Er hún flagð undir fögru skinni? - (Málsháttur í tilefni dagsins)

Ég álít að Katrín Jakobsdóttir hljóti stuðning klíku þeirrar sem bíður átekta eftir samvinnuþýðum forseta sem ekki er líklegur til að vísa óafturkræfum nýtingarrétt þjóðarauðlinda rakleiðis í þjóðaratkvæðisgreiðslu.

Ég álít sömuleiðis að hún eigi vísan stuðning þeirra u.þ.b. 20% þjóðarinnar sem aðhyllast að láta meirihluta Alþingis og samþykkt Forseta Lýðveldisins duga til fullgildingar umsóknar um ESB aðild.

Katrín á það reyndar líka sameiginlegt með Þóru Arnórsdóttur, að hún er falleg og menntuð, auk þess að vera bæði eiginkona, móðir og feministi, svo ekki sé nú minnst á framúrskarandi persónutöfra hennar.

En Katrín Jakobsdóttir hleypur ekki frá því að hafa verið kosin til valda á sviknum forsendum, því hún og flokksmenn hennar gengu glaðbeittir þvert á helstu kosninga loforð sín og þar á eftir bætti hún gráu ofan á svart og kaus ítrekað með því að láta landsmenn sína axla ófærar ICESAVE klyfjarnar með nátúruauðlindirnar að veði og hver væri staða þjóðarbúsins nú, ef vilji hennar og félaga hefði þar náð fram að ganga?

Ekki að undirbúa forsetaframboð

Dregur Dagur í land?

Það virðast vera umtalsverðar breytingar í loftinu á stórbrotnum byggingaráformum við Hringbraut, eins og eftirfarandi ummæli borgarstjórans bera með sér:

"Fyr­ir hrun var gert ráð fyr­ir að rífa allt og byggja nýtt frá grunni. Þessi áform voru tek­in til rót­tækr­ar end­ur­skoðunar eft­ir hrun og í nú­ver­andi áform­um sem eru mun hófstillt­ari og raun­hæf­ari er gert ráð fyr­ir að nýta um 56.000 fer­metra í nú­ver­andi bygg­ing­um áfram. Það er sirka ein eða ein og hálf Smáralind eða hvað?"

Ég hvet Dag og félaga til að líta til (næstu) framtíðar og velja hentugari staðsetningu fyrir hátæknisjúkrahúsið og í þess stað að byrja að leggja raunhæf drög að því að breyta Landspítalanum við Hringbraut í "hátækni" hjúkrunarheimili fyrir ellismelli höfuðborgarinnar sem verða æ stærri hluti borgarbúa með ári hverju a.m.k. næstu þrjátíu árin.

Staðsetningin við Hringbraut, er líka í hæfilegu göngufæri við miðbæinn, tjörnina og hljómskálagarðinn sem er líka alveg tilvalið fyrir fótfúna (h)eldriborgara á rómantískum labbitúrum ævikvöldsins.

Hagkvæmast að byggja við Hringbraut

Hinn þögli meirihluti?

Sjónarmið Jóns Þórs og félaga eiga vissulega fullan rétt á sér, en þó veldur það mér vonbrigðum að þessir "róttæklingar" geri sér ekki grein fyrir því, að einmitt með hlutleysinu einu saman, styðja þau meirihlutann.

Greiðir bara upplýst atkvæði

Vafasamar skoðanakannanir?

Fyrirtækið "þjóðarpúls" Gallup sem gerir þessa skoðanakönnun er líklega skylt Capasent Gallup, eða hreinlega sama súpan.

Það er undarlegt að þetta fyrirtæki skuli bara halda áfram að að bjóða fram þjónustu sína eftir hrunið eins og ekkert sé, þrátt fyrir að hafa ítrekað orðið uppvíst að hafa birt niðurstöður úr greinilega fyrirfram pöntuðum skoðanakönnunum sem síðar reyndust fjarri raunveruleikanum.

Þetta fyrirtæki á reyndar margt sameiginlegt með hinum endurskoðunar fyrirtækjunum með öll virðulegu erlendu nöfnin sem t.a.m. ábyrgðust og kvittuðu fyrir heilindum og styrk íslensku bankanna, en hlutu ekki bágt fyrir þegar svikamyllan hrundi - öðru nær.

Ég nefni sem dæmi um trúverðugleika skoðunarkannana þeirra verðmatið á SPRON áður en það var sett á opin markað og auðvitað ímyndað og skáldað "jarðskriðufylgi" helsta mótframbjóðenda og augljóss erindreka íslensks aðals, auðs og kvótagreifa, sem dubbuð hafði verið upp til höfuðs vinsæls og heiðarlegs forseta, líkt og margir muna enn.

Niðurstaðan er því: "Takið varlega mark á skoðanakönnunum"

Efndir fylgi orðum

Athyglisverð hugmynd

Þessi tillaga Sigmundar Davíðs er síður en svo fráleit.

Það hlýtur að vera eina vitið að byrja á að finna rökrétta staðsetningu fyrir nýjan Landspítala, áður en haldið er áfram.

Staðsetningin við Hringbraut er augljóslega fáránleg og þau rökin fyrir að nauðsynlegt sé að halda áfram með byggingaráformin á þeim stað, enn fáránlegri, þ.e.a.s. að vegna þess að tíma og peningum hafi verið eytt í þá grút hallærislegu hugmynd (afsakið orðbragðið) þá verði þar af leiðandi að halda áfram með vitleysuna.

Bregst við gagnrýninni

Brjóstabyltingin 2015

Auðvitað eru íslenskar stúlkur jafn ólíkar og þær eru margar, eins og við á um ólík viðhorf þeirra til frelsunar geirvörtunar.

Líkt og ætíð, þá eru sumar þeirra siðvandar dömur á meðan aðrar eru lausgirtar og vergjarnar og allt þar á milli, eins og það hefur verið frá örófi alda, nákvæmlega eins og allstaðar í henni veröld.

Eitt er þó jákvætt við þessa nýju bylgju, en það er að búast má við aukinni aðsókn unglingspilta og útlendinga á sundstaði landsins auk þess að íþróttin "súludans" verður líklega að nýju hafin til vegs og virðingar á til þess gerðum stöðum.

Á þessum "súlustöðum" sem líkja mætti við einskonar meðferðarstofnanir, gæti velsköpuðum feministum þá gefist tækifæri til að iðka íþróttir og í senn viðra baráttumál sín fyrir hópi þeirra afturhaldssömu karla, sem þar myndu líklega safnast saman og reyna þannig að leiða þá villuráfandi hjörð í hinn eina "sannleika"

„Stelpur komu út, bara berbrjósta“

Óvinir Reykjavíkur

Þessi borgarstjórn sem vinnur að því baki brotnu að loka Reykjavíkurflugvelli virðist svo ótrúlegt sem það hljómar, hreinlega vinna gegn öllum hugsanlegum hagsmunum borgarbúa.

Ég nefni t.d. skipulagsmál, líkt og fyrirhuguð einföldun Grensásvegar og fyrirhuguð staðsetning háskólasjúkrahúss, auk vítaverðs skeytingaleysis á viðhaldi gatna og reyndar öllum eignum borgarinnar svo ekki sé minnst á líklega einkavinavæðingu ferðaþjónustu fatlaðra og svo framvegis og framvegis.

Lenti í Reykjavík vegna hálku

Spurningarmerki

Er það ekki bara ein líkleg skýring á þessu hörmulega flugslysi að aðstoðarflugmaðurinn hafi bilast og ákveðið að fremja sjálfsmorð og taka allt þetta saklausa fólk með sér í dauðann?

Gæti flugstjórinn ekki alveg eins hafa verið sá vitskerti?

Gætu ekki einhverjir farþegar eða áhafnarmeðlimir hafa sætt færis og troðist inn í stórnklefann þegar dyr voru opnaðar og og náð að yfirbuga flugmennina og síðan einfaldlega læst að sér?

Var ekki tekið fram í fyrstu fréttum að samskipti flugmanns og flugstjóra hefðu hljómað afslöppuð og eðlileg og því ennfremur ástæða til að bíða með að úrskurða um sekt flugmannsins?

Það eina sem virðist nokkuð öruggt er að ekki var um tæknilega bilun að ræða.

Dreymdi um að fljúga

?

Þessi frétt undirstrikar rækilega, að hér var ekki allt með feldu.
Allar þessar mínútur á leiðinni niður til móts við fjallshlíðina þarfnast skýringar.

?Þessi frétt undirstrikar rækilega, að hér var ekki allt með feldu.
Allar þessar mínútur á leiðinni niður til móts við fjallshlíðina þarfnast skýringar.

Hvað gerðist í flugstjórnarklefanum?

Aðeins í skorti á betra.

Vinsældir Pirata í nýafstaðinni skoðanakönnun hefur ekkert með frammistöðu þingmanna þeirra á Alþingi að gera, því hún hefur verið litlaus og grá, líkt og enn frekar má segja um verk borgarfulltrúa þeirra í höfuðborginni.

Úrslit þessarar skoðunarkönnunar lýsa því aðeins vonleysi og óánægju landsmanna um þá kosti sem í boði eru.

Þess er skemmst að minnast þegar vinsælasti gamanleikari þjóðarinnar stofnaði grínframboð í Reykjavík og vann í framhaldinu auðvitað stórsigur.

Spilling og hagsmunagæsla ríkjandi stjórnmálaafla á Íslandi er nú komin á það stig að t.a.m. óheilyndi fjármálaráðherra og hagsmunagæsla vina hans og vandamanna eru rædd opinskátt og mætti leiða rök að því að líta mætti á það ástand sem undanfara byltingar.

Hvort Íslendingar eru upp til hópa óttaslegnir "Jeppar á Fjalli" eða kúgaður lýður sem loks rís upp þegar mælirinn er fullur, mun tíminn leiða í ljós, en það er alveg víst að nýtt stjórnmálaafl þarf til og eru lykilorðin í því samhengi "ferskt blóð og réttlæti"

„Ákall um lýðræðisumbætur“