Ætla Íslendingar að taka þátt í blóðbaðinu í Jerúsalem?

Ógeðfeld vígsluhátíð Bandaríska sendiráðsins í Jerúsalem og 70 ára afmæli stofnunar Ísraelsríkis fara saman nú í dag og verða einhverjir tugir innfæddra af því tilefni myrtir og önnur hundruð limlest og bækluð.

Það kemur fram á erlendum fjölmiðlum að u.þ.b. 50 lönd ætla að mótmæla þessum viðbjóði og sniðganga gleðina og má þar t.a.m. nefna Ástralíu, Írland, Svíþjóð og Rússland.

Hvergi kemur fram að Íslendingar ætli með fjarveru sinni að lýsa áliti sínu á þessum aftökum þungvopnaðs hernámsliðs á óvopnuðum mótmælendum, sem lýst hefur verið sem jafnvel ómannúðlegara en herstjórn þjóðverja í gettó Varsjár.

Ég vil að lokum vitna í lánuð lokaorð Semu Erlu af nýlegu bloggi Björns Bjarnasonar sem lýsa þessum hörmungum réttilega og eiga vel við núverandi ástand:

„Með sigri Ísraels í Eurovision hefur Evrópa enn og aftur lagt blessun sína yfir fjöldamorð, landrán, hernám, pyntingar og ómannúðlega og ógeðfellda meðferð ísraelska hersins og ísraelskra stjórnvalda á saklausum palestínskum börnum, konum og mönnum. Þetta er ógeðslegt. Ógeðslegt.“

„Stór dagur fyrir Ísrael“

Athugasemdir

[Jón Valur Jensson, 14.5.2018 kl. 15:17]

Um hvaða "blóðbað í Jerúsalem" þykistu vera að tala, Jónatan? Þar ríkir friður undir sjórn Ísraels; hins vegar hafa Hamas-hryðjuverkasamtökin (sem stjórna Gaza-svæðinu og ólátunum sem þar standa yfir nú) og nokkur önnur samtök (einkum al-Fatah) sýnt Jerúsalem sér í lagi þann áhuga að fremja þar ótrúlegan fjölda hryðjuverka, sjá hér: https://en.wikipedia.org/wiki/Category:Terrorist_incidents_in_Jerusalem

--- og er það fróðlegur lestur fyrir illa upplýsta!

[Jónatan Karlsson, 15.5.2018 kl. 04:20]

Jón Valur.

Mér liggur við að álíta að þú sért eitthvað galinn, að halda því blákalt fram að friður og spekt ríki í Jerúsalem, þó innfæddum Palestínumönnum auðnist ekki að nálgast sjálft hátíðasvæðið vegna þess að þeir eru einfaldlega skotnir eins og hundar við fangabúðagirðingarnar, eins og kemur ljóslega fram í þessari frétt mbl.is frá því í gær.

Ég veit af öðrum vettvangi að þér þykir mannslífið mikils virði og ég vil ekki fremur en þú ala önn fyrir óviðkomandi hælisleitendum hér á Íslandi, en þó ég sé ekki eins staðfastur í trúnni og þú, þá get ég bara ómögulega horft á ójafnan leikinn og fagnað með þínum líkum.

Frétt mbl.is 14.05.2018

Að minnsta kosti 37 Palestínu­menn hafa fallið á Gaza í morg­un. Fjölda­mót­mæli eru við landa­mærag­irðing­arn­ar að Ísra­el og hafa ísra­elsk­ar leyniskytt­ur skotið á mót­mæl­end­ur með þess­um af­leiðing­um. Töl­urn­ar um mann­fallið eru fengn­ar frá heil­brigðisráðuneyt­inu á Gaza. Um er að ræða mesta mann­fall á ein­um degi í stríðinu á milli Ísra­els­manna og Palestínu­manna frá ár­inu 2014. 

Meðal þeirra sem fallið hafa í morg­un er fjór­tán ára dreng­ur sem ísra­elsk­ir her­menn skutu til bana er átök brut­ust út á fimm stöðum við landa­mærag­irðing­arn­ar. Mót­mæl­end­ur köstuðu m.a. grjóti að girðing­un­um.

Tugþúsund­ir taka þátt í mót­mæl­un­um sem m.a. eru hald­in í til­efni þess að í dag færa Banda­ríkja­menn sendi­ráð sitt í Ísra­el til Jerúsalem frá Tel Aviv.

Heil­brigðisráðuneytið á Gaza tel­ur að um 900 Palestínu­menn hafi særst og sam­band frétta­manna í Palestínu segja að átta frétta­menn séu í hópi særðra.