Hver er raunverulegur ávinningur samþykktar þriðja orkupakkans?

Það er sannarlega sorglegt að verða vitni að því að meirihluti þjóðarinnar álítur kjörna fulltrúa ganga á svig við drengskaparheit sín og jafnvel ganga erinda erlendra ríkja, þvert á hagsmuni Íslands í ákafri baráttu sinni fyrir samþykkt þessa þriðja orkupakka EES.

Helsta ástæða þess að ég hef illar bifur á þessum orkusamning við ESB og erindreka hans, er einfaldlega sú, að á undanförnum mánuðum hafa upprunalegir stuðningsmenn, sem og nýjir umskiptingar, annað hvort færst undan að svara, eða talið upp í löngu máli öll þau belti og axlabönd sem þjóðin hefur, með tilliti til fullveldisskerðingar og sjálfs ákvörðunarrétts síns.

Það sem skortir svo áþreifanlega í rökfærslu erindrekana er auðvitað skýring í fáum orðum, sem lýsir hver er raunverulegur ávinningur Íslands, í stað hræðslu tuggunnar um að hrófla við EES samningnum, sem þar fyrir utan þarfnast bráðrar endurskoðunar í ljósi nýrra tíma.

Kallað eftir umsögnum um orkupakkann

Íkveikja, en ekki sjálfs-íkveikja í dekkjum - kjánar

Starfshættir lögregluyfirvalda hér á Íslandi eru athyglisverðir og er ég ekki að hæðast að rannsókn Guðmundar og Geirfinnsmála, heldur að smærri málum, eins og niðurstaða orsaka þessa eldsvoða í fréttinni ber með sér.

Önnur frétt dagsins, er hin daglega frétt af nokkrum ölvuðum og dópuðum ökumönnum sem ítrekað eru teknir próflausir og oftast á stolnum bílum og síðan sleppt, líklega hlæjandi.

Ég hélt í fávisku minni að lögregluyfirvöld hér hefðu samvinnu við önnur ríki um lögreglumál, önnur en að lúskra á mótmælendum, en ég er þess fullviss að ölvaður eða dópaður ökumaður, sem tekinn er á stolnum bíl í Færeyjum, þorir ekki fyrir sitt litla líf að endurtaka leikinn, svo ekki sé nú minnst á önnur alvöru ríki á borð við Bandaríkin eða Kína.

Geymsla dekkja í fjölbýli varasöm

Aðeins verðhækkanir og kjararýrnun fyrir lýðinn.

Hin svikula óþjóðholla ríkisstjórn þeirra Katrínar Jakobsdóttur og Bjarna Benediktssonar, með dyggum stuðningi Framsóknarflokks samdi við láglauna stéttir þjóðarinnar á þeim nótum að vænta mætti ákveðins umburðalyndis og aðhalds frá atvinnulífi og BSRB í komandi kjarasamningum þeirra.

Ætla stjórnvöld að framfylgja fögrum fyrirheitum, eða kemst virkilega ekkert annað að, en að vinna að undirbúningi fyrirhugaðar sölu Landsvirkjunar?

Framsetning verðhækkana „ósmekkleg“

Fegurð í háloftum.

Ekki gerir lággjalda flugfélag þetta nú háar kröfur til flugfreyja sinna, þegar það auðmjúklega óskar eftir í það minnsta tveggja sentimetra hæð á skó þeirra.

Það vita allir sem hafa minnsta vit á kvennlegri fegurð, að háir hælar eru til þess falnir að draga enn frekar fram fegurð glæsilegrar konu og á það alveg sérstaklega við um einkennisklædda flugfreyju.

Á stuttum og enn fremur löngum tilbreytingar lausum flugferðum, er fegurð og falleg framkoma brosmildra fljóða óneitanlega einungis til þess falin að stytta ferðina.

Hjá alvöru áætlana flugfélögum sem bjóða farþegum sínum upp á veitingar, þar er starf flugfreyjunar auðvitað annað og erfiðara og því möguleg ástæða til að leyfa flatbotna skófatnað á meðan framleiðslu stendur.

Neyða kvenfólk í hælaskó

Er orðið tímabært að þjóðin kjósi um EES aðildina?

Um þessar mundir stendur sem hæst tilfinninga þrunginn umræða um torskiljanlegt samþykki kjörinna fulltrúa okkar á þriðja áfanga Íslands að raforku neti Evrópu, auk nýgengina dóma bæði í Landsdómsmáli og þó sérstaklega hvað varðar valdboð EES um frjálsan innflutning á hráu kjöti frá óhreinum landbúnaðar svæðum Evrópu, auk þriggja milljarða sektargreiðslu úr vasa íslenskra neytenda.

Flestir eða allir íslenskir stjórnmálamenn virðast sammála um að EES aðildin hafi bæði kosti og galla í för með sér, en mér persónulega sýnist gallarnir sækja svo mjög á, að tímabært sé að gefa Íslendingum kost á að velja lýðræðislega hvorn heldur þeir velji, betur seint en aldrei.

Stuðningsmenn aðildarinnar ættu varla að óttast úrslit þjóðaratkvæðagreiðslu, því að þeirra sögn eru kostirnir svo afgerandi, að þeim ætti ekki að reynast skotaskuld að leiða þjóðinni þá fyrir sjónir, þó almenningur þyki að þeirra mati illa gefinn, óalandi og óferjandi.

Viljandi verið að afvegaleiða umræðuna

Hlutdrægur dómur?

Landsréttur virðist því miður ætla að fylgja í spor annara dómstiga hér á landi, sem á hálfri öld hafa megnað að rúa dómskerfið öllu trausti og virðingu.

Nú um stundir byggjast dómar réttarins að miklu leyti á því sem dómarar kalla trúverðugan vitnisburð þess málsaðila sem þeir velja að styðja, sjálfrátt eða ósjálfrátt í takti við tíðarandann.

Jafnvel dómar í stærstu sakamálum upp úr öllum dómstigum eru því handahófskenndir og eru því fjölmörg dæmi um að saklausir menn hafi verið dæmdir til hárra refsinga og æru missis, án minnstu sannana og er það á almanna vitorði.

Í þessu máli fallast dómarar Landsréttar á að hlustandi Útvarps Sögu sem lagði umtalsverðar fjárhæðir í nokkur skipti inn á reikning eiganda stöðvarinnar, sem hún þekkti reyndar ekki neitt, en kemur síðan tveimur árum síðar og gerir kröfu um endurgreiðslu allrar fjárhæðarinnar, sem dómurum er síðan ætlað að trúa að hafi í raun og veru átt að hafa verið lán til bráð ókunnugar manneskju, án nokkura kvittana eða skuldaviðurkenninga.

Nú vill það til að þessi útvarpsstöð sem Arnþrúður á, er eingöngu rekin fyrir auglýsingatekjur og þó sérstaklega fyrir frjáls framlög einstaklinga á borð við mig og aðra þá sem aðhyllast frjálsa og óháða útvarpsstöð í því spillta hlutdræga fjölmiðla umhverfi sem við búum því miður við.

Að lokum verð ég að lýsa fyrirlitningu minni á ríkisstarfsmanni nokkrum sem ræðst ítrekað að Arnþrúði með svívirðingum og rógi á opinberum vettvangi, sem hlýtur að varða við allt eðlilegt laga umhverfi, en til að bæta gráu ofan á svart, þá er illfyglið vígður prestur í einni fallegustu kirkja Reykjavíkur og nær örugglega handgenginn biskupi.

Arnþrúður þarf að endurgreiða

Varúð – Hætta framundan.

Þegar að kemur vangaveltum um ástæður illskiljanlegra ákvarðana valdamanna, sem líkt og nú virðast blátt áfram ganga gegn heilbrigðri skynsemi, þá verður tortryggnum körlum á borð við mig hugsað til staðhæfingar fyrrverandi vara-utanríkisráðherra Bandaríkjanna, sem náðist á hljóðupptöku segja við forseta eins Baltnesku ríkjanna, að Bandaríkjamenn hefðu styrkt uppreisnina, eða valdaránið í Úkraínu um fimm billjón dollara, eða sem svarar u.þ.b. 600 milljörðum ísl.króna.

Geta það þá talist óraunhæfir órar að láta sér koma til hugar að ESB væri reiðubúið að greiða óvönduðum áhrifamönnum hér á landi þó ekki væri nema tíunda hlutann af Úkraínu kostnaði Bandaríkjamanna fyrir veittan stuðning við að ná fullkomnu valdi yfir allri raforku framleiðslu Íslands?

Almenningur á Íslandi ætti að minnast nýgengins dóms EES, þar sem banni við innflutning á hráu kjöti frá Evrópu var hnekkt, að viðbættum háum sektargreiðslum – þrátt fyrir öll fögur fyrirheit og undanþágur.

Innleidd að fullu en gildistöku frestað

Aumingja Þorsteinn.

Já, það hlýtur að vera óþolandi að eiga það á hættu að vera kallaður föðurlandssvikari um aldur og ævi í öllum heimildum um ókomna framtíð – svona helst afkomendanna vegna.

„Algjörlega óþolandi“

Velfarnaðar óskir til Gunnars Braga og fjölskyldu.

Slys og hörmungar gera ekki boð á undan sér og ber öllum að virða áfall aðstandenda, hvað sem verkum og skoðunum þeirra líður og óska ég Gunnari Braga og fjölskyldu hans velfarnaðar.

Ég viðurkenni að ég var einn þeirra sem í fyrstu kættust við lestur fréttar um skyndilegt brotthvarf Gunnars Braga úr Miðflokknum, sem ég áleit ranglega að væri af öðrum toga spunnið, en það er þó engin launung að ég álít að staða hans í framvarðsveit flokksins sé mörgum á móti skapi.

Hvað óheflað og óheppilegt orðalag hans af Klausturbarnum snertir, þá eru það smámunir einir borið saman við ráðabrugg nokkra annara þingmanna og allra þeirra sem þykjast svo hreinir og beinir og skiptir því auðvitað engu máli.

Síðuhafi er einn þeirra sem ómögulega hefur geðslag til að kjósa Miðflokkinn með fyrrverandi utanríkisráðherrann í fremstu víglínu, eftir aðkomu hans og eftirmála að hinni svokölluðu byltingu í Úkraínu, sem nú stendur berleggjuð og afhjúpuð frammi fyrir heimsbygðinni.

Leyfi vegna alvarlegs slyss

Er viðhald og rekstur Landeyjarhafnar nokkuð annað en bilun?

Í tilkynningu frá Vegagerðinni segir að ómögulegt sé að segja til um hvenær höfnin opnist fyrir Herjólf.

Dýpkað er í Land­eyja­höfn all­an sól­ar­hring­inn þessa dag­ana. Björg­un er þar með dælu­skipið Dísu, dýpk­un­arpramm­ann Reyni sem er bú­inn stórri gröfu og efn­is­flutn­inga­skipið Pét­ur mikla.

Þrátt fyrir þetta allt og auðvitað allar aðvaranir, þá er haldið áfram, eins og enginn sé morgundagurinn.

Landeyjahöfn ekki opin enn