Fjölmiðlar og skoðanakannanir

Nú á síðustu dögum ber það helst til tíðinda hér á Íslandi, að línur skýrast nokkuð. Í fyrsta lagi má nefna hrópandi vanhæfi helstu fjölmiðla okkar. Þar er nú oftar áberandi þær fréttir sem eru sniðgengnar en þær sem hentar eigendum að birta. Aldrei þessu vannt, þá eru þessir stærstu, þ.e.a.s. Mbl, Rúv og Fréttablaðið sammála um að blása til allrar mögulegrar andstöðu við framboð Ólafs Ragnars þó að Samfylkingin, Vg og Sjálfstæðisflokkurinn séu að gæta hver sinna hagsmuna. Þessar klíkur eru þó sammála um að styðjast við úrslit skoðanakannana Capasent Gallup við að fegra kjörgengi sinna kandítata, hvort heldur sem þeir eru erindrekar höfðinglegrar þróunaraðstoðar okkar í fjarlægum löndum eða fölnandi fjölmiðla dísir. Þetta sama fyrirtæki sem annast þessa umfangsmiklu skoðana könnun hefur áður reynst bæði ráðherra og nokkrum þingmönnum ábatasamt, þegar það sá um að meta SPRON á yfir 60 milljarða áður en það var sett á markað en var þá í raun aðeins rúmlega 15 milljarða virði. Þarna græddu innmúraðir og innvígðir milljarða og innsiglaði fyrrverandi ríkissaksóknari gjörninginn þegar hann felldi niður allar frekari rannsóknir á glæpnum og sagði síðan upp störfum. Capasent Gallup starfar ótrautt áfram af fullum krafti, líkt og "þjófapakkið" sem seldi hlutabréfin áður en sannleikurinn varð sauðsvörtum almúganum ljós. Það eru líka áberandi þeir bloggarar sem skríða uppúr holum sínum og skíta ÓRG og hans ágætu frú út, en oftast dæma þeir aðeins eigið innræti og uppeldi og standa eftir berleggjaðir sem vonsviknir- og/eða Icesave og Evrópusambands aðdáendur.