Nýjar upplýsingar um hvarf Geirfinns Einarssonar á Útvarpi Sögu.

Það bar til tíðinda í dag, að Arnþrúður Karlsdóttir útvarpsstjóri og fyrrverandi rannsóknar lögreglu kona, fjallaði um G & G málin í tilefni endurupptöku þeirra mála og var Haukur Guðmundsson rannsóknar lögreglumaður úr Keflavík viðmælandi hennar.

Haukur var einmitt sá er fyrst kom að rannsókn hvarfs Geirfinns Einarssonar, en því er skemmst frá að segja að Arnþrúður gekk ákveðið að honum varðandi hver fyrstu viðbrögð rannsókar aðila á þessu mannshvarfi voru og kom þar t.d. fram, að nóttina sem Geirfinnur hvarf, þá voru a.m.k. tveir gestir á heimili hans, þ.e.a.s. vinnuveitandi hans og ungur maður, sem flutti reyndar í skyndi af landi brott skömmu síðar, þar sem hann gengur víst enn undir nýju nafni.

Haukur virtist algjörlega sammála Arnþrúði um að ungmennin sem voru dæmd í þessum ljóta spuna hefðu líklega hvergi komið nálægt þessu máli, en nöfn karla á borð við Hallvarð Einvarðsson og Valtý Sigurðsson báru líka á góma í þessu vægast sagt áhugaverða viðtali, sem ég hvet alla til að reyna að hlusta á í endurflutningi á þessari ágætu útvarpsstöð, áður en vinum góða og réttsýna fólksins á RÚV og 365 tekst að keyra þessa líklega vinsælustu útvarpsstöð landsins í þrot.

Bjóst við annarri niðurstöðu

Spilling og illur ásetningur íslenskra yfirvalda.

Það er grátbroslegt að lesa úrskurð Endurupptökunefndar þess efnis að engin skilyrði væru fyrir endur upptöku á máli Erlu Bolladóttur.

Íslenska þjóðin hefur horft upp á þennan skrípaleik yfirvalda, sem kallaður hefur verið Guðmundar og Geirfinns mál síðast liðinn fjörtíu árin.

Efni þessa harmleiks snýst að mestu um baráttu spilltra hagsmuna afla fyrir að telja þjóðinni trú um að nokkur utangátta ungmenni hefðu myrt og dysjað tvo unga menn sem hurfu árið 1974.

Þessi ungmenni sem bókstaflega voru svift lífinu af óútskírðum hvötum duldra hagsmuna og að því virðist með einbeittum stuðningi lögreglu og handbenda þeirra hjá fjölmiðlum, en nú virðast þau loksins eiga einhverja von um uppreisn æru, þó enn sé reynt að telja fólki trú um að Erla og Sævar hafi einungis af illum ásetningi skáldað söguna um aðkomu Klúbbs- manna að málinu.

Þetta ljóta mál lyktar langar leiðir og reyndar út fyrir landamæri Íslands, en persónulega þykir mér þó ætíð mestan fnykinn leggja af nöfnum Valtýs Sigurðssonar, Arnar Höskuldssonar og Umba Roy!

Ekki skilyrði til endurupptöku

Er Jón Gunnarsson samgönguráðherra maður eða mús?

Það styttist í að Jón Gunnarsson verði að sýna hvað í honum býr, því áður en hann varð ráðherra, þá virtist hann bæði hugaður og réttsýnn, en nú breggður svo við að hann hvílir aðeins muldrandi um veggjöld undir pilsfaldi augljósrar fjármála spillingar, á meðan verktakar smíða glaðir og ótrauðir við Reykjavíkurflugvöll, auk þess að þaggað er niður í einu óháðu og örugglega vinsælustu útvarpsstöð landsin af hans eigin undirmönnum.

Ráðherra opni neyðarbrautina á ný

Barist við að halda andlitum.

Það blasir við að sjómenn stóðu fast á kröfum sínum um sjálfsögð réttindi sín og þau Þorgerður og Benedikt því orðið að gefa eftir í óréttlátri mismunun sinni, þó svo sé látið að útgerðin hafi fallist á að greiða fullan fæðis kostnað sjómanna, því auðvitað verður þeim aukna kostnaði aðeins bætt við annan frádráttarbæran kostnað útgerðarmanna.

Kornið sem varð líklega til þess að þessu tilhæfulausa verkfalli var aflýst, voru að öllum líkindum orð Páls Magnússonar þingmanns Sjálfstæðismanna í Kastljósi sjónvarpsins í fyrradag, þar sem hann greiddi ráðherrum þvílíkt kjaftshögg að stjórnin öll riðaði til falls.

Það blasir við hverju mannsbarni hér á landi að forréttindi og mismunun þrífst hér í þvílíkum mæli að brátt hlýtur þolinmæði borgaranna að þrjóta.

Einhverjir vita eflaust að á árum áður tíðkaðist að greiða embættismönnum og erindrekum á borð við fyrr nefnda ráðherra svo kallaða dagpeninga, sem ætlaðir voru til að greiða fyrir fæði og húsnæði á ferðalögum sínum, en það fyrirkomulag hefur þróast aðfinnslu laust á þann veg að nú greiðir atvinnuveitandinn eða ríkisvaldið allan útlagðan kostnað, en dagpeningarnir hafna í þess stað skattfrjálsir líkt og hverjar aðrar bónusgreiðslur í vasa embættismannsins.

„Eitt stórt takk og húrra“

Er Sjóvá búið að bæta þjófnaðinn?

Eins og einhverjir muna enn, þá rændi tryggingafélagið Sjóvá bótasjóð viðskiptavina sinna eins og hann lagði sig, fyrir tæpum tíu árum síðan.

Þáverandi ríkisstjórn vinstri manna ákvað að láta þjakaðan almenning bæta þýfið og er nú álitið að endanlegt tap ríkisins hafi numið u.þ.b. 4000 milljónum króna, sem lítill áhugi virðist nú vera á að endurgreiða.

Þessi ósvífni þjófnaður er ágætt dæmi um þá spillingu og einkavinavæðingu sem tíðkaðist þá og virðist enn dafna vel, eins og fréttin um þessar arðgreiðslur minnir óneitanlega á.

Það mætti sömuleiðis líka minna á hlut núverandi forsætisráðherra í hinni svokölluðu fléttu, sem þótti lítilvægur, en dugði þó líklega til að bjarga Engeyingum úr hengingar ólinni og gott betur, því harla ólíklegt verður að teljast að þeir frændur Bjarni og Benedikt væru nú ríkustu og voldugustu menn þjóðarinnar, ef þeir og fjölskyldur þeirra hefðu t.a.m. hafnað slyppir og snauðir eftir Sjóvár Vafninginn með hverju öðru almúga pakki í Breiðholti.

Sjóvá greiðir 2,6 milljarða í arð

Þreytandi tugga.

Það er auðvitað aðeins ein leið til að mæla kynbundinn mun á launum og það er auðvitað að bera saman laun karla og kvenna í sömu störfum.

Hvert mannsbarn hlýtur að sjá að allt þetta þrugl um að hálaunaðir læknar séu frekar karlar og konur starfi við láglaunastörf á borð við hreingerningar er auðvitað út í hött.

Alltaf mælanlegur kynbundinn munur

Leiðinlegt að Morgunblaðið sé aðeins augljós slefberi.

Donald Trump er rétt kjörinn fertugasti og fimmti forseti Bandaríkjanna, sama hvað Demokrata – Samfylkingar pakki ESB og sameinuðum Súní aröbum líður og Pútín er sannarlega elskaður og virtur heima fyrir eins og jafnvel yngsta fréttaspíra moggans ætti í það minnsta að vita.

Íslenskir ráðamenn og málgögn þeirra ættu að horfast í augu við þá staðreynd, að það væri viturlegra að sýna stórveldinum og leiðtogum þeirra á báða bóga tilhlýðilega virðingu og kurteisi.

70% samdráttur hjá Ivönku

Ábyrgðin er siðblindra stjórnmálamanna.

Þorgerður Katrín ásakar sjómenn kinnroðalaust um að valda þjóðarbúinu milljarða tapi daglega með verkfalls aðgerðum sínum og þvær sjálf hendur sínar, líkt og forsætisráðherra.

Þessir siðblindu ráðamenn skilja nefnilega ekki að einmitt með eigin framkomu og fordæmi, þá eru þeir að ganga fram af öllu vinnandi fólki í landinu og eru aðgerðir sjómanna aðeins upphafið.

Síðustu launahækkanir valdastéttarinnar voru líklega kornið sem fyllti mælirinn.

„Þeirra er ábyrgðin“

Burt með þessa vanhæfu ríkisstjórn – STRAX

Öll verk og enn fremur verkleysi þessarar stjórnar fjármuna aðalsins sýna það svart á hvítu að merg sogin alþýða lýðveldisins verða að rísa upp gegn þessum afætum.

Til að byrja með, þá eru helstu atvinnuvegir þjóðarinnar í óvissu, því verkföll og óánægja ríður þar skiljanlega húsum. Sjómenn eru skikkaðir til að taka þátt í kaupum og endurnýjun flotans án þess að hljóta nokkurn eignarhlut og ekki þykir viðeigandi að láta þá njóta neinna skattfríðinda eða annara hlunninda sökum mismununar, þrátt fyrir að allir fínni pappírar á borð við forstjóra, alþingismenn og aðra embættismenn af öllum toga njóti ríkulegra dagpeninga og styrkja í bak og fyrir.

Þessi ríkisstjórn sem þykist samanstanda af heiðarlegum öðlingum, lætur í veðri vaka að hún vilji einungis láta leynivini sína hjá útgerðarmönnum og baldna sjómenn komast óáreytta að réttlátum samningum, þrátt fyrir að útgerðinni sé veittur nánast gjaldfrjáls aðgangur að auðlindinni og líklega aðeins tímaspurning um hvenær gefið verður grænt ljós á þægar erlendar áhafnir á fiskiskipaflotann, líkt og tíðkast til launa aðhalds í flestum öðrum láglauna greinum.

Þessi stjórn og reyndar samkundan öll inni við Austurvöll lætur sér síðan vel lynda að þiggja sjálf auðmjúklega 45 prósenta launahækkanir umyrðalaust, en stefna síðan enn og aftur að gera tímafrekt stórmál og það helst með þjóðar atkvæðisgreiðslu um hvort aflétta eigi einkasölu ríkisins á áfengi.

Afstaða og orðræði þingmanna og ráðherra í garð þjóðkjörins forseta Bandaríkjanna eru þar fyrir utan kapítuli fyrir sig og með ólíkindum og ótrúlegt hvernig þessir fulltrúar okkar láta teyma sig á asnaeyrunum og er það hvað alvarlegast þegar kemur að ummælum sjálfs Utanríkisráðherra Íslands

„Æi, elsku Brynjar minn“