Hverjum hóta sjúkraliðar?

Alveg jafn öruggt og amen í kirkjunni, þá olnboga nú þeir hagsmunahópar, sem helst geta tekið börn eða sjúka í gíslingu sig framar í goggunarröðinni, strax að víðtækum kjarasamningum loknum, þar sem orð á borð við hófsemi og stöðugleiki voru höfð að leiðarljósi, líkt og einhverjir muna enn.

Eina spurningin sem er enn ósvarað er því hvenær aðrir lykilhópar t.d. meinatæknar og hjúkrunarfræðingar vekji athygli á að "samanburðar stéttir" þeirra séu nú orðnar í betri málum og þess vegna geti stjórnvöld og reyndar þjóðin öll haft það á samviskunni að sjúkir og veikburða líði og þjáist fyrir skilningsleysi á réttlátri launa "leiðréttingu" til handa þeim.

Hér virðast stjórnvöld og atvinnurekendur því miður aðeins láta undan "blóðugum" hótunum þrýstihópa, en að öðru leyti láta almenning lepja dauðann úr skel, en komast upp með að greiða í þess stað rausnarlega örfáum erindrekum og vildarvinum hjá verkalýðshreifingu og lífeyrissjóðum og flytja bara síðan inn ótakmarkað, þögult og þægt vinnuafl frá Asíu og Austur-Evrópu, eins og þurfa þykir.

Sjúkraliðar boða verkfall