Hvað eru alvöru stríðsglæpir?

Sky TG24 segir það líklegt að líkin í Bucha séu myrtir stuðningsmenn Rússa.

Það er Sky TG24, önnur fréttastöð Ítalíu og systurrás Sky News, sem gerði frétt á vettvangi í Úkraínu um „stuðningsmenn Rússlands“ í landinu. Það er að segja: úkraínska ​​ríkisborgara. Málefni Úkraínumanna, sem eru hliðhollir Rússum, komu upp á yfirborðið í tengslum við fjöldamorðin í Bucha í mars en Rússum var kennt um morðin. Rússar sögðu aftur á móti aftökurnar vera verk nasista Úkraínuhers.

Sky ræddi við Viktor Lytovchenko, sem var einn þeirra sem varði borgina:
„Já, það voru úkraínskir stuðningsmenn Rússa í Bucha og þeir voru öðruvísi. Við eltum þá uppi, stöðvuðum og létum þá í vörslu lögreglunnar. Mörgum tókst að sleppa og margir eru enn í felum.“

Fréttastöðin útskýrir áfram:
„Umfram það sem Viktor getur sagt okkur, sem er augljóslega ekki allt, þá er líklegt að sumir eða til og með margir þeirra óbreyttu borgara, sem voru drepnir í Bucha hafi verið hliðhollir Rússum. Þegar öllu er á botninn hvolft er um svikara að ræða samkvæmt sjónarhorni Úkraínu og örlög þeirra í stríðinu alveg innsigluð.“

„Alvöru stríðsglæpur“ að hindra kornútflutning

Suðurlandið sekkur á jólanótt 1986

Í tilefni fréttar varðandi takmörkun útkallssvæðis björgunarþyrlu í 20 sjómílur frá landi vegna flugöryggis, þá get ég ekki á mér setið og læt hér fylgja tvær úrklippur fjölmiðla frá eftirminnilegu björgunarafreki, þar sem þyrla var í aðalhlutverki.

1) Á jólanótt árið 1986 sökk íslenska flutningaskipið M/S Suðurland um 300 sjómílur austan af Langanesi, miðja vegu milli Íslands og Noregs. Skiptið var á leið til Murmansk í Rússlandi, fyllt saltsíld og voru ellefu skipverjar um borð. Áhöfnin var uppáklædd og í hátíðarskapi í tilefni jólahátíðarinnar. Það gerist síðan rétt fyrir klukkan hálftólf á aðfangadagskvöld að skipið sendi frá sér neyðartilkynningu og reyndist það hafa fengið á sig alvarlega slagsíðu og orðið fyrir miklu höggi.

2) "Báturinn var í slæmu standi. Við urðum því að standa uppréttir í bátnum, sem er ekki það auðveldasta við þessar kringumstæður, stórsjór og ágjöf. En þeir sem settust stóðu ekki upp aftur," var haft eftir Jóni Snæbjörnssyni, fyrsta stýrimanni, í forsíðufrétt í Morgunblaðinu sunnudaginn 28. desember 1986. "Þetta var vissulega hrikaleg staða en við trúðum því alltaf að björgun myndi berast., Við vorum alltaf að tala saman," segir Jón og rifjar upp að reglulega hafi farið fram nafnakall í hópnum og sagði hann samstöðuna hafa haft mikið að segja. "Það var mikill léttir þegar þyrlan kom. Ég var hífður síðastur um borð en þá var ég alveg búinn að vera," sagði Jón, en danska varðskipið Vædderen hafði verið í Færeyjum þegar neyðarkallið barst. Áhöfn björgunarþyrlu Vædderen þótti standa sig hetjulega við björgunina og voru þeir Arne Frøge, Jørgen Laursen, Jan Rasmussen og Claus Eriksen ásamt Preben Andersen, skipherra á Vædderen, sæmdir orðu hins íslenska lýðveldis fyrir þrekvirki sín við björgun skipbrotsmannanna.

Því má bæta við að Vædderen setti þegar á fulla ferð út í óveðrið til móts við skipbrotsmennina og hóf þyrla skipsins, (sem væntanlega var minni og ófullkomnari en þær sem landhelgisgæslan ræður nú yfir) sig á loft, strax og flugmenn álitu það mögulegt og stóð það reyndar svo tæpt, að loks þegar þyrlan sneri aftur með hina eftirlifandi, þá var einngis eldsneyti eftir til örfárra mínúntna flugs.

Útkallssvæði þyrlna takmarkað vegna flugöryggis

Um einsleita umræðu.

Sendiherra Íslands í Rússlandi segir eftirfarandi:

"Umræðan í Rússlandi er allt ann­ars eðlis held­ur en á Vest­ur­lönd­um og er býsna eins­leit. Fjölmiðlar í land­inu eru hliðholl­ir stjórn­völd­um og gagn­rýn­ar radd­ir eru sjald­gæf­ar og fá lítið rými"

Þessi orð sendiherrans gætu gefið til kynna að umræðan á Vesturlöndum einkenndist af hlutlausum og heiðarlegum fréttaflutningi fjölmiðla, en því miður er það öðru nær.

Fyrir tveimur dögum var fyrirsögn fréttar hér í mbl.is á þá leið að u.þ.b. eitt hundrað úkranískir hermenn féllu í bardögum við Rússa dag hvern, en svona til samanburðar við þá tölu mætti t.d. nefna að frá áramótum hafa 19.300 manns og það mest börn og ungmenni látist í Bandaríkjunum, einungis af völdum skotvopna, sem þýðir 108 dag hvern og er þó hlutfall þeirra sem deyja af völdum skotsára einungis u.þ.b. tuttugu prósent.

Ég held að óhætt sé að segja að áróður og heilaþvottur fjölmiðla hér sé ívið verri og rýmið fyrir gagnrýni enn minna - ef eitthvað er.

Umræðan einsleit og hart tekið á mótmælum

Sorgardagur fyrir Reykjavík.

Allt verður ógæfu Reykjavíkur að vopni, mætti segja um þau kosningasvik leiðtoga Framsóknarflokksins í höfuðborginni, þar sem hann gengur í brosandi til liðs við þau sömu öfl sem hann hlaut atkvæði og traust þúsunda borgarbúa til að koma frá völdum.

Það blasir við að allt sem kallað hefur verið hægri eða vinstri í stjórnmálum á ekki lengur við, heldur eru það aðrir hagsmunir sem ráða þar ríkjum.

Það er of langt mál að telja upp öll dæmin um þá feigðarför sem höfuðborg þjóðarinnar er á, en ekki kæmi það á óvart ef það auðnaðist þeim slægu öflum á komandi kjörtímabili að stýra hér hreinlega öllu í kalda kol, og það því miður í orðsins fyllstu merkingu.

Nýr meirihluti í borgarstjórn kynntur í dag