Flest mál eiga tvær hliðar.

Jákvæða hliðin á þessum samstarfssamningi Vegagerðarinnar og Samtaka sveitarfélaga á höfuðborgarsvæðinu er auðvitað að hér skapast fáein frábær vellaunuð störf fyrir útvalda og sérstaka vini og vandamenn.

Þessi nefnd og starfsmenn hennar verða auðvitað á komandi árum að ferðast mikið og kynna sér það nýjasta í samgöngukerfum stórborga heimsins, því "heimskt er heimaalið barn" eins og allir vita.

Neikvæða hliðin á þessum samstarfssamningi er auðvitað sú, að þessar vangaveltur um lestir á höfuðborgarsvæðinu, svo ekki sé minnst á lestartengingu við Suðurnes eru að mínu mati og líklega flestra í besta falli bull og þvæla.

Fyrri tilraunir í þessum efnum, staðreyndir um mannfjölda og notkunar almennings farartækja, auk auðvitað heilbrigðar skynsemi, setja þetta "lúxus"verkefni í flokk með öðrum bautasteinum þessarar "borgarstjórnar" sem ég vildi þó fremur nefna "spillta bjána" - ef ég mætti.

Léttlestir og hraðvagnar á dagskrá