Duga fimm prósent fyrir Bessastöðum?

Enn bætist frambærilegur frambjóðandi við í hóp þeirra einstaklinga sem náð hafa 35 ára aldri og óska eftir að verða næsti Forseti Íslands.

Með núverandi fyrirkomulagi nær sá frambjóðandi kjöri sem flest atkvæði hlýtur eftir að gild atkvæði hafa verið talin að kosningu lokinni.

Það hlýtur að vera á færi flestra að reikna út þann fræðilega möguleika að ef tala frambjóðenda er hærri en tuttugu, þá gæti sigurvegarinn staðið uppi með einungis rúmlega fimm prósenta þjóðarfylgi sér að baki.

Auðvelt er að ímynda sér að ýmsir hlutfallslega fámennir sérhagsmuna hópar kjósi sinn frambjóðanda burtséð frá hagsmunum annara landsmanna og því hlýtur að blasa við, að kjósa verður í a.m.k. í tveimur umferðum til að tryggja að næsti Forseti Lýðveldisins njóti sannarlega fylgis meirihluta þjóðarinnar.

Liggur þetta ekki í augum uppi?

Halla Tómasdóttir ætlar í forsetaframboð

Breytinga er þörf.

Líklega er kjarnorkan skynsamlegasta lausnin við gífurlega orkunotkun milljóna þjóða en auðvitað með hjálp vatns, sólar og jafnvel vinds þar sem því verður viðkomið.

Hér á landi mala vatnsafls- og jarðvarma-virkjanir hreinlega gull fyrir eigendur sína, sem vonandi verðum við þjóðin til frambúðar, en hluti af ímynd landsins ætti að vera áfram ásýnd friðar og náttúrufegurðar, sem býður auðvitað ekki upp á sjónmengandi vindmyllur, né óþörf kjarnorkuver.

Annað er það í orkusóun okkar, að í stað þess að reisa fullkomnar sorpbrennslur t.d. í Vestmannaeyjum og á Vestfjörðum, þá er farið í dýrar og mengandi framkvæmdir við að flytja þúsundir gáma lestuðum með úrgangi og rusli héðan kyrfilega greint og pakkað á kostnað íslenskra heimila í hitaveitu og rafmagns framleiðslu þakklátra Dana og Svía sem kunna einfaldlega að notfæra sér einfeldni eða veiklyndi ónefndra ráðamanna okkar.

Að lokum verður Ísland að snúa aftur að hlutleysisstefnu þeirri sem Lýðveldið var byggt á og hverfa frá þeirri ógæfureið eða helför sem landið er nú á, undir stjórn núverandi vanhæfra og spilltra yfirvalda og væri það því ágæt byrjun að velja nýjan heilan Forseta á Bessastaði í sumar og moka í kjölfarið út úr Stjórnarráðinu.

„Við þurfum að vakna“

Tillaga um breytingu á fyrirkomulagi komandi Forsetakosninga.

Þann 26. apríl rennur framboðsfrestur út og 2. maí mun landskjörstjórn auglýsa hver eru í framboði til forseta.

Kosið verður til embættis forseta Íslands 1. júní 2024.

Opnað hefur verið fyrir rafræna söfnun meðmæla fyrir forsetaframboð á Ísland.is og eru nú í dag laugardaginn 9. mars, sautján frambjóðendur þegar skráðir til leiks og byrjaðir að safna meðmælendum og verða hver um sig að ná a.m.k. 1500 nöfnum úr öllum landsfjórðungum rafrænt eða skilmerkilega undirrituðum á hefðbundin máta fyrir tilskildan tíma.

Ef að líkum lætur mun fjöldi frambjóðenda verða margfalt meiri en áður hefur þekkst og því blasir við sá möguleiki að tilvonandi Forseti Íslands nái kjöri með aðeins 5 - 10% kjörfylgi að baki og hlýtur það að kallast óásættanlegt.

Tilvonandi kosninga fyrirkomulagi verður hreinlega að breyta, eða hagræða á þann veg að sá frambjóðandi sem sigrar hafi fylgi meirihluta kosningabærra Íslendinga sér að baki.

Svipað kosninga fyrirkomulag þekkist víða og hefur auðvitað í för með sér aukna fyrirhöfn og kostnað, en með nýrri tækni í takti við nýja tíma er auðveldlega hægt að halda fyrri 1 - 2 hluta kosningana rafrænar, en kjósa loks á hefðbundinn máta á milli þeirra tveggja frambjóðenda sem eftir standa á sjálfan kjördaginn 1. júní, svo allur þorri landsmanna megi vel við una.

Salvör Nordal íhugar framboð

Maðkur í mysunni.

Auðvitað verður að endurtaka Eurovision kosninguna á einfaldan máta, t.d. með rafrænum skilríkjum, því það fer ekki á milli mála að átt var við úrslit kvöldsins - eins og mikill fjöldi kvartana ber augljóslega með sér.

Það er allt á sama veginn hvað að þessu rándýra handónýta Ríkisútvarpi snýr, en auðvitað mun alvarlegri sú áskorun Ísraelsmanna í aðdraganda úrslitana að kjósa ekki Palestínu manninn áfram!!

Krefjast þess að símakosning verði endurtekin

Ég fordæmi...

Ég fordæmi öll viðbrögð og atferli íslenskra stjórnvalda varðandi fordæmalaust þjóðarmorð yfirvalda í Ísrael á varnarlausu fólkinu á Gaza og reyndar öllu þeirra viðbjóðslega landráni.

Þeir Íslendingar sem standa í fylkingarbrjósti þeirra sem þykjast tala máli íslensks almennings í glæpsamlegu aðgerðaleysi og hreinlega beinum stuðningi við aftökusveitir gyðinga og leiðtoga þeirra í Bandaríkjunum eru auðvitað þau Katrín Jakobsdóttir Forsætisráðherra, Bjarni Benediktsson Utanríkisráðherra og Þórdís Kolbrún Reykfjörð Gylfadóttir Fjármálaráðherra.

Þetta þríeyki verður örugglega dregið til ábyrgðar fyrir aðkomu sína, þó síðar verði og hvort heldur það verður á dómsdegi þeirra sjálfra, eða jafnvel áður af einhverjum aðstandendum allra dánu barnanna hvers líf má segja að þau hafi óbeinlínis á samviskunni.

Leyfislaus söfnun fyrir Palestínu

Karl Jónatansson - aldarminning.

Í dag fyrir réttum hundrað árum, þann 24. febrúar 1924 fæddist á köldum vetrardegi faðir minn, á bænum Blikalóni á Melrakkasléttu og var hann frumburður foreldra sinna.

Mig langar að minnast föður míns, Karls Jónatanssonar harmonikuleikara og sannkallaðs tónlistarfrömuðar, en alla ævi spilaði hann og kenndi, auk þess að semja og útsetja líkt og hundruðir nemenda og samferðafólks minnist hans fyrir.

Harmonikan var hans aðal hljóðfæri og eru það helst á því sviði sem hans er minnst, þegar lög hans hljóma víðsvegar, en pabbi kom samt víðar við í tónlistinni. Hann elskaði gömlu stórsveita sveifluna og hafði spilað bæði á trompet og saxafón þegar hann rak hljómsveit sína um land allt á því blómaskeiði sem stóð yfir á stríðsárunum og u.þ.b. tíu árum betur, eða uns nýir tímar runnu upp með komu rokks og pops sem gerði, að á skömmum tíma söðlaði pabbi um og sneri sér aðalega að harmonikunni og kennslu á hana, þó hann daðraði ætíð við mörg önnur tónlistarform, bæði harmonikusveitir og hefðbundnar stórsveitir auk þess að vera auðvitað nánast frá barnsaldri og fram á gamals aldur hljóðfæraleikari og það að auki eitt og sér í fullu starfi.

Fyrir utan ótrúlega fjölbreytta ferilskrá pabba, þá minnist ég hans í dag öllu öðru fremur fyrir að hafa verið ljúfasti og besti faðirinn í vályndum heimi, sem ætíð var til staðar og átti tíma fyrir umhyggju, ást og kærleik handa litlu fjölskyldunni sinni.

Ekki beinlínis eins og amen í kirkjunni.

Þetta loforð Netanjahú fellur í frjóan jarðveg þeirra sem álíta að gyðingdómur sé af hinu góða.
Þá villuráfandi sauði vil ég einungis hvetja til að kynna sér t.d. sjónarmið Hallgríms Péturssonar og sjálfs kirkjuleiðtogans, Martíns Lúthers um hið sanna innræti þeirra, sem að mínu mati raungerist nú fyrir augum heimsins á meðferð þeirra á Palestínumönnum.

Lofar „öruggri flóttaleið“ frá Rafah

Brúin Alda.

Þessi tenging milli Kársness og Skerjafjarðar gæti átt rétt á sér ef hún væri hefðbundin tveggja akgreina, auk göngu og hjólreiða aðstöðu, en í núverandi mynd er einungis nafnið ágætt.

Annar þyrnir í miðbæjar mynd höfuðborgarinnar er sá sem mögulega mætti bæta úr, en hann er sá að taka fáránlega lárétta stuðlabergs klæðninguna utan á Landsbanka - Utanríkis ráðuneytis byggingunni og klæða upp á nýtt og það þá með lóðréttu stuðlabergi - en það er auðvitað einungis mitt álit.

Að öðru leyti má fljóta með að allt umferðar skipulag og hreinsun og viðhald á höfuðborgar svæðinu er til hreinnar skammar og allur Borgarlínu draumurinn bull og vitleysa frá upphafi til enda og að lokum alveg óskiljanlegt að ekki sé löngu hafist handa við gerð Sundabrautarinnar.

Ríkisendurskoðandi skoðar Öldu

Sannleikurinn mun gera yður frjálsa.

Það er sannarlega ágætt að fréttamenn ísraelska dagblaðsins Haaretz hafi komist að sannleiksgildi frásagna svokallaðs viðbragðshóps af hræðilegum aðförum Hamas sem m.a. hefur fallið í frjóan jarðveg hinna svokölluðu vina Ísraels, sem einmitt hafa notað grófustu lýsingarnar sem helstu afsökun fyrir slátrun þúsunda saklausra íbúa Gaza útrýmingabúðana.

Það væri líklega góð hugmynd fyrir íslensk stjórnvöld að kynna sér vel þessar nýju fréttir blaðamanna Haaretz um upplognar lýsingar og frásagnir ZAKA, því nýverið hafa komið fram rökstuddar ásakanir í garð stjórnvalda nokkra dyggustu stuðningsríkja Ísraels þess efnis að ráðamenn þeirra verði ákærðir og dregnir til ábyrgðar fyrir beinan og óbeinan stuðning sinn við yfirstandandi ódæðið í Palestínu sem kallað er nú þegar: Glæpur aldarinnar.

Það er vonandi að þau skötuhjúin Bjarni og Katrín taki að hugsa sinn gang alvarlega áður en þau refsa næst grimmilega eða þá verðlauna höfðinglega og það einungis fyrir orð óvandaðra vina.

Skáldaði upp fjölda hryllingssagna af innrás Hamas

Ömurleg hefðbundin tvöfeldni Íslendinga.

Það er töluvert fjallað um næstu Eurovision keppni í Malmö þessa dagana og hvort rétt sé að fulltrúar okkar Íslendinga syngi, dansi og gleðjist með fulltrúum Ísraels í keppninni líkt og allt sé í himna lagi, eða hvort við einfaldlega neitum að taka þátt vegna blóðugrar framgöngu Ísraels gagnvart kúguðum íbúum hernumdar Palestínu.

Annað les maður líka um þessar mundir, en nú án nokkura athugasemda, en það fjallar um bæklað íslenskt karlalandslið í knattspyrnu sem ráðgert er að keppa eigi við fulltrúa þessa sama ríkis og það þykir víst bara fínt og flott, þrátt fyrir að nær öruggt megi teljast að allir leikmenn ísraelska liðsins gegni, eða hafi gegnt herþjónustu og gætu því sannarlega haft ýmislegt miður fallegt á samviskunni á þess að það virðist spilla að nokkru leiti áhuga og leikgleði okkar, hreinlyndra Íslendinga.

„Gasa á þessari stundu er óbyggilegt“