegar aðgerðir yfirvalda í beinskeyttum sóttvarnar aðgerðum þeirra gagnvart íslensku þjóðinni í Covid 19 faraldrinum hafi verið um að ræða.

Læknirinn fer ekki dult með þá skoðun sína að um glæpsamlegt samsæri sé um að ræða og hlífir ekki núverandi Guðrúnu Aspelund sóttvarnarlækni, né þríeykinu svokallaða í skoðunum sínum, sem margir geta eflaust tekið undir, en fæstir þora þó að láta í ljós.

Nú fæst vonandi úr því skorið hvort þau Guðrún og Willum hafi kjark til að mæta í beina útsendingu á Útvarp Sögu og standa fyrir stefnu yfirvalda með haldbærum rökum.

En nú er hún Snorrabúð stekkur.

Tilefni þessarar færslu er sú að nýlega var til umfjöllunar sú frækilega dáð valinna Íslendinga að heimta skáksnillinginn Robert Fischer úr helju og veita honum þá virðingu og lífskjör sem honum sannarlega bar síðustu æviárin.

Guðni Ágústsson fyrrverandi ráðherra fjallaði um þessa djörfu björgunaraðgerð Davíðs Oddssonar og harðsnúinna félaga, auk í raun og veru þjóðarinnar allrar í útvarpsþætti á Útvarpi Sögu nýlega og fór hann þar ekki í neinar grafgötur með að Bandaríkjamenn hefðu hefnt rækilega fyrir þá aðgerð, líkt og þeirra er von og vísa.

Nú bregður svo við að synd væri að segja að drengskapur og hetjulund ríði feitum hesti um sali ráðuneyta og stjórnsýslu hér á Íslandi, hverju sem um er að kenna, en á meðan t.a.m. blaðamaðurinn Julian Assange er látinn rotna í bresku fangelsi fyrir þær sakir helstar að birta myndir af stríðsglæpum bandarískra hermanna án minnstu athugasemda frá íslenskum blaðamönnum og stjórnvöld láta sér í léttu rúmi liggja hvernig gyðingar koma aftur og ítrekað fram við palestínumenn, eða hvernig Saudi-Arabar haga sínum málum og allt í þrúgandi þögn fréttamiðla, þá er voðinn vís.

Það er líka blátt áfram ömurlega sorglegt að verða vitni að nýorðnum einræðis tilburðum þriggja ráðherra, án aðkomu þings eða þjóðar, en þar á ég auðvitað við þær Svandísi Svafarsdóttur, með sinn stórkostlega kolefnis-gjafa gjörning og nú hvalveiðibannið og Þórdísi Kolbrúnu Reykfjörð Gylfadóttur, með öfgafullar haturs aðgerðir gegn Rússum og loks sjálfan leiðtogann, Katrínu Jakobsdóttur, sem augljóslega gefur lítið fyrir Fósturlandsins Freyju í stað líklegra áforma um eigin frægð og frama hjá stofnunum á borð við ESB eða NATO.

Framtíðarhorfur okkar unga lýðveldis eru því miður hreint ekki gæfulegar.

Telur gagnrýnina ekki eiga rétt á sér

Friður og Dnjepr-fljót sem ný landamæri.

Stríð Bandaríkjana og Nato gegn Rússum í Úkraínu gengur augsýnilega ekki eftir áætlun og hin umtalaða vorsókn Selinskis er augljóslega aðeins svipur hjá sjón.

Þessum slátrunum ungra manna á báða bóga, einungis fyrir völd og peninga þeirra sem sitja í hæfilegri fjarlægð verður auðvitað að ljúka, áður en Úkraína og jafnvel hlutar Evrópu verða lagðir í auðn og milljónir saklausra borgara drepnir, nema auðvitað þeir fyrrnefndu sem hafa hagsmuni af hildarleiknum.

Lausn sem gæti verið í sjónmáli, nú þegar Rússar missa þolinmæðina og fara að gefa í, gæti verið að þeir gæfu Selenski og félögum grænt ljós á NATO aðild, en í staðinn yrðu greinileg landfræðileg landamæri á borð við Dnjepr-fljót, sem rennur t.a.m. í gegnum Kænugarð samþykkt og undir eftirliti SÞ fyrstu árin, þá gætu landsmenn einfaldlega valið hvoru megin landamærana þeir kysu að búsetja sig - líkt og fjölmörg dæmi eru um, sbr. Slésvig-Holstein.

Ég álít að Selenski og NATO væru nokkuð góðir með svona samning, nema að þeir raunverulega séu fyrst og fremst að sækjast eftir Ragnarökum í Evrópu.

Vill fá boð til Vilníus

Var 24.okt.1975 upphafið á ruglinu

Hér í þessari frétt er enn eitt dæmið um þá bilun sem tröllríður öllu hér og líkt og venjlega eru öfgarnar hér á Íslandi úr öllu hófi.

Nákvæmlega í þessu dæmi, þá eru réttindi og óskir barna að engu höfð, heldur snýst málið allt um langanir og þarfir mæðrana og í einhverjum tilvikum sömuleiðis samkynja feðra.

Undanfarin misseri hafa sjónvarpsþættirnir "Leitin að upprunanum" notið mikilla vinsælda, en þeir snúast einstaklinga sem leita réttra kynforeldra sinna og allir kannast við afkomendur breskra og bandarískra hermanna sem getin voru hér um og eftir stríð, sem reyndu að leita uppi feður sína og skyldmenni uppi, jafnvel mörgum áratugum síðar.

Það er nefnilega þannig, að skilyrðið fyrir að barn geti orðið til, er að sæði karls og egg konu sameinist, þ.e.a.s. barn verður ekki til án bæði föður og móður og þeirri staðreynd er ekki hægt að leyna barninu lengi og þá er komið að þeirri þörf og eðlilegum rétti barnsins að þekkja báða foreldra og uppruna og ættir sínar.

Fá börn eru nefnilega svo skini skroppin, að þau raunverulega trúi, eða sætti sig við að þau eigi einungis tvær mæður eða einungis tvo feður.

Í fréttum RÚV var fjallað um aukið álag á kerfi höfuðborgarsvæðisins vegna komu u.þ.b. 1000 erlendra barna hingað vegna "ástandsins" en sá fjöldi samsvarar nálægt þeim fjölda heilbrigðra barna íslenskra mæðra, sem velja að binda enda á líf þeirra fyrir fæðingu af mismunandi ástæðum - svo kaldhæðnislegt sem það nú er.

Leita að kynhlutlausu „amma og afi“

Byrja á rökréttri byrjun.

Ef flugvöllurinn í Vatnsmýrinni er fyrirhugaður til a.m.k. til næstu tuttugu ára eða lengur, væri þá ekki skynsamlegt að byrja á að lengja hann um a.m.k.svona 500 metra út í Skerjafjörðinn, áður en byrjað er á lendingarljósunum?

Síðan mætti athuga með uppfyllingu norðan lengingar, því einhverja flugstöð og flugvélastæði vantar sömuleiðis - ekki satt?

Aðflugsljósin fari í umhverfismat

Þær ættu fremur að skammast sín.

Niðurstaða þessa tilgangslausa uppblásna Evrópuráðsfundar er fyrst og fremst staðfesting á spaugilegu framapoti tveggja íslenskra kvenna, sem svífa þöndum vængjum í þessu óveðri öfga og kvenfrelsis sem gengur nú illu heilli yfir vesturlönd, eins og blasir reyndar hvívetna við.

Það sást greinilega á þeim gestum sem sáu sér fært að mæta, að þeim var ekki skemmt og auðvitað nennti sjálfur heiðursgesturinn ekki að mæta á þessa sýningu þeirra Katrínar og Þórdísar, þó svo að meginefni fundarins snerist í orði kveðnu um hann og hans hagsmuni.

Það eina sem þessi svokallaða Reykjavíkur yfirlýsing skilur eftir sig, er að ekki tókst að fá öll aðildarríkin til að samþykkja þessa svokölluðu tjónaskrá eða fordæmingu á Rússum, eins lagt var upp með og auðvitað var aldrei einn einasti hinna hundruð fréttamanna í því samhengi nógu skýr eða hugaður að varpa fram spurningunni hvort þetta fyrirkomulag væri afturvirkt eða hvort það ætti einungis við um Rússa eða mögulega Kínverja? Auðvitað vill enginn spyrill deila örlögum með óstýrilátum ribböldum á borð við Julian Assange.

Annað stórt mál sem snýr að Íslendingum var afgreitt snyrtilega, en það var höfðingleg gjöf sjálfrar Ursulu til Katrínar í þá veru að Íslendingar fengju ekki aðeins eins árs, heldur tveggja ára undanþágu frá fullri greiðslu kolefnis losunarheimilda flugs - eða með öðrum skýrari orðum: Tveggja ára aðlögunartími uns fótunum yrði endanlega kippt undan öllum flugrekstri hér á eyjunni.

Í tilefni dagskrárinnar var með öllum atkvæðum samþykkt á Alþingi, að bæta við öll fyrri framlög, hálfum öðrum milljarði fyrir færanlegt sjúkrahús á vígstöðvarnar, nú á sama tíma og sömu ræfils þingmenn sjá sér ekki fært að bæta fjármunum í hörmulegt ástand heilbrigðismála hér heima fyrir.

Íslendingar hafa notið þess á alþjóðlegum vetvangi að vera álitin friðsöm og réttlát þjóð, en því miður lítur út fyrir að sú ímynd sé að verða liðin tíð.

„Ég er bara mjög ánægð með Ísland“