Varúð – Hætta framundan.

Þegar að kemur vangaveltum um ástæður illskiljanlegra ákvarðana valdamanna, sem líkt og nú virðast blátt áfram ganga gegn heilbrigðri skynsemi, þá verður tortryggnum körlum á borð við mig hugsað til staðhæfingar fyrrverandi vara-utanríkisráðherra Bandaríkjanna, sem náðist á hljóðupptöku segja við forseta eins Baltnesku ríkjanna, að Bandaríkjamenn hefðu styrkt uppreisnina, eða valdaránið í Úkraínu um fimm billjón dollara, eða sem svarar u.þ.b. 600 milljörðum ísl.króna.

Geta það þá talist óraunhæfir órar að láta sér koma til hugar að ESB væri reiðubúið að greiða óvönduðum áhrifamönnum hér á landi þó ekki væri nema tíunda hlutann af Úkraínu kostnaði Bandaríkjamanna fyrir veittan stuðning við að ná fullkomnu valdi yfir allri raforku framleiðslu Íslands?

Almenningur á Íslandi ætti að minnast nýgengins dóms EES, þar sem banni við innflutning á hráu kjöti frá Evrópu var hnekkt, að viðbættum háum sektargreiðslum – þrátt fyrir öll fögur fyrirheit og undanþágur.

Innleidd að fullu en gildistöku frestað

Aumingja Þorsteinn.

Já, það hlýtur að vera óþolandi að eiga það á hættu að vera kallaður föðurlandssvikari um aldur og ævi í öllum heimildum um ókomna framtíð – svona helst afkomendanna vegna.

„Algjörlega óþolandi“

Velfarnaðar óskir til Gunnars Braga og fjölskyldu.

Slys og hörmungar gera ekki boð á undan sér og ber öllum að virða áfall aðstandenda, hvað sem verkum og skoðunum þeirra líður og óska ég Gunnari Braga og fjölskyldu hans velfarnaðar.

Ég viðurkenni að ég var einn þeirra sem í fyrstu kættust við lestur fréttar um skyndilegt brotthvarf Gunnars Braga úr Miðflokknum, sem ég áleit ranglega að væri af öðrum toga spunnið, en það er þó engin launung að ég álít að staða hans í framvarðsveit flokksins sé mörgum á móti skapi.

Hvað óheflað og óheppilegt orðalag hans af Klausturbarnum snertir, þá eru það smámunir einir borið saman við ráðabrugg nokkra annara þingmanna og allra þeirra sem þykjast svo hreinir og beinir og skiptir því auðvitað engu máli.

Síðuhafi er einn þeirra sem ómögulega hefur geðslag til að kjósa Miðflokkinn með fyrrverandi utanríkisráðherrann í fremstu víglínu, eftir aðkomu hans og eftirmála að hinni svokölluðu byltingu í Úkraínu, sem nú stendur berleggjuð og afhjúpuð frammi fyrir heimsbygðinni.

Leyfi vegna alvarlegs slyss

Er viðhald og rekstur Landeyjarhafnar nokkuð annað en bilun?

Í tilkynningu frá Vegagerðinni segir að ómögulegt sé að segja til um hvenær höfnin opnist fyrir Herjólf.

Dýpkað er í Land­eyja­höfn all­an sól­ar­hring­inn þessa dag­ana. Björg­un er þar með dælu­skipið Dísu, dýpk­un­arpramm­ann Reyni sem er bú­inn stórri gröfu og efn­is­flutn­inga­skipið Pét­ur mikla.

Þrátt fyrir þetta allt og auðvitað allar aðvaranir, þá er haldið áfram, eins og enginn sé morgundagurinn.

Landeyjahöfn ekki opin enn

Gleymið því aldrei að Bjarni og Katrín....

Nú í aðdraganda samþykktar þriðja orkupakka EES, sem vissulega er aðeins enn eitt skref í átt að fullveldis sölu Íslands, er við hæfi að minnast þess að bæði Katrín Jakobsdóttir forsætisráðherra og Bjarni Benediktsson fjármálaráðherra voru í hópi þeirra þingmanna sem greiddu atkvæði með því að íslensku þjóðinni bæri að axla ólögvarðar og alls ókleifar Icesave byrðarnar - með auðlindir okkar að veði.

Aðeins vegna staðfestu frábærs forseta, föðurlandsvinarins Ólafs Ragnars Grímssonar tókst þjóðinni að afstýra atlögunni.

Spurt og svarað um þriðja orkupakkann

Í Ísrael eru mótmælendur skotnir eins og hundar.

Íslensk lögregla sást stugga við mótmælenda við Alþingishúsið auk þess sem fámennur hópur lögreglumanna beitti piparúða í varnarskyni og urðu þær stympingar til þess að nokkrir þingmenn og auðvitað önnur rómuð góðmenni þjóðarinnar fengu áfallahjálp og kröfðust venju samkvæmt hefnda og helst afsagna.

Það er einkennandi fyrir ráðamenn og reyndar yfirstéttina alla og hirð hennar hvað hún er ofur viðkvæm og heilög í orði, en í borði er slær hún flestum þróunarríkjum við í spillingu og grimmd, eins og þessi frétt frá aðförum vinaþjóðar okkar ber með sér, en þangað skulum við skunda með tónlist og gleði og helst í góðum hópi ráðherra, forseta og annara fyrirmenna.

Þá skal nú sungið og dansað og glaðst yfir velsæld og bjartri framtíð í kjölfar samþykktar áfangasigurs orkusölupakkans þriðja, eins og óhætt er að kalla hann - svo eitthvað sé nú nefnt.

Vonandi láta þó veislugestir Eurovision ekki nokkur blóðug lík eyðileggja gott partý.

Tveir unglingar látnir í átökum á Gaza

Ragnar hafði ekki sjálfur lesið ummæli Bergþórs og telur sig ekki þurfa þess.

Þetta svokallaða Klaustursmál rifjar upp fyrir mér 11. september 2001, þegar fljótlega í beinni heimsútsendingu CNN birtust grunsamlega fljótlega myndskot frá Gaza eða Vesturbakkanum, þar sem sjá mátti hóp af fagnandi og hlæjandi börnum með fjölmarga glansandi litla pappírs fána Palestínu - líklega til að sýna okkur og restinni af heimsbyggðinni illt innræti þeirra.

Er ekki réttast að Bára og félagar viðurkenni einfaldlega að hafa skipulagt að ná upptöku af fylliríi nokkra þingmanna, sem þekktir eru fyrir óheflað orðalag og fórnarlömbin viðurkenni innrætið og að hafa verið teknir í bólinu?

„Sjá það sem þeir vilja sjá“

Landráð eða drottinsvik?

Nú er ríkisstjórn Katrínar Jakobsdóttur búin að samþykkja að leggja fyrir Alþingi þriðja orkupakka Evrópusambandsins, þrátt fyrir að hafa ekki ítrekað getað svarað því skýrt og skilmerkilega hver hagur Íslands væri af þeim samningi.

Heiðursmaðurinn og föðurlandsvinurinn, Haraldur Ólafsson formaður Heimssýnar og Frjáls lands sagði það blátt áfram í viðtali á Útvarpi Sögu nú nýverið, að miðað við þau óljósu svör, út og suður sem fengist hafa frá ráðherrunum Bjarna, Gunnlaugi og Þórdísi um kosti þess að samþykkja þennan samning, þá mætti nánast álíta að þau hafi einhverja persónulega hagsmuni af málinu.

Það sem veðurfræðingurinn er að ýja að liggur auðvitað í augum uppi og er engin ný fræði, því að í þessu tilfelli eru þessir ráðherrar og mögulega Forseti Lýðveldisins að fórna öllum frekari stjórnmála frama á Íslandssögunni og mannorðinu að auki fyrir ónefndan ávinning, sem á mannamáli kallast mútur og þær stórfelldar.

Of seint í rassgatið gripið.

Það mátti vera öllum ljóst að þessar svívirðilegu launahækkanir Kjararáðs myndu hleypa öllu í bál og brand þegar til almennra kjarasamninga kæmi.

Auðvitað mætti líta á ógildingu dómsins, en þá auðvitað með því skilyrði að sú ógilding næði til 29. okt. 2016 og allar ofgreiðslur eftir þann tíma yrðu endurgreiddar að fullu.

Þetta mun gráðug yfirstétt varla samþykkja og því hafna þessari tillögu.
Það er nefnilega ekki bæði hægt að geyma brauðið og éta það, svo skaðinn er líklega skeður

Ályktun um kjararáð vísað í nefnd

Virðing og traust er áunnin - ekki skipuð eða keypt.

Það er ekkert annað en kátbroslegt að hlusta á allt þetta fjaðrafok vegna þessarar skipunar í Landsdóm hér í okkar gjörspillta banana lýðveldi, eins og það skipti einhverju stórmáli.

Það væri kannski skynsamlegara að byrja á því að reyna að gefa Hæstarétti og öðrum dómstólum færi á að endurheimta eða skapa virðingu um störf sín, en sú breyting mun skiljanlega taka einhver ár og nýtt og breytt verklag.

Ágætis byrjun á að endurheimta traust og virðingu landsmanna, væri til dæmis að gera fullkomlega upp Guðmundar og Geirfinns hneykslið og greiða sakborningum ÖLLUM sanngjarnar miskabætur og auðmjúkar afsakanir og í annan stað að refsa öllum þeim stranglega, sem sannarlega eiðilögðu líf og mannorð sakborninganna með augljósum afglöpum eða ásetningi og auðvitað svipta þá öllum áunnum bitlingum.

Sveinn Andri, Sigmundur og Rósa á Þingvöllum