Tilhlökkunarefni?

Það hljómar einkennilega að láta það ógert að kæra dólginn. Maður getur þá alveg eins átt von á honum sem ferðafélaga, næst þegar maður neyðist til að nota "vingjarnlega lággjalda flugfélagið" Icelandair. Líklega verður kappinn þá reynslunni ríkari og hefur rænu á að hafa barefli eða eggvopn meðferðis, svo hann verði ekki aftur jafn auðveldlega yfirbugaður og "niðurlægður"

Flugdólgsins er víða getið

Athugasemdir

[Stebbi (IP-tala skráð) 4.1.2013 kl. 21:31]

Það þyrfti að nafngreina kauða. Undarlegt að Icelandair skuli ekki kæra hann. Þetta er þá greinilega ekki litið alvarlegum augum.

[Jón Ágúst (IP-tala skráð) 4.1.2013 kl. 23:07]

Hver er bættari með að kæra þetta? Ég held að refsistefna Bandaríkjamanna sé einmitt þess valdandi að enginn siðmenntaður maður óskar samborgara sínum að komast í kynni við fangelsi þeirra. Ólæti í flugél og kannski 20 ár í fangelsi. Held ekki. Tel það heillsspor að kæra ekki og einmitt þroskamerki Íslendinga. Þarna er ábyrg afstaða þeirra sem eru á móti ofríki og ofstopa Bandaríkjanna í öllum málum.

Ég finn frekar til með manngreyinu og vona að hann fari í afvötnun. Svona hegðun er yfirleitt samfara mikilli vanlíðan.

[Edda (IP-tala skráð) 5.1.2013 kl. 00:18]

Fangelsi í USA er kannski of djúpt í árinni tekið, en að sleppa án eftirmála er frekar sérstakt.  Ef maður hagar sér svona á veitingastað á jörðu niðri er maður ekki velkominn þangað aftur... 

[Teitur Haraldsson, 5.1.2013 kl. 01:25]

"barefli eða eggvopn" villtu ekki vera örlítið dramatískari og ef þér tekst að æsa til múgs þá er þetta allt vel heppnað hjá þér.

[Þröstur (IP-tala skráð) 5.1.2013 kl. 03:29]

Hafið þið kannski pælt í því að maðurinn sé kannski með mikla flughræslu og hafi í styttri ferðum notast við áfengi til að kljást við það. En svo þegar að hann fór í lengri ferð til ameriku þá hafið hann innbyrt meira magns áfengis og því fór sem fór og varð að þessu leiðindar atviki. Auðvelt að sitja heima við tölvuna og dæma manninn og hrópa eftir hörðum dómi þegar maður er ekki viljugur til að setja sig í spor viðkomandi málshafa eða hafa alla söguna á hreinu. Mér virðist við lestur á fréttum tengdu þessu máli(les milli línanna) að flugfélagið og starfsfólk þess hafi tekið á þessu máli sem að maðurinn hafi ekki verið flugdólgur vegna mikils þorsta í áfengi, heldur að hann hafi sótt mikið í áfengi kannski vegna þess að hann hafi átt órótt með að fljúga(mikð af fólki sem vinnur með flughræðslu með því að drekkja flughræðslunni í áfengi).

+

[Jónatan Karlsson, 5.1.2013 kl. 11:18]

Auðvitað er fyrirgefningin aðeins af hinu góða, en við ákveðnar aðstæður er ekki hægt að vera góðhjartaður og skilningsríkur og á það hér við. Einu upplýsingar mínar eru úr þessari frétt, en þar staðfestir upplýsingafulltrúi Icelandair að maðurinn hafi gengið berserksgang og sýnt hættulega framkomu. Hann áréttar að "binda hafi þurft manninn af öryggisástæðum" þar til lögregla á JFK handtók hann. Ekki þykir mér líklegt að talsmaður flugfélagsins ýki eða smyrji á aðstæður, eins og þær voru um borð í flugvélinni, en jafnvel þeim "skilningsríkustu" í okkar hópi ætti að vera ljóst að það er meira en að segja það, að ráða niðurlögum óðs manns, svo ekki sé minnst á ef hann er hundrað kílóa skrokkur, eins og myndin af honum virðist bera með sér og á besta aldri.

Burtséð frá andlegu ástandi eða persónulegum ástæðum "flugdólgsins" þá er hann búinn að sýna til hvers hann er vís og ekkert sem tryggir að hann endurtaki ekki leikinn. Auðvitað bætir fangelsisvist ekki innræti mannsins, en það er eigi að síður vítavert ábyrgðarleysi af flugfélagi að hleypa þessum manni fylgdarlaust um borð í næstu vél.

[Jón Ágúst (IP-tala skráð) 5.1.2013 kl. 12:53]

"Nefnir New York Times til dæmis að farþegar hafi verið kærðir fyrir minni sakir svo sem að lakka á sér neglurnar eða neita að slökkva á farsíma sínum..."

Þetta er náttúrulega engin hemja, þessi refsigleði Kanans. Ég skil mæta vel að enginn vilji þessum manni svo illt að lenda í fangelsi í þessu öfgaríki sem Bandaríkin eru orðin. Að sitja í steininum kannski 10-20 ár vegna fyllerísláta (ekkert endilega þetta atvik), og að stórum hluta vegna þess að fangelsi eru einkarekin að hluta vestra. Áróðursmeistarar eru á ofurlaunum í Washington DC til að ,,lobbýa (afsakið slæmt orð)" fyrir harðari refsingum til þess eins að fyrirtækin sem reka fangelsin græði meiri peninga. Ég held að það yrði okkur hollt ef einhverjir íslenskir blaðamenn tækju saman í greinar bandarísk fangelsis og réttarfarsmál. Æi, gleymdi því, Íslenskir blaðamenn eru bara þjálfaðir á Google translate...

[Margrét (IP-tala skráð) 5.1.2013 kl. 14:47]

Það kemur hvergi fram að Icelandair muni hleypa þessum manni aftur inn í sínar vélar þó þeir séu ekki búnir að kæra hann. Mörg flögfélög eru með svokallaða svarta lista yfir svona fólk sem fær ekki að fljúga með þeim aftur.

[Haraldur haraldsson (IP-tala skráð) 5.1.2013 kl. 18:46]

Fyrir það fyrsta heyrir þetta mál ekki undir yfirvöld í New York, heldur íslenska ríkið, þar sem þetta gerist um borð í flufari með skráningu á íslandi svo og er vélinn ekki komin inná Bandariskt yfirráða svæði. Í öðru lagi hefur flugfélagið ekki tekið ákvörðun um að kæra. Svo er mjög líklegt ad hann fái ekki ad fljuga a næstunni med icelandair.

[Pétur (IP-tala skráð) 6.1.2013 kl. 14:59]

Þröstur, flughræðsla hefur ekkert með þetta að gera. Hegðun hans er ófyrigefanleg og alveg óþarfi að vorkenna honum. Enda er hann búsettur á Bermuda-eyjum og flýgur oft fram og tilbaka.

Guðmundur Karl Arnþórsson

Ef ég byggi á Bermuda, þá sæti ég örugglega allan á ströndinni daginn sötrandi romm eða tequila. En ég mundi aldrei haga mér eins og fífl um borð í flugvél, hvort sem ég væri fullur eða edrú. Hann á sér engar málsbætur og verður örugglega settur á no-fly lista hjá Icelandair eins og flugfélög hafa rétt á að gera.

[Pétur (IP-tala skráð) 6.1.2013 kl. 15:02]

Myndin kom víst ekki með í athugasemdinni, en er hægt að sjá hér:

http://ekstrabladet.dk/112/article1893853.ece

[Pétur (IP-tala skráð) 7.1.2013 kl. 08:39]

Úps. Leiðrétting: Guðmundur er búsettur á Barbados, ekki Bermuda.