Mótmælið og segið upp áskriftinni.

Stöð 2 missti grímuna fyrir framan alþjóð og afhjúpaði innrætið og ófrýnilegt smetti illra afla, sem vinna af alefli gegn sjálfstæði og hag íslensku þjóðarinnar. Ólafur Ragnar Grímsson stóð fastur fyrir og kom í veg fyrir að áform þeirra og handbenda þeirra á hinu "háa" Alþingi um að láta almenning á Íslandi axla Icesave skuldbindingarnar, sem hefðu sannarlega keyrt þjóðina í gjaldþrot með tilheyrandi missi allra okkar auðlinda í hendur óréttmætra kröfuhafa. Nú virðast þessir hagsmuna aðilar hafa tekið höndum saman um að beita öllum brögðum eins og mátti sjá í gær, til að sverta og hæða ímynd Forsetans. Ég hvet sanna Íslendinga til að berjast gegn þessum illu áformum með því að byrja á að segja upp áskriftinni að þessari sjónvarpsstöð erlendra vogunarsjóða og mynda skjaldborg um Forsetann og síðar við hinar fyrstu alþingiskosningar sjá til þess að níðingarnir 33 og síðar þau 44 sem af illum ásetning, völdu að selja íslenskan almenning í hendur erlendra kröfuhafa, verði sparkað burt og í þeirra stað kosið heiðarlegt þjóðþing, sem sjái til þess að föðurlandssvikararnir verði dregnir fyrir dómstóla og þeim veitt makleg málagjöld.

Hvað mun Stöð 2 gera?

Athugasemdir

[Baldur (IP-tala skráð) 4.6.2012 kl. 22:43]

Í alvöru? útaf einhverjum klúðurlegum þætti hjá stöð 2, sem notabene hefði aldrei orðið eins hefðu frambjóðendurnir ekki tekið fílukastið sitt og gengið út. Getur allavega gleymt því að ég sé að fara að segja upp dagskrá af stöð 2 útaf einhverjum mistökum í opinni dagskrá. Ég mun halda stöð 2 og ekki fara að væla eins og þú vilt að við gerum.

Þetta var meira klúður fyrir frambjóðendurnar, þeir hafa verið kvartandi yfir því að þeir væru ekki að fá næga athygli, svo þegar þeir fa athyglina, þá nei.... við kjósum frekar að ganga út í fílukasti í stað þess að ávarpa land og þjóð um hvað framboðið sitt er um. Þetta fólk má vel halda sé í sínum fáu prósentum fyrst að það vill það.

Eru þessir 3 frambjóðendur ekki að eyða samanlagt mörg hundruð þúsundum í framboðin sín.

Gríðarlega gáfulegt að ganga út þegar fæstir áhorfenda vita hvað framboð þeirra gengur út á(kaldhæðni).

[Jónatan Karlsson, 5.6.2012 kl. 09:22]

Sæll Baldur

Ég mæli með að þú haldir áfram að njóta auðmeltrar skemmtidagskrár Stöðvar 2 og sért ekkert að velta vöngum yfir geðvonskunni í mér, né heldur stefnu og eigendum þessar ágætu stöðvar. Það er eflaust alveg hárrétt hjá þér og aðeins til þess fallið að gera mann þunglyndann og koma manni í vont skap.