Falsaðar skoðanakannanir?

Öruggt verður að teljast að þessi skoðanakönnun Fréttablaðsins er með öllu ómarktæk.

Fyrir það fyrsta, þá skal það í minnum haft, að eitt af fyrstu verkum landráðastjórnar þeirra Steingríms og Jóhönnu var einmitt að tryggja ESB sneplinum, sem annast skoðanakönnun þesa u.þ.b. milljarðs kúlulán til að breiða þóknanlegan áróðurinn út um ókomin ár, eins og raun ber vitni.

Þessi sannkallaða spillingar klíka Samfylkingar og fylgifiska hennar, sem farið hefur með völdin í Reykjavík undanfarin átta ár er ber af gjörðum sínum og óráðsíu og mun almenningur í borginni okkar því launa þeim lambið gráa í komandi kosningum.

Samfylkingin mun því vart uppskera meir en hin hefðbundnu tuttugu prósent landráða atkvæða og aðrir dindlar og fylgifiskar þeirra í það mesta önnur tíu prósent.

Ég á von á að hástökkvarar þessara kosninga muni verða Miðflokkurinn og Höfuðborgarlistinn.

Samfylkingin með mikla forystu

Hvers virði eru atkvæði eldri borgara?

Eins og fram kemur í fréttinni um þennan fund um stöðu og kjör eldri borgara, þá voru það aðeins sex framboð til komandi borgarstjórnar kosninga sem sýndu málefni þessu einhvern áhuga.

Það veldur mér miklum vonbrigðum að Flokkur fólksins, sem ég batt áður miklar vonir við skyldi ekki sjá sér fært að mæta, en helstu áhugamál þeirra heyrist mér að þessu sinni helst og jafnvel einungis snúast um atvinnuhagsmuni sálfræðinga, líkt og kemur glöggt fram í einræðum oddvita þeirra.

Kynntu málefni eldri borgara

Íslenska módelið

Í þessari frétt um refsingu ódæðismannsins segir, að viðbættum sextán ára fangelsisdómi, þá bætist eftirfarandi greiðslur við:

Þá var hann dæmd­ur til þess að greiða vel á þriðja tug millj­óna í skaðabæt­ur og máls­kostnað.

Hvaða bölvað rugl og kjaftæði er þetta, því auðvitað verða það þrautpíndir skattgreiðendur á borð við mig og þig sem fá heiðurinn af að greiða sektir kappans, auk auðvitað fyrsta flokks þjónustu og framfærslu, því varla verður þess krafist að hann verði rukkaður af eigin vinnuframlagi eða bótum.

„Hrottafengin og langvinn árás“

Íslenska þjóðfylkingin er þó með skýr stefnumál.

Það er mikill fengur að sjá fram á að hægt sé að kjósa framboð hér í Reykjavík í komandi kosningum sem sýnir á öll spil sín og engin sjáanleg ástæða til að efast um góðan ásetning þeirra.

Það er rúmur mánuður til kosninga hér í spillingarbælinu Reykjavík og enginn kosningarbarátta er merkjanleg, sem þýðir einfaldlega að Samfylking og Sjálfstæðisflokkur eru nú þegar búnir að semja um samstarf og allir una glaðir við sitt.

Rekstur og stjórnun höfuðborgarinnar er einfaldlega til skammar og við öllum blasir glæpsamleg mismunun og klíkustarfsemi, þrátt fyrir kjörlendi og góða tíma.

Svívirðilega hagsmuna gæslu ríkjandi borgarstjórnar er of langt mál að fjalla um hér, en það má nefna stóru vonbrigðin þegar almennir Sjálfstæðismenn völdu nýjan leiðtoga, en flokkseigendur stilltu upp að baki honum föngulegum lista, þar sem einasta umtalsverða afrek einnar efstu dísarinnar var að vera eiginkona frækins liðsmanns Jóns Ásgeirs Jóhannessonar og tengdadóttir ritstjóra Fréttablaðsins.

Miðflokkurinn diskaði upp með Vigdísi Hauksdóttur sem gerist prúð og spök í fylgd Skagfirska ljónsins sem enn lifir praktuglega á frækilegri baráttu sinni, frá tímum götuvígja málaliða uppreisnarinnar í Kænugarði.

Loks má bæta við að Flokkur fólksins birti loks fölleitt framboð sitt og stjórnarflokkinn Framsókn þekkja allir og loks bættist Höfuðborgarlistinn við, sem lítur blessunarlega út fyrir að vera hreinn og beinn.

Guðmundur Karl leiðir í Reykjavík

Óvitlaus landlæknir?

â€žÍ full­komn­um heimi mynd­um við byggja nýj­an spít­ala frá grunni á vel völd­um stað, en það er ekki í boði leng­ur,“

Með þessum orðum er nýr landlæknir, Alma D. Möller raunverulega að segja að núverandi byggingarferli Landspítala við Hringbraut sé rangt, án þess þó að nefna nánar hvort ástæður þess sé heimska eða spilling.

Það verður að teljast nokkur sárabót fyrir alla þá sem vöruðu ítrekað við þessum mistökum að með hverjum degi verði ljósara að þeir hafi haft á réttu að standa og geti um ókomna framtíð bent hæðnislega á talsmenn og hönnuði Hringbrautar hrúgaldsins og sagt: Hvað var ég búinn að segja.

Nýr Landspítali þolir enga bið

Alvöru forseti.

Heilla óskir Donalds Trump til kollega hans í Rússlandi eru til virðingarverðar og til fyrirmyndar.

Það sama verður því miður ekki sagt um þann er gegnir stöðu Forseta Íslands á Bessastöðum.

Þjóðkjörnum forseta ber að fara að hefðbundnum kurteisisvenjum og framfylgja þjóðarvilja fremur en að þjóna dutlungum Evrópusambandsins.

Meirihluti Íslendinga ætlast til þess að sá er gegnir þessu virðulega embætti hagi sér einfaldlega eins og honum ber.

Trump óskaði Pútín til hamingju

Íslenskir fjölmiðlar og stjórnmál.

Það er hálf kátbroslegt að fylgjast með Utanríkisráðherra Íslands þessa dagana, því hann veit víst varla hvorn fótinn hann á að stíga í og gerir það hann enn daufari til augnana en endranær og er þá mikið sagt.

Ef ekki væri vegna fádæma vesælla fréttamanna, eða öllu fremur fréttakvenna sem búið virðist að troða í öll stöðugildi helstu fréttaveita, þá er hætt við að ráðherranum yrði svarafátt ef hann yrði t.a.m. spurður um afstöðu hans til innrásar Tyrkja í Sýrland og síðan auðvitað einfaldrar spurningar á borð við hvort hann í fyllstu alvöru leggði trúnað á rakalausar ákærur Breta í garð Rússa og ef ekki, hvort Íslendingum bæri þá enn að skipa sér í hóp hinna viljugu skósveina þeirra gegn betri vitund?

Varðandi æpandi áberandi hlut kvenna í fjölmiðlum, líkt og þeirrar er ruglar hér augljóslega saman Kína og Japan í þessari frétt, þá er ekki annað hægt en að minnast á hlutdrægt viðtalið við tvo sérfræðinga á Silfri Egils á RÚV í gær um málefni Sýrlands og loks íþróttafréttakonuna á sömu stöð, sem opinberaði ótrúlega vanþekkingu sína og hélt því blákalt fram, að Ingemar Stenmark væri víðfræg skíðakona.

Viðbrögð Breta „ekki dramatísk“

Ásakanir Breta og stuðningsmanna þeirra einfaldlega fáránlegar.

Guðmundur Franklín Jónsson hafði eftirfarandi að segja í nýlegu útvarpsviðtali um ásakanir Breta í garð Rússa. Að enginn heilvita maður tryði þeim.

Það er varla hægt að lýsa þessum rakalausu ásökununum betur og verður sannarlega lýsandi og fróðlegt að fylgjast með næstu viðbrögðum Utanríkisráðherra Íslands í málinu.

Vísa breskum erindrekum úr landi

Álíta, halda eða telja, o.s.frv.

Þetta líka ýkta fjaðrafok yfir meintri morðtilraun á rússneskum föðurlandssvikara í Bretlandi virðist í fljótu bragði aðeins vera enn ein tilraun til að skapa úlfúð í garð Rússa og líklega heimabruggað tilefni til að geta sniðgengið væntanlega heimsmeistarakeppni í fótbolta í júní n.k.

Einhverjir minnast sniðgöngu Bandaríkjamanna og nokkra skósveina þeirra á Ólympíuleikana 1980, en ástæðan var víst hernaður Rússa í Afghanistan!

Nú fara Rússar fram á að fá sýni af meintu eitri til rannsóknar, en það kemur nú ekki til mála, án frekari skýringa, sem verður að teljast vægt sagt óskiljanlegt.

Það má til gamans nefna að Bandaríkjamenn voru í dag að skipa nýjan forstjóra CIA, en viðkomandi hefur helst unnið sér til frægðar að vera fangelsisstjóri í illræmdu pyntinga fangelsi Bandaríkjamanna í Tælandi – svona rétt til samanburðar.

Það kæmi ekkert á óvart ef íslensk yfirvöld létu draga sig á asnaeyrunum í frekari viðskipta þvinganir gegn vinum okkar Rússum eins og fyrri dæmi um viljuga, eða líklega öllu heldur keypta leppa þeirra hérlendis sýna glögglega.

Öll spjót standa á Rússum

Ráð gegn endurteknum vandalisma.

Þó íslensk löggæsla teljist seint til beittustu hnífanna í skúffunni, þá hljóta samt að vera einhverjir á vegum þessa fyrirtækis sem sér um þessi strætisvagnaskýli sem geta vakið athygli Skafta og Skapta á að skoða myndbandsupptökur úr tækjum þar sem eitthvert allra þessara skýla sést eyðilagt og síðan að sjálfsögðu birta upptökurnar opinberlega.

Sömu aðferð mætti auðvitað nota gegn veggjakroti.

Rúður í 120 skýlum mölvaðar á mánuði