Norðmenn slá öll met.

Það verður að segjast um Norðmenn, að þó þeir séu bæði óþolandi nískir og leiðinlegir í alla staði, þá verður árangur þeirra bæði í íþróttum og í framúrskarandi lífsgæðum borgaranna ekki frá þeim tekinn. Norsku handboltastúlkurnar eru augljóslega fremstar allra og að auki má nefna heimsmeistarann í skák og heimsins efnilegasta fótboltadreng, svo ekki sé minnst á skíðaíþróttirnar þar sem þeir blómstra öllum öðrum framar. Er það ekki alveg augljóst, að það sem ber á milli okkar og þeirra er eitthvað í þjóðarsálinni, því Norðmenn standa svo staðfastir saman um "Det Norske broderskab" og deila öllum gæðum landsins jafnt, á meðan Íslendingar sem telja um þessar mundir rúman tug ættarhöfðingja sem vita ekki aura sinna tal, ásamt hirðmönnum og erindrekum þeirra, andspænis u.þ.b. 95 prósentum þjóðarinnar, sem hreinlega og sannarlega lepur dauðann úr skel. Þetta hlutfall milli ríkra og fátækra hér á Íslandi er reyndar óhuggulega líkt hlutfalli auðugrar stjórnar Dalai Lama og kúgaðra íbúa Tíbet fyrir byltinguna 1959. Meðfylgjandi mynd er frá 1958 og sýnir líklega helstu ástæðu þess að Tíbet náði aldrei að "brillera" í einu né neinu.

Þórir Evrópumeistari með Noreg