Landvinninga og landráða kapall

Haft var eftir Victoriu Nuland, varautanríkisráðherra Bandaríkjanna, að USA hefði veitt fimm billjón dollara styrk til stuðnings mótmælanna, sem leiddu til byltingar og falls löglega kjörins leiðtoga landsins í kosningum í febrúar 2010, líkt og íslenskir kosningaeftirlitsmenn á vegum ÖSE getu hæglega staðfest.

Ef framkoma Gunnars Braga Sveinssonar virðist undarleg og í raun og veru alveg óskiljanleg í augljósum stuðningi hans við hina nýju valdhafa í Kænugarði, þá gæti illa innrættur samsæriskenningasinni auðveldlega látið sér detta ýmisslegt í hug og svona til að setja einhvern verðmiða á auðsveipan stuðninginn og undirlægjuna.

Það mætti t.d. alveg ímynda sér svona 200 íslenskra áhrifa- og stjórnmálamanna sem fengjust keyptir til að vinna að innlimun lýðveldisins í ESB fyrir t.a.m þrjú hundruð milljónir hver, jafnvel þó Davíð hafi nú reyndar hafnað ámóta sponslu fyrir "góðan vind" hérna um árið, en það er nú önnur saga.

Heildar upphæðin sem "ímynduðu" landráðamennirnir 200 fengjust keyptir fyrir, væri þó aðeins u.þ.b. 10% af þeirri upphæð sem Bandaríkjamenn einir saman lögðu í púkkið, til að undirbúa jarðveginn fyrir komandi átökin við þá Janúkovitsj og Pútín.

Pútin vill skipta Úkraínu

Athugasemdir

[Helgi (IP-tala skráð) 1.9.2014 kl. 05:40]

Sæll.

Fréttaflutningur af þessu vandræðaástandi hefur verið afar einhliða og óljós.

Í grunninn var þessi deila fjárhagsleg og þess vegna kom til mótmæla. Úkraínustjórn þurfti að skera niður enda var allt í steik fjárhagslega. Niðurskurðinum var mætt með miklum mótmælum og að lokum hálfgerðu valdaráni. Úkraínumenn skulduðu Rússum milljarða dollara vegna gass og þeir skulda Rússum enn háar fjárhæðir.

Ég skil ekki af hverju Vesturveldin voru að skipta sér að málum þarna. Varðandi Rússana sem búa þarna er eðlilegast er að þeir fái annað hvort að ráða sér sjálfir, stofna sjálfstætt ríki eins og Pútin leggur til (og hugmynd sem mér líst vel á) eða að þeir fái að sameinast Rússlandi. Binda verður endi á átökin þarna. Við höfum reynslu af því (heimsstyrjaldirnar) að ekki gengur að draga landamörk með handahófskenndum hætti. Semja þarf um þetta mál og hefur Pútin raunar hvatt til þess. Samningsvilja skortir af hálfu Úkraínumanna.

Ég tel að Pútin sé að stíga varlega til jarðar í þessu máli og ekkert nema eðlilegt að hann styðji við bakið á löndum sínum. Hann hefur hvatt til samningaviðræðna en svo virðist sem Úkraínumenn hafi lítinn áhuga á slíku þegar Vesturveldin espa þá áfram og dæla fé í þá.

Afar vanhugsað var að skella efnahagsþvingunum á Rússa eins og komið hefur í ljós þegar þeir svara fyrir sig. Þú gerir vel í því að benda að afskipti USA af málum þarna.

Stjórnmálamenn á Vesturlöndum verða að fara að skilja að þeim kemur ekki allt í heiminum við. Þessi deila er mál Rússa og Úkraínumanna.