Er Morgunblaðið að fara á hausinn, eða hvað er eiginlega í gangi?

Myndskreytt fyrirsögn forustugreinar mbl.is Sunnudaginn 11. Maí 2025 á okkar óumdeilanlega víðsjárverðu tímum er þótt ótrúlegt megi virðast:

"Fundu ástina í Hollywood og giftust á Spáni"

Þessi höfuðfrétt dagsins fjallar um giftingu erlendra hjóna, sem fæstir þekkja, nema hvað brúðurin er sögð hafa leikið með íslenska stelpnabandinu Nylon á árinu 2004.
Það er ótrúlegt að snepillinn geti ekki fært lesendum sínum áhugaverðari fréttir, því af nógu er að taka - nær og fjær.

Fyrir utan yfirstandandi hrakfarir á austurvígstöðvunum, heilaþvotti og broti á mannréttindum á borð við mál-og skoðanafrelsi Evrópubúa, þá eru óhreinindi að fljóta upp á yfirborðið hér á Íslandi, sem full ástæða væri til að fjalla um.

Síðast í gær mátti heyra núverandi utanríkisráðherra þjóðarinnar segja í beinni útsendingu sjónvarps með glampa í augum, að henni þætti framkoma Ísraelsmanna gagnvart Palestínumönnum ólíðandi.

Þessi sama kona, krossi skrýdd, ásamt forseta vorum nýkomnar frá útför blessaðs páfans og spjalli þar við sitt fólk, bætti við að hún væri ætíð í hópi þeirra sem fordæmdu framferði gyðingana við öll möguleg tækifæri.

Þorgerður er reyndar sú sama, sem lagði nefskatt RÚV á okkur öll frá sekstán ára aldri og átti mestan þátt í að útiloka kristinfræðina úr grunnskólanum, en ef hún sjálf aðeins skildi hvað orðið ólíðandi þýðir, sem hún notaði, þá myndi hún ekki líða að Ísland ætti í jafn ljúfu og hnökralausu stjórnmála, íþrótta- og Eurovision sambandi við Ísrael og raun ber vitni.

Fundu ástina í Hollywood og giftust á Spáni

Páfinn fordæmdi vaxandi gyðingaandúð og biskupinn talaði um að mótmæla.

Yfir þrjátíu prósent Palestínumanna eru kristnir og ástæða vaxandi andúðarinnar um heim allan á gyðingum er auðvitað skelfileg framkoma þeirra og Bandaríkjamanna gagnvart varnarlausu fólkinu í útrýmingarbúðunum á Gaza og svo hefur Franz páfi meiri áhyggjur af áliti heimsbyggðarinnar á böðlunum fremur en öllum dánu börnunum og mæðrum þeirra.

Hér á Íslandi talaði biskup Íslands m.a. um að við ættum að fylgja Jesú, eins og konurnar forðum sem komu að gröfinni til að annast um ástvin sinn og hún minnt­ist einnig á átök og þján­ing­ar í heim­in­um og nefndi sér­stak­lega morðið á úkraínsk­um pí­anó­leik­ara í síðustu viku á leið í helgi­hald, auk ástandsins á Gasa og hung­urs­neyðina í Súd­an.

Loks sagði hún að ekk­ert okk­ar vildi stríð og við mættum segja það og mót­mæla því að verið væri að drepa sak­laust fólk og það væri afstaða sem við gætum tekið og ÆTTUM að taka.

Öll þessi fallegu orð Guðrúnar Karls Helgudóttur á páskadag 2025 æpa einfaldlega á að hún í krafti stöðu sinnar og embættis, standi þá við stóru orðin og mótmæli t.a.m. þjóðarmorðinu á Gaza opinberlega á alþjóðavettvangi, svo tekið væri eftir.

Fordæmdi gyðingaandúð og ástandið á Gasa

Þorgerður harmar opinberlega þáttöku Hafþórs í kraftlyftingum í Rússlandi, en...

Tvöfeldni og óheilyndi Þorgerðar Katrínar svokallaðs Utanríkisráðherra Íslands er óþolandi og ólíðandi og því fordæmi ég hana hér, opinberlega.

Hún lýsir því yfir að þjóðarmorðið í Palestínu sé ólíðandi, en gerir þó ekkert annað en að koma máttlausum og gagnslausum mótmælum á framfæri við einhvern ónefndan fulltrúa Ísraelsmanna - ef trúa megi þá þeirri fullyrðingu hennar, sem ég persónulega dreg í efa.

Þorgerður Katrín Gunnarsdóttir á það nefnilega sameiginlegt með Forseta Íslands og Biskupi Íslands, að þær gætu allar, eða hver og ein, með beinskeyttri opinberri fordæmingu og ósk um slit á stjórnmálasambandinu við Ísrael, haft bein áhrif til hjálpar fólkinu á Gaza - ef þær þá á annað borð hefðu nokkurn einasta áhuga á því.

P.S.
Það væri gáfulegt fyrir Þorgerði og auðvitað líka Þórdísi Kolbrúnu og alla heilaþvegna Rússa-hatara flóruna að hlusta á erindi prófessors Jeffrey Sachs við Columbiu háskóla um aðdraganda og raunverulegar ástæður þessara átaka - ef þær þá nenna eða hafa áhuga á að fletta honum upp á t.d. youtube.com

Hleypa ekki neinni aðstoð inn á Gasasvæðið

Eru vandamálin til að leysa þau?

Í framhaldi af síðustu skoðunum Donalds Trump á þessum landamæradeilum Rússa og Úkraínumanna, þá varð ég innblásinn af fyrrum ámóta deilum Bandaríkjana og Mexíkó, líkt og þegar þau sættust á Salómons dóm þess efnis, að Ríó Grande yrðu landamærin þar á milli, en þá æpir það hreinlega á mig í þessum núverandi deilum Rússa og Úkra, að stórfljótið Dnjepr marki landamæri ríkjana til frambúðar - og allir kátir!

Í framhaldi af þessari eðlilegu lausn, þá er annar vandi ofarlega í innlendum fréttum, en það eru auknir ofbeldis-glæpir og innflutningur á eiturlyfjum í ágóðaskyni.

Lausnina á þeim glæpum má einfaldlega finna hjá vinum okkar í blómstrandi friðsælu menningarríkinu Kína og nokkrum öðrum nágranaríkjum þeirra, þar sem lög og regla eru í hávegum höfð og óhætt fyrir alla að fá sér gönguferð þar um borg og bý á öllum tímum sólarhringsins.

Klippt og skorið, þá felst lausnin í ströngum viðurlögum, sem á mannamáli þýða, að betrunarvistin virki eins og til er ætlast, án þess að fara nánar út í smáatriðin.

„Stríðið hans Bidens, ekki mitt“

Íslenskir gervilimir og hugvit.

Hér í meðfylgjandi blaðagrein Skúla Halldórssonar, blaðamanns Morgunblaðsins sem virðist staddur í Kænugarði, viðrar hann ástand þeirra áttatíu þúsunda úkranískra hermanna sem þarfnast gerfilima, líklega með það í huga að planta þeirri hugmynd hjá gjafmildri ríkisstjórn Íslands að þar sé rakið tækifæri á að kaupa sýnilegri aðstoð en færanlega sjúkrahúsið sem aldrei meir sást tangur né tetur af.

Það var hér á árum áður, líklega fyrir þann tíma sem Kínverjar byrjuðu að skipta sér af málefnum Afríku, að reglulega gengu ægilegar hungursneyðir yfir heimsálfuna og Rauðikrossinn og aðrar hjálparstofnanir stóðu fyrir eftirminnilegum landssöfnunum, eins og margir minnast, en sá böggull fylgdi ætíð skammrifi, að þessar stofnanir vildu aðeins upphæðina í beinhörðum gjaldeyri og ekki neinu bulli á borð við lýsi eða fiskafurðum.

Bandaríkjamenn sem gjarna hýstu þessar hjálparstofnanir allar og voru stórtækir í stuðningi sínum við blessuð svörtu börnin, hafa þó í öllu sínu örlæti og gjafmildi ætíð haft eina reglu í hjálparstarfinu, en hún er sú að einungis gefa innlend matvæli og vörur, en ekki fjármuni, sem auðvitað kom sér vel fyrir þurfandi landbúnað og iðnað heima fyrir.

Auðvitað er ég með þessari stuttu frásögn að benda núverandi ESB erindrekum í ríkisstjórn vorri, sem reglulega ferðast með troðnar töskur af gjaldeyri suður á bóginn í óskilgreinda hitina, þá ættu þessir milljarðar allir auðvitað fremur að fara í að kaupa vörur af Össuri, sem að sjálfsögðu ætti líka að hafa möguleika á að selja útlimalausum Rússum limi, ef einhver vildi á annað borð borga fyrir þá.

Þar að auki ætti að koma í veg fyrir allar umboðsgreiðslur og "Kick back" ófögnuð, en í þess stað að nota milljarðana alla í að byggja upp eigin varnir sem auðvitað eru lög-og landhelgisgæsla okkar, sem ætti væntanlega að koma í sama stað niður - ekki satt?

Það þarf að aflima Úkraínu

Er hrun og gjaldþrot Íslands í bígerð?

Nú stígur fyrrverandi yfirmaður greiningadeildar Kaupþingsbanka fram og boðar að nú verði ríkissjóður að byrja að kaupa og safna erlendum gjaldeyri í stórum stíl, sem hefur væntanlega í för með sér aukna verðbólgu fyrir okkur almenning, þvert á fyrirheit núverandi ríkisstjórnar.

Án þess að fara mikið nánar út í starfsferil Ásgeirs Jónssonar seðlabankastjóra, þá eru fullyrðingar hans um ágæti og góða stöðu Kaupþingsbanka aðeins korteri fyrir gjaldþrot enn greyptar í langtímaminni mínu og hvort sem þær yfirlýsingar hans voru einungis ætlaðar fjárfestingastjórum helstu lífeyrissjóða okkar eða öðrum fjármagnseigendum, veit ég ekki, en sporin hræða óneitanlega.

Að auki er eitt í fjármálastefnu allra yfirvalda á Íslandi sem ég álít að gangi gjörsamlega gegn allri skynsemi, en það er sú ráðstöfun að geyma okkar litla en dýrmæta gullforða erlendis og það í Bretlandi, af öllum stöðum.

Það æpir hreinlega framan í okkur og heimsbyggðina alla, að Bretar eru ekki traustsins verðir til vörslu erlendra fjármuna í ljósi framferðis þeirra og sögu og það ekki síst gagnvart Íslendingum - eins og við ættum mætavel að þekkja.

Hvað getum við eiginlega sagt? "Gullið heim" eða bara "Guð blessi Ísland"

Telja þörf á að styrkja gjaldeyrisvaraforðann

Virkur stuðningur við Ísrael!

Ástæða þess að landsleikirnir við Ísrael fara fram undir strangri löggæslu og að auki án áhorfenda blasir auðvitað við öllu sómakæru fólki og þarf vart að útskýra fyrir nokkrum heilvita manni.

Það er auðvitað skammarlegt að íslensk yfirvöld styðji við blóðs-úthellingar saklausra borgara af einhverju vígvæddasta herveldi nútímans gegn vopnlausum konum og börnum og að ætlist til að íslensku handboltakonurnar verði að bera það á samviskunni til æviloka, að með þátttöku sinni hver og ein, að hafa óbeinlínis stutt við þjóðarmorð Ísraela á palestínsku þjóðinni með leik sínum við þessa fulltrúa hörmulegs landráns gyðinga í Palestínu.

Hvers vegna þarf Ísland að mæta Ísrael?

Leika bara við Ísrael rétt eins og ekkert sé eðlilegara.

Án þess að útlista frekar hneykslun mína á ólýsanlegum glæpum ísraelsmanna gegn varnarlausum íbúum Gaza og palestínsku þjóðinni, þá minni ég aðeins á að allir leikmenn ísraelska liðsins gegna eða hafa gegnt herþjónustu og því aðeins spurning hve hátt hlutfall leikmanna hafa hreinlega blóð saklausra kvenna og barna á höndunum.

Ég vil hér telja upp nokkrar íslenskar konur og mæður sem gætu hver um sig, aðeins með einu orði lagt þungt lóð á fordæmingu og tilraunir alþjóðasamfélagsins til að stöðva þjóðarmorðið - ef þær kærðu sig um það:

Halla Tómasdóttir - Forseti Íslands.

Guðrún Karls Helgudóttir - Biskup Íslands.

Sigríður Björk Guðjónsdóttir - Ríkislögreglustjóri.

Kristrún Frostadóttir - Forsætisráðherra Íslands.

Þorgerður Katrín Gunnarsdóttir - Utanríkisráðherra Íslands.

Inga Sæland - Félags- og húsnæðismálaráðherra Íslands.

„Mikil ólga í kringum þennan viðburð“

Eftirlýstur stríðsglæpamaður í opinberi heimsókn í Evrópusambandinu.

Það er þyngra en tárum taki að upplifa þá nöturlegu staðreynd, að Ungverjar hafi boðið einhverjum stórtækasta fjöldamorðingja sögunar í opinbera heimsókn og því auðvitað orðið að segja sig frá Alþjóðlega Stríðsdómstólnum af þeim sökum.

Það eru mikil vonbrigði að Viktor Orban forsætisráðherra Ungverjalands leggist svo lágt að skríða fyrir bandarískum og ísraelskum zionistum, sem líklega mega teljast meðal ógeðfeldustu stríðsglæpamanna sögunar, eins og við öll getum nú sannarlega borið vitni um þessa dagana.

Ungverjar draga aðildina til baka

Helsta ógæfa Íslands er vanhæfir stjórnmálamenn.

Nú blasa við enn ein mistökin, þegar nýjasta kjánaprikið í embætti Utanríkisráðherra heldur til streytu þeirri hugsjón að selja Ísland í hendur Evrópusambandsins helst fyrir lítið og taka með því enn frekari afstöðu gegn forseta Bandaríkjana, sem hún og íslensk stjórnvöld hata og fyrirlíta í orði og borði, eins og alls vinstra wók liðsins er lagið.

Íslandingar eru í flokki með þeim ríkjum sem fá lægstu tollahækkanir Trumps, sem eru þar fyrir utan aðeins dropi af þeim tollum og gjöldum sem við sjálf tökum af þeirra vörum.

Þó eru þessi tollamál aðeins smámál miðað við önnur afglöp eða afbrot þessara síðustu aðila, sem skipaðir eru til að gæta hagsmuna þjóðarinnar á erlendum vetvangi og er t.a.m. enn beðið eftir svörum varðandi tvö síðustu síðustu afglöpin, sem auðvitað snúast um fullnægjandi útskýringar eða sannanir á ásökunum Þórdísar Kolbrúnar og undirtektum Þorgerðar Katrínar á hendur rússneskum yfirvöldum vegna meintra innbrota þeirra í Sendiráð Íslands í Moskvu - sem aumingja sendiherrann gat þó ekki staðfest í Silfri RÚV.

Síðasta afbrotið sem flotið hefur upp á yfirborðið er þó það alvarlegasta, því það er einfaldlega stjórnarskrárbrot og mætti jafnvel kalla föðurlandssvik, sem í öðrum löndum myndi kalla á refsihámark, en þar er ég auðvitað að höfða til afglapa eða afbrots Guðlaugs Þórs Þórðarsonar þáverandi Utanríkisráðherra varðandi staðfestingu aukinar heimilda og umsvifa Bandaríkjahers á Íslandi - án nokkurar aðkomu eða vitneskju þjóðar eða Alþingis.

Aðra glæpi eða yfirsjónir á borð við bein fjárútlát úr sjóðum landsmanna í stríðsrekstur gegn fyrri bandamönnum okkar og óbeinan stuðninginn og aðgerðaleysið varðandi hræðilegt þjóðarmorð Ísraelsmanna og Bandaríkjamanna á Palestínumönnum á Gaza, sem engum sjáandi getur dulist fjölyrði ég ekki um, en eftirlæt auðmjúklega það uppgjör í hendur æðri dómstóla.

Þorgerður um nýjustu vendingar: „Honum var alvara“