Bandaríkin - The Evil Empire.

Það ætti að vera öllum þokkalega hugsandi einstaklingum ljóst að hið eina sanna "Evil Empire" eru Bandaríki Norður-Ameríku og ekkert annað sem kemst í hálfkvisti við það hér á jörðu síðustu áratugina.

Síðasta dæmið um innræti heimsveldisins og undirlægju meðreiðasveina þess er þetta framsal Julians Assange úr strangasta fangelsi Bretlands til böðlana sem bíða hans spenntir, til að refsa honum fyrir það eitt að opinbera stríðsglæpi þessara óþokka.

Auðvitað þekkja nú allir og viðurkenna upplognar ástæður innrásarinnar í Írak og miskunarlaus illvirki þeirra út um allar jarðir, sem of langt væri að telja upp af þessu "litla" tilefni, en sumir minnast þess kannski enn, að þegar annar saklaus einstaklingur sat í fangelsi og beið framsals fyrir þær sakir einar að hafa teflt við andstæðing sem þóknaðist ekki bandarískum yfirvöldum.

Þá kom til sögunar íslenskur stjórnmálamaður sem sló í borðið og hafði stuðning sinna manna og okkar allra til að sýna þann manndóm, að veita Fischer íslenskt ríkisfang og krefjast lausnar hans.

En nú er hún Snorrabúð stekkur og enginn af hinum íslenska aðli og góða fólkinu öllu saman virðist veita þessu dómsmorði sem verið er að fremja fyrir opnum tjöldum neina athygli og svo ekki sé minnst á blessaðan forsetann, sem hlýddi fyrirmælum yfirboðara sinna og kúrði heima um árið, þegar Íslendingar börðust í fyrsta og einasta skiptið á heimsmeistaramóti í knattspyrnu.
Skammist ykkar.

Heimilt að framselja Assange til Bandaríkjanna

Einkavinavæðing Íslands.

Nú skal til skarar látið skríða, hugsaði ég þegar hin nýja ríkisstjórn var kynnt í s.l. viku og ég sá að Guðlaugur Þór Þórðarson var settur yfir orkumál þjóðarinnar og síðan hreinlega þyrmdi yfir mig þegar ég las um ráðningu Hreinns Loftssonar sem aðstoðarmanns Jóns Gunnarssonar innanríkisráðherra.

Það hafa lengi verið uppi áform um að einkavinavæða Landsvirkjun eins og flestir ættu að geta ímyndað sér, ekki síst þegar okkar (Lýðveldisins Íslands) stutta saga er skoðuð, eins og sala síldarverksmiðjanna, áburðar-og sementsverksmiðjunar, Símans og auðvitað bankanna, svo ekki sé minnst á alla hina gjafa-gjörningana á borð við Samvinnutryggingar, bótasjóð Sjóvár o.fl o.fl. bera vott um.

Á síðasta kjörtímabili samþykkti þessi sama ríkisstjórn hinn svokallaða þriðja orkupakka, án nokkurs rökstuðnings annars en ómerkilegs loforðs um að ekki stæði til að tengjast raforkukerfi Evrópu og efuðust líklega flestir sem t.a.m. þeir sem þekkja eitthvað til ferils og innrætis fyrrnefnds ráðherra og nýja "aðstoðarmannsins" eða muna þessar eða aðrar tilfærslur almennings- eða ríkiseigna í einkaeign útvaldra, - að til stæði nokkurn tíma að standa við þau fögru fyrirheit.

Líklega verður fjórði orkupakkinn samþykktur vandkvæðalaust og jafn rakalaust og síðan hafist handa um að einkavæða Landsvirkjun, ásamt Orkuveitu Reykjavíkur (til að afstýra skipulögðu gjaldþroti höfuðborgarinnar) og það ferli allt skreytt með tímabundinni aðkomu lífeyrissjóðanna í skugga fáránlegra vindmylla.

Náðarhöggið nálgast.

Hreinn fer frá Áslaugu til Jóns

Annað hvort löglegt eða ekki?

Hvað þetta hlægilega margra vikna mál varðar, þá eru aðeins tvær lausnir og þær eru að þar sem kosningin er ólögleg, að þá verði kosið á ný (auðvitað héðan í frá með eftirliti ÖSE) eða þá að fyrri talningin standi, því hún fór fram áður en færið gafst til að hrófla við kjörseðlunum.

Það er nú annars fokið í flest skjól hér í spillingunni, þegar ekki er lengur hægt að treysta niðurstöðum þingkosninga.

Undirbúningsnefnd hefur lokið störfum

Undarlega hægfara varðskip.

Þetta nýja varðskip okkar er reglulega fallegt a.m.k. þegar málningin er í lagi, en við lestur upptalninga kvenkosta hennar, þá kemur í ljós að ganghraði hennar er aðeins 12 hnútar, sem þýðir að flestir togarar og bátar geta einfaldlega skilið hana eftir ef þeim lystir svo.

Að gamni mínu fletti ég upp ganghraða þunglestaðs Helgafellsins í þessari andrá í brælu á leiðinni til Færeyja frá Danmörku og er það á 16,9 hnúta hraða.

Ég þekki ekki hraða Þórs, en hefðbundin herskip og sömuleiðis flugmóðuskip eru oftast gerð fyrir hraða um og yfir 30 hnútum og þykja hægfara ef þau ná aðeins 24 hnútum.
Spurningin hlýtur því að vera hvort Freyja sé ekki öllu heldur stór dráttarbátur en varðskip?

Freyja er varðskip flestra kosta

"Neikvætt" umhugsunarefni

Það vakti athygli mína þegar fjallað var í útvarpsfréttum um hörmungarástand það sem blasir við í Afghanistan eftir að við (NATO) yfirgáfum landið eftir tuttugu ára hernám, að þulurinn taldi upp ýmsa sjúkdóma og plágur sem væru yfirvofandi, en minntist ekki einu orði á COVID pláguna sem enn-og aftur geysar hjá okkur þræl-bólusettum á Vesturlöndum en virðist sneyða hjá Afríku og öllum þeim þjóðum sem almenningur hefur ekki verið tví-eða þrí bólusettur líkt og hjá okkur.

Hvernig stendur annars á því að fjölmiðlar okkar eru ekki fullir af hryllingsmyndum- og frásögnum af þúsundum eða milljónum deyjandi COVID fórnarlamba í þessum fátæku og fjölmennu löndum?

Svari nú hver fyrir sig, en illar grunsemdir hafa tekið að hreiðra um sig hjá mér.

Svandís veitir undanþágu í leikhúsum um helgina

Katrín ráðstafar eftirlaunasparnaði Íslendinga að þeim forspurðum.

Katrín ráðstafar eftirlaunasparnaði Íslendinga að þeim forspurðum, í þágu eigin áhugamála í fjarveru Alþingis.

Lífeyrissjóðir Íslendinga, sem landsmenn greiða í um 15% af launatekjum sínum, hafa lengi verið misnotaðir og misfarið með fjárfestingar þeirra, en ekki hefur áður tekist að ræna þá svo gróflega, eins og nú hefur verið tilkynnt um af forsætisráðherra okkar á erlendri grundu og það í fjarveru þings, sem hvílir óstarfhæft vikum saman og upplýsir kjósendur ekki um hvort s.l. kosningar hafi verið löglegar, eður ei.

Það hefur komið fram að Geir Haarde reyndi að fá því framgengt að lífeyrissjóðirnir yrðu nýttir til að greiða ICESAVE, en var þá blessunarlega stöðvaður af alþingi, því sama og nú hvílir meðvitundarlaust í þessu "heppilega" limbói.

Undarlegast af öllu eru þó að því virðist ótrúlegt áhugaleysi fjölmiðla á þessum gjörningi, eins og sjá má EKKI við lestur Mbl, en eftirfarandi upplýsingar gúglaði ég og fann í Vísi frá 4.nóv:

Þrettán íslenskir lífeyrissjóðir ætla að fjárfesta fyrir rúmlega 4,5 milljarða Bandaríkjadala í verkefnum sem tengjast hreinni orkuframleiðslu og skyldum verkefnum fram til ársins 2030. Það svarar til ríflega 580 milljarða íslenskra króna.Með yfirlýsingunni staðfesta sjóðirnir þrettán vilja sinn til að stórauka grænar fjárfestingar sínar. Þeir styðja þannig við markmið um að draga úr losun gróðurhúsalofttegunda í takt við markmið Parísarsáttmálans frá 2015 um kolefnishlutleysi fyrir árið 2050. Lífeyrissjóður verzlunarmanna er einn af þessum sjóðum og þátttaka hans er liður í aukinni áherslu sjóðsins á sjálfbærar fjárfestingar.

Eftir að komast að niðurstöðu um matskennd atriði

Burt með Birgi.

Augljóst er að um samantekin ráð Birgis Þórarinssonar og Sjálfstæðisflokks er hér að ræða.

Þetta er útaf fyrir sig snjöll flétta, en hér er of langt gengið.

Það ætti auðvitað að breyta lögum á þann hátt að ef kjörnir þingmenn velja að yfirgefa flokk sinn, þá komi varamaður í stað þeirra og liðhlaupinn hverfi hreinlega af Alþingi.

Kæra borist kjörbréfanefnd vegna Birgis

Aðeins þrír kostir í boði.

Greinilegt er nú að endurskoða þarf alla framkvæmd kosninga hér á Íslandi á þann veg að kjósendur geti verið fullvissir um að atkvæði þeirra skili sér óbreytt og óbjöguð í löglega og örugga talningu.

Hvað varðar "talninguna" í Borgarnesi, þá virðist mér einungis um þrjá möguleika að ræða:

1) Einfaldast væri líklega að láta fyrstu talningu og úrslit standa, því þar virtist allt hafa farið löglega fram. Allt klúðrið eða í versta falli mögulegt svindlið átti sér fyrst stað eftir að byrjað var að föndra ólöglega við þá talningu, sem síðan gaf breytt úrslit.

2) Endurtaka kosningu í N-V kjördæmi.

3) Endurtaka kosningarnar með fullu öryggi og auðvitað með alþjóðlegu kosningaeftirliti.

Ógilding gæti snert 16 þingmenn

Stelpuspark

Það hlýtur nú að fara að renna upp fyrir landsmönnum og ekki síður konum að knattspyrna kvenna á ekki vinsældum að fagna og það hvorki meðal karla né kvenna, eins og jafnvel þrjóskustu fylgistmenn þeirra hljóta að viðurkenna.

Ég las þessa frétt um dræma sölu aðgöngumiða í gær og nú í dag fæ ég boðsmiða frá Vodafone, svo að ég fæ ekki orða bundist.

Auðvitað er gaman að sjá liprar stelpur keppa í þessum hefðbundnu keppnis íþróttum karla, en að fella niður fréttatíma sjónvarps til að sýna stelpurnar reyna að ná stigum gegn erlendu liði er nokkuð langt gengið.

Ef þetta snýst um jafnrétti, þá ættu konur sjálfar að sýna stuðning og kaupa miða fullu verði, líkt og við strákarnir gerum þegar okkar menn berjast og ekki ætlast til þess að við sjáum um líka um það.

Miðarnir á kvennalandsleikinn hreyfast hægt

Tímabært að fjarlægja skjaldarmerki Kristjáns níunda af Alþingishúsinu.

Í tilefni þess og aðallega vegna níðskrifa íslensks óþokka, þá hefur látlaus minningarskjöldurinn um rithöfundinn Guðmund Kamban sem skotinn var eins og hundur í stríðslok af meðlimum dönsku mótspyrnuhreyfingarinnar án frekari eftirmála, verið fjarlægður af húsvegg fyrrum heimilis hans í Kaupmannahöfn.

Enn og aftur gefur danski krónprinsinn okkur fingurinn og mætir einn þáttakenda á loftlagsráðstefnu til Íslands á einkaþotu og væri það eitt sannarlega ástæða til að mölva nafnspjald árhundraða niðurlægingar af Alþingishúsinu, þó stærra tilefni sé einungis lítil látúnsplata á Austurbrú, sem ekki fékk að standa í friði, heldur var látin víkja sakir illmælgi, rógs og óvandaðrar heimildavinnu, sem þó með þeirri táknrænu aðgerð hefur saurgað nafn og mannorð rithöfundarins Guðmundar Kamban til frambúðar.

Minningarskjöldur um Kamban á leið til Íslands