Skýrir ýmislegt

Það er sannarlega ekki ónýtt fyrir þjóðaröryggisráð Bandaríkjanna að eiga hreinlega afnot af sendiráðunaut í Sendiráði Íslands í Washington og skýrir t.a.m. fumlaus og leiftursnögg viðbrögð Gunnars Braga Sveinssonar gagnvart tíðum og lævísum óknyttum óþokkans Pútíns.

Ekki skemmir það nú heldur að sjálfur sendiherrann er nú ekki beinlínis vammlaus og liggur nú einmitt þessa dagana undir ámæli fyrir að neita að upplýsa íslensku þjóðina um hver fyrirmæli hans varðandi þjófnaðin á öllum gjaldeyrisforða Íslands voru.

Illar tungur (fjölmiðlar) segja að hann liggi sem liðinn undir rúmi sínu og neiti öllu áreyti á borð við viðtöl og nærgöngular spurningar.

Það væri nógu gaman að vita hvort sendiráðunauturinn geti ekki beitt beinu sambandi sínu við valdamesta mann á jörðinni til að upplýsa glæpinn.

Obama strangur en spaugsamur

Athugasemdir

[Anna Sigríður Guðmundsdóttir, 28.2.2015 kl. 22:26]

Valdamesti maðurinn á jörðinni?

Er það ekki Páfinn?

Hvert hefur verið, og er enn þann dag í dag, hlutverk ósnertanlegu Páfanna í Vatíkaninu?

Hvers vegna sleppa Páfarnir valdamestu?

M.b.kv.

[Jónatan Karlsson, 1.3.2015 kl. 09:29]

Forseti Bandaríkjanna hefur verið kallaður valdamesi maður jarðarinnar, þó við blasi að Hussein karlinn er einungis viljalaus strengjabrúða í höndum ágjarnra heimsvaldasinna.