Stríðið við Rússland.

Líkt og Vidkun Quisling er sagður hafa verið leppur Hitlers og Þriðja ríkisins, þá er Volodmir Zelinskyy engu síður leppur Bidens, NATO og ESB í þessari fjórðu herferð "okkar" gegn Rússum, allt frá tilraunum Karls tólfta, Napóleons og Hitlers.

Þessi síðasta tillaga utanríkisráðherra Selenskis um friðarviðræður, með þessum fáránlegu ,skilyrðum um stríðsglæpadómstól og krafa leikarans sjálfs um brottrekstur Rússlands úr Sameinuðu Þjóðunum er hreinlega út í hött. Ef á annað borð á að byrja á þess háttar refsi-aðgerðum, þá er listinn langur og óþokkarnir sannarlega báðu meginn, sem jafnvel þeir blindustu ættu að sjá.

Á síðustu áratugum hafa Rússar sætt ýmiskonar refsiaðgerðum og útilokunum fyrir hitt og þetta, en Bandaríkjamenn og meðreiðasveinar þeirra ætíð verið góðu karlarnir - líkt og viðtekin og auðmjúk skoðun okkar í því máli, líkt og í öllum öðrum hér á landi, líklega alveg frá því að við, hlutlaus þjóðin vorum hernumin 10.maí 1940.

Það er sorglegt að óvilhallur fréttafluttningur finnst vart hér á landi, nema mögulega á einni lítilli fjársvelltri útvarpsstöð, sem unnið er gegn bæði leynt og ljóst af undirlægjum ráðamanna.

Hvað átökin í Úkraínu varðar, þá er rússnesku hermönnunum örugglega jafn kalt og þeim úkraínsku og þegar að áróðri fjölmiðla kemur, þá er hann auðvitað hjá Rússum þvert á þann sem kyrjaður er hér vestan-megin alla daga.

Það er þó löstur við öll mannréttindin og fjölmiðlafrelsið hjá okkur, að maður verði að leita frétta af nær daglegum mótmælum gegn stefnu Bidens og Selenskis á meginlandi Evrópu, í fjölmiðlum landa víðs fjarri, þar sem virðist að auki mega greina meiri samúð með sjónarmiðum Rússa en Úkraínu og NATO.

Að lokum væri gaman að fá haldgóð rök fyrir muninum á stuðningi okkar við sjálfstæðis yfirlýsingu Kósovó frá Serbíu og hins vegar andstöðunni við sjálfstæðis ákalli austurhéraða Úkraínu.

Og hvers vegna ofan á vesældina alla, sætta svokallaðir blaðamenn og fjölmiðlafólk sig líka þegjandi og aðgerðalaust við fangelsun Julians Assange?

Vonast eftir friðarviðræðum í febrúar

Athugasemdir

[Birgir Loftsson, 27.12.2022 kl. 22:50]

Góð grein Jónatan. 

[Hörður Þormar (IP-tala skráð) 28.12.2022 kl. 15:37]

Eftir hrun Sovétríkjanna varð Úkraína sjálfstætt ríki sem réði yfir kjarnavopnum. Árið 1994 var gert samkomulag í Búdapest um að Úkraínumenn afhentu Rússum þessi vopn gegn því að Rússar ábyrgðust landamæri Úkraínu. Auk þess heimiluðu þeir Rússum að hafa flotastöð í Sevastapol á Krím. Árið 2014 sveik Pútín þetta samkomulag með því að hernema Krímskaga og styðja uppreisnaröfl í austurhéruðum Úkraínu. Því miður komst Pútín upp með þetta gerræði enda voru Úkraínumenn sundraðir, spilltir og varnarlitlir. Að vísu var sett á málamynda viðskiptabann á Rússa en það var haldlaust. Verra var að ýmsir, t.d. sumir stjórnmálamenn, héldu áfram að sleikja sig upp við Pútín í von um hagstæð viðskipti.

Innrás Pútíns 24. febr. er mjög sambærileg við innrás Hitlers í Pólland 1939 og rökin fyrir henni svipuð. 

Hvernig sem þessu stríði lýkur þá munu Úkraínumenn aldrei gleyma því. Kannski mun Pútín afreka það að skapa nýja heilsteypta úkraínska þjóð.

Og loks skil ég nú ekki þennan samanburð Selenski við Quisling! 

[Jónatan Karlsson, 29.12.2022 kl. 09:47]

Sælir félagar og þakkir fyrir athugasemdirnar.

Ég læt hér að lokum fylgja tilraun til að útskýra samanburð minn á þeim Selenski og Kvistling:

"Örygg­is- og sam­vinnu­stofn­un Evr­ópu, ÖSE, seg­ir að fram­kvæmd for­seta­kosn­inga í land­inu í gær hafi farið vel fram og upp­fyllt þau lýðræðis­legu skil­yrði, sem stofn­un­in set­ur.

„Fyrri um­ferð for­seta­kosn­ing­anna í Úkraínu var í háum gæðaflokki og fram­kvæmd­in var mun betri en fyrri kosn­inga. Voru flest­öll skil­yrði ÖSE og Evr­ópuráðsins um lýðræðis­leg­ar kosn­ing­ar uppfyllt" segir í tilkynningu frá ÖSE og Evrópuráðinu.

Þessi frétt úr Morgunblaðinu frá 19. janúar 2010 sem lýsir kjöri Viktors Janúkóvítsj sýnir svo ekki verður um villst að forsetanum sem var steypt af stóli 2014 af handbendum Bandaríkjanna og ESB var sannarlega réttkjörinn"

Því má líka bæta við fyrir fróðleiksfúsa, að til er upptaka af Victoríu Nuland, vara-utanríkisráðherra Bandaríkjana halda því fram að stjórnvöld hennar hafi greitt fimm billjónir dollara í "uppreisnina" eða réttara sagt, að mínu mati, valdaránið 2014.

Þetta er ástæða þess að ég lít á núverandi stjórn í Úkraínu sem leppstjórn og þ.a.l. samlíkingin við Kvistling .

[Óskar Helgi Helgason (IP-tala skráð) 29.12.2022 kl. 12:15]

Sæll Jónatan; sem og aðrir gestir, þínir !

Þann 24. Febrúar s.l.; lokaði jeg á hlustun á Rússneskri tónlist / hvað þá á lestri Rússneskra bókmennta, hafandi verið aðdándi Rússneskrar menningar, um áratuga skeið.

Jeg var einn fjölmaregra; sem hugðum V.V. Putín hafa annan mann að geyma, en á daginn hefur komið - viðlíka óþverri að innræti, og Ivan IIII. Vassilyvich reyndist vera, á 16. öldinni, t.d.

Og þú Jónatan; dirfist á líta á Úkraínu, sem hverja aðra hjálendu Rússa, sem þeir geti ráðskazt með, að geðþótta.

Auðvitað má segja; að það hafi verið mistök Úkraínumanna, að hafa ekki fyrir löngu:: vísað Rússum frá Luhansk og Donetsk, sem og frá Krím - líkt og Moldóva, að hafa ekki ennþá vísað Rússum frá Transnistríu hjerðaði, yfir til Rússlands, sýnir jú ákveðinn veikleika Úkraínumanna og Moldóva, beggja.

Úr því sem komið er; er ekkert um annað að ræða, en að svæla Rússneska hryllinginn út úr Úkraínu jafnframt því, að langfrændur mínir Mongólar, ásamt Kazökhum - Georgíumönnum og fleirrum, sem eiga landamæri að Rússneska hryllingsveldinu þurfa að vera rækilega á varðbergi á komandi árum gagnvart illfyglinu í Moskvu, og nótum hans.

Ágæt ofanígjöf Harðar Þormar einnig; þjer til handa, Jónatan minn, sem og öðrum þeim, sem sjá ekki Sólina fyrir Rússnesku illgirninni og óþverrahættinum.

Með áramóta kveðjum; samt:: af Suðurlandi /