Vanhæfur forstjóri?

Páll Matthíasson forstjóri Landsspítalans getur þess vegna verið ágætur maður og hæfur til að sinna yfirumsjón með rekstri sjúkrahúss, en hann sýnir það og sannar að bókvit og menntun hefur lítið með skynsemi og heilbrigða hugsun að gera, svo ekki sé nú minnst einu orði á óeðlilega hagsmunagæslu.

Það liggur fyrir að þörf er á nýjum byggingum fyrir ný tæki og breytta tíma í nútíma heilbrigðisþjónustu og eru allir því sammála, en staðarval þessara framkvæmda er þrætueplið.

Það ætti að vera hverjum heilvita manni ljóst að fyrirhuguð uppbygging við Hringbraut, sem berja á í gegn með góðu eða illu er í raun og veru sú eina staðsetning þessara framkvæmda, sem nefndar hafa verið til sögunar sem hægt er að útiloka af mörgum ástæðum og mætti því einfaldlega kalla þá fyrirætlun arfavitlausa.

Skynsamlegast er líklega að byggja við Borgarspítalann og hefjast tafarlaust handa við að reisa nýbyggingar þær er mest eru aðkallandi og er ég þar t.d. með byggingu utan um höfðinglega gjöf Kára Stefánssonar í huga.

Ég vil hvetja alla málsmetandi menn, t.a.m. karla á borð við fyrrnefndann Kára að láta nú ljós sitt skína og lýsa feimnis- og hikstalaust áliti sínu á þessu máli svo komið verði í veg fyrir þetta stórslys við Hringbraut.

Hringbraut heppilegasta staðsetningin

Ríkir og fátækir á Íslandi.

Guðjón E. Hreinberg, heimspekingur, fjallar um óréttlæti og misskiptingu í íslensku þjóðfélagi, í tilefni af þessari frétt um ÍLS í ágætri bloggfærslu sinni sem hann nefnir: "Hnýpin þjóð á götunni"

Ég get tekið undir með honum, hvað flokkun þjóðarinnar í þrjá hópa varðar, en set þó sjálfur hópana sem hann nefnir Skuggavald og Elítu undir sama hattinn og læt nægja að líta á Íslendinga sem einungis tvær þjóðir.

Auðvitað færi nærri að troða mætti gjörvöllu "Skuggavaldinu" eða m.ö.o. sjálfri valdastéttinni og þeirra allra nánustu í eina velvaxna breiðþotu, en hinn hópurinn sem hann nefnir með réttu "Elítu" er að mínu mati gríðarlega fjölmennur, því þar innanborðs eru ekki einungis þeir sem daglega hafa tækifæri til að maula í sig brauðmolana af hlaðborði höfðingjanna, heldur eru þar niðjar fyrrum erindreka, húskarla og handbenda þeirra, jafnvel allt aftur til seinni hluta nítjándu aldar.

Einmitt þessar niðjar sem erft hafa mann fram af manni, eignir, tengsl og það öryggi allt og þægindi sem því fylgir í lífsbaráttunni hér í bévaðri klíku spillingunni, eru auðvirðilegastir allra, því þeir sigla jafnvel oftar en ekki undir fölsku flaggi og þykjast hafa komist áfram af eigin rammleik og dugnaði, en styðja síðan þrátt fyrir fögur fyrirheit ríkjandi fyrirkomulag þegar á hólminn er komið.

ÍLS hefur selt 1.654 íbúðareignir

Here we go...

Linkind Evrópusambandsins gagnvart þessu nýja "vandamáli" á örugglega eftir að draga óþyrmilegann dilk á eftir sér - spái ég.

Auðvitað eru 90% af þessum flóttamönnum efalaust ágætt og eðlilegt fólk, en öruggt má teljast að útsendarar íslamiskra öfgasamtaka fylgi með í stríðum straumum og muni setja svip sinn á daglegt líf okkar á næstu áratugum uns yfir lýkur.

Því segi ég aðeins: "Hver er sinnar gæfu smiður"

„Ég er mjög stoltur af vini mínum“

Hver hefur sinn djöful að draga...

Kári Stefánsson skrifar undarlega grein í fréttablaðið, þar sem hann kemur svokölluðum utanríkisráðherra og félögum til varnar, eftir ótrúlegt klúður þeirra varðandi óskiljanlegt skemmdarverkið á áralöngum blómstrandi viðskiptum okkar við vinaþjóð okkar Rússa.

Kári bullar um að stórfellt tap okkar sé í raun aðeins ódýrt rúllugjald fyrir að fá að standa upprétt í samfélagi þjóðanna og síðan dregur hann Halldór Laxness og rithátt hans inn í "mjálmið" og nefnir til sögunar frumvarp sem lagt hafði verið fram til að koma böndum á frjálslegan ritstíl Nóbelsskáldsins en í kjölfar þeirrar umræðu allrar orti Steinn Steinar ljóð sem hann kallaði Samræmt göngulag fornt.

Eftirfarandi tvær ljóðlínurnar úr þessari beittu ádeilu Steins eru sígildar, en hitta nú að mínu mati betur fyrir karla eins og Kára sjálfann og alla þá aðra er sjá ekki í gegnum augljóst samsærið í Kænugarði og fylgja auðmjúkir og bljúgir fyrirmælum herranna í Brussel og Washington.

Álútir skulu menn ganga og hoknir
í hnjánum
og horfa með stilling og festu á
íslenska jörð

Ylli meira tjóni en nemur Rússagullinu

Vítahringurinn rofinn.

Það eru frábært að þessi glæsilegi fæðingalæknir stigi fram og lýsi opinskátt skoðun sína á fyrirhuguðu byggingarframkvæmdum við Hringbraut.

Skoðun hennar gengur í stuttu máli í berhögg og þvert á fyrirhugaðar byggingarframkvæmdir við Hringbraut, sem troða á nú í gegn venju samkvæmt með góðu eða illu og í trássi við alla fagurfræði og heilbrigða skynsemi.

Það á reyndar ágætlega við að vekja eftirtekt á þessum klúðri með von um að stöðva megi þessar kjánalegu framkvæmd, nú þegar Íslendingar eru nánast í áfalli eftir síðustu heimskupör ráðamanna þjóðarinnar og höfða ég þar auðvitað til ákvarðana bjálfans burstaklippta að norðan, svo ekki sé nú minnst á yfirstandandi eyðileggingu Reykjavíkurflugvallar o.s.f.v.

Það er mín von að skrif Ebbu Margrétar rjúfi þau illu álög er virðast fylgja öllum okkar stærri framkvæmdum hin síðari ár og megi verða til þess að allar þessar óheillakrákur sem hafa valist til vegs og virðinga flögri burt.

„Það er allt í lagi að skipta um skoðun“

Útvarp Saga - eina rödd fólksins.

Titill þessarar færslu er byggður á þeirri staðreynd að enn og aftur sýnir það sig hvað ótrúleg afglöp eða jafnvel landráð valdamanna snertir, að íslenskir fjölmiðlar og vanhæf yfirvöld löggæslu ganga erinda annara en almennra borgara með yfirborðskenndri og máttlausri umfjöllun sinni.

Hér er í fyrsta lagi starfrækt ríkisúvarpsstöð sem allir (eða flestir) sjá að engin þörf er fyrir önnur en að greiða fjölmennu misjafnlega hæfu starfsfólki velútilátinn laun og lífeyriskjör.

Önnur helstu fjölmiðlafyrirtæki landsins eru auðvitað þetta málgagn þeirra er lagt hafa eignarhald sitt á hinn svokallaða fiskveiði kvóta þjóðarinnar, auk þess að renna hýru auga til landsvirkjunar.

Í öðru lagi er það hin fjölmiðla samsteypan sem beint og óbeint er ekkert annað erindreki Evrópusambandsins og allra þeirra leppa og "wanna be" sem gera sér glæstar vonir fyrir sig eða sína um frama og örugga framtíð sem hirðmenn innan ESB, fremur en vonlausar framtíðarhorfur sem húskarlar eða hjú hjá bústnum útgerðaraðli og núverandi valdastétt þjóðarinnar.

Eina von almennra borgara þessa lands um bjarta og eðlilega framtíð er auðvitað að sameinast svo auðnast megi að varpa af okkur illþýðinu og grýta þessum arðræningjum og þjóðníðingum út í ystu myrkur.

Útvarp Saga er aðeins lítil rödd, en þó má þakka henni algjörlega fyrir að hafa sameinað þjóðina ítrekað gegn illu ráðabruggi og ber þar auðvitað hæst andstöðuna við ICESAVE landráðin og ekki síður atlögur gegn þjóðkjörnum forseta vorum sem ætíð stendur eins og klettur með þjóð sinni.

Ég hvet frambærilega talsmenn þessarar raddar fólksins að vekja upp aðstandendur Flokks heimilanna og fleirri góðra flokksbrota og stofna framboð sem að mínu mati gæti hratt og örugglega gjörbreytt öllu pólitísku landslagi á Íslandi.

Þessi flokkur gæti með réttu heitið: FLOKKUR FÓLKSINS

Mikið misræmi í áhrifum refsiaðgerða

Illur ásetningur.

Er það nú ekki að verða deginum ljósara að handbendi og erindrekar Evrópusambandsins gera nú enn og aftur hatramma atlögu að höfuðeign íslensku þjóðarinnar, sjálfri fósturjörðinni?

Nöfn þeirra þingmanna sem lögðu nafn sitt og heiður að veði til að berjast fyrir að samþykkja nauðarsamningana er kenndir voru við ICESAVE, standa auðvitað greipt á spjöldum sögunar og leikur nú engin vafi nú á að ef sú lúmsku launráð hefðu lukkast, þá væru landsvirkjun og allar aðrar auðlindir Íslands nú tapaðar að eilífu í hendur evrópska "björgunarhringsins"

Allar athafnir Gunnars Braga og ráðuneytis hans í þessari hatrömmu atlögu hans að íslensku efnahagslífi eru óskiljanlegar og virðist því í fljótu bragði hreinlega um að ræða kaldrifjuð föðurlandssvik eða þá að öðrum kosti andleg veikindi.

Áttu í miklum samskiptum við Rússa

Frábært afrek.

Til hamingju Sigrún með þetta frækilega afrek.

Það er mér óskiljanlegt að þetta glæsilega sund afrek íslenskrar konu skuli ekki vera fyrsta frétt dagsins.

Synti yfir Ermarsund

Auðvirðileg ákvörðun taglhnýtinga Gunnars Braga.

Til upplýsingar fyrir áhugasama, um ástæður þess að Utanríkismálanefnd Alþingis samþykkti einróma viðskiptaþvinganir á Rússland, með hrikalegum og reyndar ógnvænlegum afleiðingum fyrir íslenskt efnahagslíf ef Rússar gjalda líku líkt - þá hefur því verið fleygt að í.þ.m. hluta nefndarmanna hafi einfaldlega verið gert tilboð sem þeir hafi ekki getað hafnað og gæti það auðvitað útskýrt þessi landráð, ef allt fer á versta veg.

Við sama tækifæri samþykkti nefndin að veita Tyrkjum fullan stuðning við sprengjuárásir þeirra á Kúrda og þar með ekkert annað en óbeinan stuðning við ISIS, en líkt og margir vita, þá hafa Kúrdar verið helsta brjóstvörn Vesturveldanna gagnvart þeim leiðu samtökum.

Það liggur fyrir að þessi ákvörðun nefndarmanna hefur verið dýrkeypt, því auðvitað getur allt þetta fólk hætt að gera sér frekari vonir um frekari frægð og frama hér á Fróni, ef þessi ákvörðun verður til að stöðva allar framfarir í efnahagslífi þjóðarinnar um ókomin ár.

1 Birgir Ármanns­son for­maður
2 Ásmundur Einar Daða­son 1. vara­for­maður
3 Vilhjálmur Bjarna­son 2. vara­for­maður
4 Frosti Sigurjóns­son
5 Elín Hirst
6 Katrín Jakobs­dóttir
7 Óttar Proppé
8 Silja Dögg Gunnars­dóttir
9 Össur Skarp­héðins­son
Áheyrnarfulltrúi
19 Birgitta Jóns­dóttir
Varamaður
Guðmundur Steingrímsson

P.S.
Heyrst hefur orðrómur um að Össur "lævísi" Skarphéðinsson hyggist yfirgefa fúið flak samfylkingar skútunar og leyta eftir nýju skips plássi.

Farga vestrænum smyglvarningi

Fremur þörf á haldbærum útskýringum.

Það er lítil þörf fyrir þingkonuna að láta í ljós álit hennar á þessum "nefpúðurs" draumum bankastjórnar Landsbankans, því þetta blasir við öllum, auk þess að það var það bæjarstjórinn í Vestmannaeyjum og einasta vonarstjarna Sjálfstæðisflokksins sem hrópaði: "Kóngurinn er allsber"

Það væri öllu áhugaverðara að heyra útskýringar Elínar á ástæðum þess að hún studdi einróma álit Utanríkismálanefndar Alþingis á að beita vini okkar rússa viðskiptaþvingunum á vægt sagt hæpnum forsendum, sem gætu kostað íslendinga óbætanlegt tjón.

„Við þurfum vel rekin fjármálafyrirtæki“