Rútubílstjóranum ber að útskýra hvarfið.

Það hlýtur að vera hluti af starfi af starfi ökumanns farþegarútu að líta yfir farþega- og farangursrými að loknum akstri, einmitt til að fyrirbyggja öll slys og mistök.

Það þarf ekki endilega að vera ökumaður Grey Line hafi litið á töskur stúlknana sem góss eða fundið fé, en það er þó erfitt að ímynda sé að hann hafi bara brunað í burt og losað sig við rútuna án þess að ganga úr skugga um að hún væri tóm og reiðubúin fyrir næstu ferð.

Loks er það furðulegt af starfsmanni þessa "rútufyrirtækis" að segja stúlkunum bara si svona að bíða bara rólegar fram yfir miðnætti, því það er ólíklegt að þær hafi hljómað poll rólegar, líkt og að um gleymdan trefil hefði hafi verið að ræða.

Ábyrgðin er í þessu tilfelli greinilega 100% hjá rútufyrirtækinu eða tryggingafélagi þess og álít ég þar fyrir utan að máttlausar og værukærar eftirlitsstofnanir mættu alveg taka þennan iðnað allan til rækilegrar skoðunar, því mig grunar að víða sé pottur brotinn.

Kínverska sendiráðið hlýtur þó vonandi að hafa vit og rænu á að kæra þennan þjófnað strax til lögreglu.

Fastar á Íslandi yfir jólin

Athugasemdir

[Svanur Gísli Þorkelsson, 26.12.2014 kl. 19:36]

Bílstjórinn segir þetta um málið; Ég var Bílstjórinn í þessari ferð og ég fór yfir Rútuna þegar ég lagði af stað til RVK, Og sagði við farðega 2 sinum við komu og brotför mina til RVK að taka allan farangur með sér inn því að ég kæmi ekki aftur Og Dóri Lax var sjálfur vitni af því þegar ég sagði bless við fólkið eftir 20 min stop í Laxnes , og ekki sá ég neinar töskur eða passa í Rútuni, "

[dh, 27.12.2014 kl. 00:03]

ICELANDIC MENTALITY INC. NATION IS RUN BY MAFIA. IF DRESS CODES ARE NOT MET ICELANDERS GET WORSE SERVICE THEN THIS MUCH WORSE. THE NATION IS RUN BY THE "RETARD" AGENDA IS IN FULL OPERATION. !!!!!!!!!!!!!!!!!BEWARE!!!!!!!!!!!!!!!!

[Þórir Garðarsson (IP-tala skráð) 27.12.2014 kl. 15:38]

Þetta er leiðindamál með þessar Kínversku stúlkur og verst fyrir þær sjálfar.

Morgunblaðið hefur verið duglegt að fjalla um málið en því miður hefur blaðið ekki haft fyrir því að sannreina það sem fullyrt er, hvorki með athugunum eða með því að hafa samband við Gray Line. Við höfum ýmsar athugasemdir við það sem haldið hefur verið fram og það stangast verulega á við það sem við höfum um málið að segja sem er m.a. eftirfarandi:

 

Eiganda hestaleigunnar í Laxnes ( Póri ) staðfestir frásögn bílstjórans um að hann hafi tvisvar sagt við farþegana eftir að þeir voru komnir í hesthúsið að hann væri á förum og kæmi ekki aftur. Allir aðrir farþegar í umræddri ferð sem voru 17 talsins virðast hafa heyrt í bílstjóranum um að taka allan handfarangur með sér er komið var í hestaleiguna nema þessar stúlkur!

Bílstjórinn fór yfir bílinn áður en hann fór frá hestaleiguna og fann ekkert, hann fór yfir bílinn 3svar  til viðbótar yfir daginn þegar hann skilaði af sér öðrum hópum eins og verkreglur fyrirtækisins kveða á um án þess að finna pokana sem þær sögðust hafa skilið eftir í bílnum. Stelpurnar fullyrða einnig að í þessum bil hafi verið myndavél, það er engin myndavél i okkar bilum og hefur aldrei verið. 

Einnig kom fram í fyrstu frétt að við hefðum ekki svarað í síma um kvöldið þegar þetta gerðist fyrr en um nóttina eftir. Þetta er ekki rétt og staðfesti önnur stúlkan það við okkur, auk þess sem við höfum á skrá hjá okkur öll símtöl sem berast fyrirtækinu, svöruð sem ósvöruð. 

Í frétt á mbl .is  í gær er haft eftir Jón Víðis Jak­obs­son, sem aðstoðað hef­ur stúlk­urn­ar síðastliðna daga að „forsvarsmenn Gray Line rútu­fyr­ir­tæk­is­ins ekki hafa reynst þeim hjálp­leg­ir hingað til“ 

Þetta stangast verulega á við yfirlýsingu sem hann sendi félaginu og harmar að rangt sé eftir honum haft og segir ma:

„Það er rétt að taka fram að ég sagði ekki að þið hefðuð ekki verið hjálplegir, þið hafið verið mjög hjálplegir og gert það sem þið getið eftir að ég fór að tala við ykkur og ég hef ekkert undan því að kvarta en það var bara aðeins og seint fyrir þær“.

 

Persónulega finnst mér ábyrgðarleysi af farþega sem er með svona mikilvæg gögn í sínum farangri að passa ekki betur upp á farangurinn. Farþegi sem er að fara í hestaferð getur ekki litið á hópferðabíl sem öruggan geymslustað fyrir sinn farangur og ætlast til að bílstjórinn eða passi eigur sínar óumbeðinn. Á hestaleigunni er aðstaða til að geyma föt og persónulega muni.

 

Það er því miður alltof margir sem treysta á aðra í svona efnum og þekkjum vel hversu oft er ítrekað fyrir farþegum að passa að taka allan persónulegan eigur með þegar flutningstæki er yfirgefið hvort sem um er að ræða flugvél, lest eða rútu. Við getum ekki borið ábyrgð á handfarangri farþega, ekki frekar en aðrir flutningsaðilar.

 

Þrátt fyrir að ítrekar hafi þessar stúlkur farið með rangt mál gegn fyrirtækinu ákváðum við að reyna allt sem við gátum til að greiða leið þessara stúlkna. Þær áttu ekki fyrir gistingu og voru orðnar peningalitlar  ákvað fyrirtækið að hjálpa þeim með það. Í því fellst ekki viðurkenning á bótaskyldu eða réttmætum kröfum gegn fyrirtækinu.

 

Ofanrituðum athugasemdum hefur verið komið á framfæri við Morgunblaðið.

 

Virðingarfyllst

Þórir Garðarsson

[Hilmar (IP-tala skráð) 27.12.2014 kl. 17:43]

 Stundum velti ég fyrir mér þessum athugarsemdum. Oft eru þær málefnalegar og í takt við bloggfærsluna en stundum ekki.  En hvílík steypa er þetta sem DH hefur skrifað.  Er fólk gjörsamlega hætt að hugsa?

[Jónatan Karlsson, 27.12.2014 kl. 22:06]

Ég þakka Þóri Garðarssyni frá Grey Line fyrir greinargóð svör og útskýringar, en óska eigi að síður að svara svívirðingum þeim sem á mig voru bornar af einhverskonar talsmanni eða umboðsmanni sama fyrirtækis.

Án þess að ég nenni að eyða orðum mínum frekar í Svan Gísla, þennan umrædda (e.t.v. sjálfskipaða) talsmann Grey Line, þá get ég upplýst aðra lesendur um að þessi ásökun Svans um að ég eyði eða hafi eytt athugasemd af bloggi mínu er bull og aðeins brenglaður hugarburður, án þess að ég taki frekari afstöðu til dýpri róta þessa "grunsamlega" hugaræsings hans.

-----------------------------------------------------------------------

Þessu svari ætlaði ég nú reyndar að hnýta við ósvífið blogg hans, en nú bregður svo við að einmitt hann sjálfur sýnir hvern mann hann hefur að geyma, því hann er nefnilega sjálfur sá kappi og karl í krapinu að hann hefur lokað á allar athugasemdir á færslur hans úr minni tölvu að hætti huglausra smámenna sem ferðast í bloggheimum og að því mér sýnist þar að auki fjarlægt eftirfarandi eigið blogg hans af titilblaði sínu:

"Bulla út í loftið eins og þeim sé borgað fyrir það

Lélegt hjá þér Jónatan. Veist greinilega upp á þig skömmina en þorir ekki að gangast við henni og fjarlægir athugasemdir við færslu þína þar sem bent er á óheilindi þín"

Svanur Gísli Þorkelsson, 26.12.2014 kl. 22:36