Aðgerðin heppnaðist vel, en sjúklingurinn dó.

Á hverju er borgarstjóri Reykjavíkur eiginlega?

Blasir það ekki við öllum normal borgarbúum að einungis áætlunin um að troða 750 nýjum íbúðum á þetta afmarkaða svæði og fækka auk þess bílastæðum er tóm tjara.
Það fylgir sögunni að hluta nýju íbúðanna fylgi enginn bílastæði, því íbúum sé eingöngu ætlað að reiða sig á almenningssamgöngur og þá væntanlega líka á hjóla draumsýnar ruglið.

Ekki má gleyma nýjum byggingarsvæðum sunnan Húsasmiðjunnar á nákvæmlega hagstæðustu Sundabrautar staðsetningunni og þrátt fyrir þetta allt er vitskertiur borgarstjórinn ákveðnari en nokkurn tíma í að framfylgja áætlunum sínum um aukið byggingarmagni í Vatnsmýri og risavaxið þjóðarsjúkrahúsþorpið við Hringbrautina.

Er virkilega erfitt að ímynda sér vonlausar aðstæður sjúkrabifreiðar á háanna tíma að ætla að koma slösuðum sjúklingi úr Skeifunni eða eystri hverfum borgarinnar lifandi á Landsspítalann?

„Komin með landakort að framtíðinni“

Eru Íslendingar menn eða mýs?

Það er deginum ljósara, að þrátt fyrir að Bandaríkjaforseti hafi margt jákvætt til brunns að bera, þá er hann aðeins hlýðinn og auðmjúkur þjónn þess auðvalds sem vestanhafs ræður orðið ríkjum og setur vaxandi mark sitt á heimsbyggðina alla.

Það er því í þessum ljóta leik sannarlega óskandi,að íslensk stjórnvöld hafi kjark og þor til að fylgja ályktunum allsherjarþings Sameinuðu þjóðanna, fremur en að styðja þennan illa ásetning forseta Bandaríkjanna.

Trump beitir hótunum

Einföld spurning varðandi hernám Ísraela í Palestínu.

Samkvæmt alþjóðasamþykktum þar með talið Genfar sáttmálanum hafa hernumdar þjóðir heimild til vopnaðrar andspyrnu gegn hernámi og er það flokkað sem sjálfsvörn. Palestínumenn hafa því heimild til vopnaðrar andspyrnu við hernám Ísraela. Það er engin munur á því þegar Pelestínumenn drepa ísraelskan hermann og því þegar andspyrnuhreyfingar í löndum sem Þjóðverjar hernámu í seinni heimstyrjöld drápu þýska hermenn.

Þessi málsgrein er reyndar orðrétt höfð eftir Sigurði M. Grétarssyni í ágætri bloggfærslu hans hér á mbl.is.

Það væri annars nógu gaman ef einhverjir af málsvörum Ísraelsmanna gætu einfaldlega svarað því, hvort þessi staðhæfing sé rétt eða röng, án þess að ég sé beinlínis með þeirri spurningu á neinn hátt að bendla svarendur við önnur og myrkari öfl.

Mótmælt þriðja daginn í röð

Ekki svo galinn, þrátt fyrir allt.

Eftir nánari umhugsun, þá gæti hugsast að skoðanir Guðlaugs Þórs utanríkisráðherra á stefnu og ágæti Atlantshafsbandalagsins séu alls ekki eins heimskulegar og þær virðast í fljótu bragði vera.

Auðvitað veldur stækkunarstefna sambandsins spennu, auk þess sem ögranir gagnvart friðsömum Rússum og stuðningur við hemdarverka ríki á borð við Ísrael og Saudi Arabíu aðeins til þess falin að vekja hatur og fyrirlitningu heimsbyggðarinnar gjörvallar.

Slæm er sú staðreynd, að líklegt verður að teljast að bráðlega verði hafist handa við að sannfæra okkur um að sniðganga verði væntanlegt heimsmeistaramót í knattspyrnu vegna mannréttinda brota og mannvonsku Pútíns og félaga og verður það líklega auðsótt.

Bjarta hlið sannfæringar og viljugrar afstöðu Guðlaugs fyrir hönd okkar, má auðveldlega greina eftir síðasta útspil leiðtogans í vestri varðandi umdeilda viðurkenningu Jerúsalem, sem gæti einfaldlega orðið til þess að losa okkur með einum heljar hvelli í eitt skipti fyrir öll við allar frekari áhyggjur og leiðindi af þreytandi ófriði gyðinga og araba fyrir botni Miðjarðarhafs, auk skiptimyntar.

Varnir Evrópu treystar áfram

Á Íslandi eru yfir sexhundruð forfallnir sprautufíklar.

Glöggir lesendur geta mögulega reiknað út samhengið á milli fjölda sprautufíkla og óhóflegra ávísana þessa lyfja til handa íslenskum óþekktar ormum, borið saman við nágranalöndin.

Sprautufíklar ásælast yfirleitt helst heróín, nema þeir hafi greiðan aðgang að einmitt þessum dýru ofvirkni lyfjum, sem við og reyndar líka Bandaríkjamenn hafa léttan aðgang að í nafni umhyggju barna og ungmenna.

Hér ættu staðreyndir á borð við hárfínar mælingar á skólpi Reykvíkinga, svo ekki sé minnst á haldlagt ofurmagn tollgæslu að sýna svo ekki verði um villst að hér á landinu góða, fer aftur á móti fram stórbrotin neysla á kókaíni, sem enginn fársjúkur dópisti hefur þó efni á, sem er allt önnur saga.

Nánar um dauðdaga Nonna.

Það er rétt að Nonni lést haustið 1944 í Köln, en það væri synd að segja að hann hafi hlotið hægt andlát, því hann var eitt hundraðaþúsunda fórnarlamba ofsafengina og illskiljanlegra sprengjuárása Bandamanna á þýskar borgir undir lok styrjaldarinnar.

Sigurför Nonna stendur enn

Á hvers vegum gengur Guðni?

Framganga forseta þjóðarinnar síðustu daga vekur óneitanlega upp spurningar sem krefjast svara.

Skoðanir og afstaða Guðna í ýmsum umdeilanlegum málum voru reyndar þekkt fyrir kjör hans og auðvitað blasti við hverjir voru bakhjarlar hans, en verður þessi geðþekki náungi þá ekki enn frekar að gæta að því að missa ekki grímuna ef hann heldur áfram að ætla að troða umbjóðendum sínum í valdasæti með þvílíku offorsi.

Það má eflaust færa frambærileg rök fyrir fyrstu ákvörðun hans um að láta Katrínu í hendur umboð til stjórnarmyndunar, en að endurtaka nú leikinn er ekkert annað en vandræðalegt fyrir hann.

Sjálfstæðisflokkurinn er óneitanlega lang fjölmennasti flokkur landsins og þeir tveir flokkar sem hver óblindur ætti að sjá að sem sigurvegara þessara kosninga voru Miðflokkur Sigmundar Davíðs og Flokkur fólksins.

Þingflokkur VG fundar í dag

Tillaga að sterkri stjórn.

Tillaga að sterkri stjórn.

Val kjósenda og kosningaloforð framboða í ljósi núverandi ástands á Íslandi kallar hreinlega á samstarf D, B, M og F og væri þá auðveldlega hægt að ímynda sér eftirfarandi skipan ráðherra:

Forsætisráðh............ D..... Bjarni Benediktsson
Utanríkisráðh............B......Lilja Dögg
Fjármálaráðh............M......Sigmundur Davíð
Landbúnaðarráðh......B......Sigurður Ingi
Dómsmálaráðh..........D......Sigríður Andersen
Heilbrigðisráðh.........M......Gunnar Bragi
Félagsmálaráðh..........F.......Inga Sæland
Umhverfisráðh...........B.......Halla Signý
Iðnaðar/viðskiptaráð..D.......Þórdís K.R.
Menntamálaráðh........D.......Guðlaugur Þ.
Innanríkisráðh............F........Karl Gauti
Ferðamálaráðh...........M......Anna Kolbrún

Inga segir flokkinn óbundinn

Kennedy var hreinlega skotinn eins og hundur.

Það er óhætt að fullyrða að framundan sé heimssögulegur atburður, en þar á ég auðvitað við að á næstu dögum verði öll leyniskjöl varðandi morðið eða réttar sagt aftökuna á John F. Kennedy gerð opinber.

Það dæmigerða við þessa fyrirhuguðu forsetatilskipun n.k. fimmtudag er sú staðreynd að Donald Trump er nú álíka hataður og Kennedy var af öflugum andstæðingum utan sem innan stjórnsýslu Bandaríkjanna.

Meirihluti Bandaríkjamanna og allra þeirra er fylgdust með eftirmálum skotárásarinnar í Dallas 1963 eru sammála um að Lee Harvey Oswald hafi ekki verið einn að verki og líklega ekki hleypt af skoti, þó hann að öllum líkindum hafi haft einhver tengsl við samsærið, líkt og reyndar á líka við um banamann hans Jack Ruby.

Mögulegar ástæður þess að Kennedy varð að drepa voru nokkrar og má þar helst telja áform hans um að draga úr stríðsrekstrinum í Vietnam, auk þess að hann hafði ekki stutt við misheppnaða innrásina í Svínaflóa á Kúbu, eða fyrir að hafa krafist rannsóknar og stöðvunar kjarnorkuáætlana Davíðs ben Gurion í Dimona í Ísrael svo eitthvað sé nefnt og ekki má gleyma fyrirhugaðri baráttu hans og dómsmálaráðherrans bróður hans gegn skipulagðri glæpastarfssemi og augljósri óbeit hans á mönnum á borð við Edgar Hoover og Allan Dulles.

Það má telja öruggt að um þrjú skotlið hafi verið að ræða sem létu skotunum rigna yfir varnarlaust skotmarkið í aftökunni á Dealey Plaza 22. november 1963, sem hingað til hefur verið leynt og hylmt yfir af bandarískum stjórnvöldum.

Leynigögn um morðið á JFK gerð opinber

Ómarktækar skoðanakannanir?

Nýlega skaut skoðanakönnun kleinuhringjaverslunar hér í Reykjavík öllum helstu skoðanakönnunar fyrirtækjum ref fyrir rass í kosningaspá sinni, sem er einfaldlega sönnun þess hve ómarktækar þessar dýru vísindalegu kannanir eru í raun og veru.

Það er þekkt staðreynd að hægt er að panta hentugar niðurstöður hjá þessum fyrirtækjum sem sérhæfa sig á þessu sviði og mætti því álíta að helsta snilli þessara sérfræðinga snúist helst um val á útvöldu úrtaki viðmælenda og ekki síður framsetningu spurninganna.

Eitt lýsandi dæmi um áreiðanleika eins af þessum fyrirtækjum sem enn þykir fínn pappír í þessum bransa, var í síðasta góðæri fengið til að verðmeta SPRON í aðdraganda skrásetningar á markað í Kauphöllina og var mat Capasent Gallup að virðið væri 60 milljarðar.
Upphófst þá mikil gleði og fréttist síðar að allir aðstandendur bankans og nokkrir aðrir góðborgarar hefðu í skyndi selt öll bréf sín á hinum gráa markaði fyrir tugi og hundruði milljóna, en þegar SPRON síðan var skrásett, þá reyndist skrásett virði þess einungis vera u.þ.b. 16 milljarðar.

Þessi tvö dæmi um kleinuhringjabúðina og verðmiðann á sparisjóðnum gætu gefið tilefni til að gera kannanir á marktæki þessara fyrirtækja að komandi kosningum loknum, en ég læt að lokum eigin kosningaspá fylgja með:

Sjálfstæðisflokkur.............20%
Flokkur fólksins...............20%
Vinstri græn...................15%
Miðjuflokkur...................15%
Píratar........................10%
Samfylking.....................10%
Framsókn........................4%
Björt framtíð...................3%
Viðreisn........................3%

Vinstri grænir lækka flugið