Spá mín um úrslit kosninga.

Eftirfarandi spá mín byggist helst á síðustu kosningaspám og grun mínum um að Samfylking eigi eftir að missa flugið enn frekar, helst vegna brotthvarfs Guðmundar Árna og ekki síður vegna nýrra skrautfjaðra, þ.e.a.s þeirra Dags, Ölmu og Víðis.

Hvað hrun Sjálfstæðisflokksins varðar, þá er það hneyksli hvernig flokkseigendur koma fram gagnvart sínu besta fólki, nú síðast auðmýkjandi meðferðin á Jóni Gunnarssyni og því munu Miðflokkur og Viðreisn njóta góðs af.

Þar fyrir utan hafa kjósendur horft upp á Bjarna formann ráðstafa óbeðinn, mörgum milljörðum sem vantar svo sárlega í gjörvallan rekstur þjóðarbúsins í drápstól á erlendri grundu.

Annar sigurvegari þessara kosninga verður örugglega Inga Sæland, sem þrátt fyrir einræðistilburði sína, hlýtur með eldmóði sínum að höfða til fjölmargra almennra borgara.

Von mín er reyndar að Miðflokkur, Samfylking og Flokkur fólksins geti komið sér saman um næstu stjórnarmyndun fyrir jól.

Miðflokkur............22 %
Samfylking............19
Sjálfstæðisflokkur..13
Flokkur fólksins.....13
Viðreisn.................12
Framsóknarflokkur...6
Píratar.................... 6
Sócíalistaflokkur...... 5
Vinstri græn............. 3
Lýðræðisflokkurinn....1

Ný könnun: Sjálfstæðisflokkur dalar og VG botnfrosið

Kjörið tækifæri til að koma í veg fyrir landráð.

Nú stendur fyrir dyrum að starfsstjórn og Alþingi reyni að þræla í gegn fjárlögum fyrir komandi kosningar og leggja þau til staðfestingar fyrir nýkjörinn forseta, en þá blasir við kjörið tækifæri til að koma í veg fyrir augljós landráð, líkt og Hildur Þórðardóttir bendir skýrt og skilmerkilega á í aðsendum pistli sínum hér í Umræðu Morgunblaðiðsins í gær.

Í grein sinni bendir Hildur orðrétt á að vopnakaup Alþingis og þátttaka í stríði úti í heimi stangist á við Stjórnarskrá íslenska lýðveldisins, Varnarmálalög nr. 34/2008 og landráðakafla Almennu hegningarlaganna nr. 19/1940 og brjóti beinlínis gegn þeim. Ísland væri þar með orðið beinn þátttakandi í stríði og þar með hernaðarskotmark. Með þessum ráðstöfunum og frekari fyrirætlunum sínum hafa íslenskir ráðamenn því framið landráð.

Að mínu mati mætti þess utan draga Bjarna Benediktsson og Þórdísi Kolbrúnu Reykfjörð Gylfadóttur til ábyrgðar fyrir þessi, að því virðist, augljósu brot þeirra, auk auðvitað óbeins stuðnings og aðgerðaleysis þeirra, fyrir hönd íslensku þjóðarinnar gagnvart þjóðarmorði gyðinga á Palestínuaröbum, sem hlýtur sömuleiðis að flokkast sem glæpsamlegur gjörningur.

Ný lopapeysa Bjarna smellpassar

Mbl.is minnist skiljanlega ekki einu orði á tendrun Friðarsúlunar í Viðey!

Í dag, þann níunda Október verður Friðarsúla Yoko Ono, til minningar um friðarsinnann John Lennon tendruð í átjánda sinn.

Síðan 2007 hafa aðstandendur og ástvinir Lennons gjarna hittst við stutta athöfn í Viðey í tilefni afmælis hans, en staðsetning ljósgeislans var auðvitað valin vegna jákvæðra og friðsamlegra viðhorfa okkar litla lýðveldis hér á jörðu.

Í ár minnast ættingjar afmælisins því miður á öðrum meira viðeigandi stað, þökk breyttum viðhorfum íslenskra stjórnvalda.

Svandís opnar loks þverrifuna og tekur undir með varaformanni sínum.

Nú fyrst eftir heils árs látlausan hrylling í útrýmingarbúðunum á Gaza er það loks haft eftir einum ráðherra úr huglausri og spilltri ríkisstjórn Íslands, að hörmuleg útrýming tuga þúsunda saklausra barna, mæðra og feðra hafi reyndar átt sér þar stað.

Ráðherrann sem reyndar er í örvæntingarfullri atkvæðaleit veit líklega að meirihluti Íslendinga gerir sér ljósa grein fyrir augljósum ódæðum Ísraelsmanna og stuðningsþjóða þeirra, þannig að mögulega gæti hún þá uppskorið nýja kjósendur út á nýfengna samúð.

Annars er það skoðun mín að öll framkoma íslenskra stjórnvalda og þingmanna að báðum forsetum og biskupum meðtöldum af harmleiknum í Palestínu, sé ekkert annað en glæpsamlegt aðgerðaleysi.

Tekur undir með varaformanni: Þjóðarmorð á Gasa

Trump tekur augsýnilega forystuna.

Þessi síðasta tilraun þessa svokallaða sérstaka saksóknara til að koma í veg fyrir framboð Donalds Trumps er hálf brosleg, þrátt fyrir að hún hafi dugað á forsíðu Morgunblaðsins og þrátt fyrir að ákæran verði ekki tekin til umfjölluna fyrr en eftir kosningarnar.

Í kjölfar tveggja morðtilrauna og ótal fjölbreyttra tilrauna til að stöðva rauðhausinn, þá verður það með degi hverjum greinilegra, að það hlutfall Bandaríkjamanna sem gera sér grein fyrir hörmulegu og sí versnandi ástandi undir stjórn woke-liðs þeirra Biden og Harris, fer ört stækkandi.

Aftur á móti, fyrir ótrúlegt 90% hlutfall heilaþveginna Íslendinga sem segjast aðhyllast Demókrata, þá gætu þeir mögulega hrist af sér galdurinn, ef þeir gæfu fyrrum demókratanum, Róbert F. Kennedy, bróðursyni JFK orðið, t.a.m. í lýsandi ræðu hans frá Walker-Michigan, 27. September 2024, sem finna má á youtube.com

Segir Trump ekki eiga að njóta friðhelgi

Ósmekklegt að kveikt verði á friðarsúlunni 9. Oktober

Fjarvera friðargæslusveita Sameinuðu þjóðana frá vetvangi þjóðarmorðsins á palestínsku þjóðinni sýnir svo ekki verður um villst, hver afstaða þeirrar spilltu stofnunar er.

Höfuðstöðvar S.Þ. eru einmitt staðsettar í landinu sem leggur til drápstækin og kemur í veg fyrir allar friðarumleitanir, þó þeir telji einföldu fólki um jarðir allar með góðum árangri, að þeir séu stöðugt að reyna að koma á friði í Palestínu og reyndar um heim allan.

Hér á Íslandi valdi Yoko Ono að reisa friðarsúlu til minningar um John Lennon, þó harla lítið fari skiljanlega fyrir umfjöllun um þá fallegu táknmynd þessa dagana.

Það væri nefnilega fremur hjákátlegt og fullkomlega á skjön við (grunsamlega) herskáa framgöngu íslenskra stjórnvalda í grímulausum stuðningi þeirra við stríðsrekstur NATO, nú síðast í Úkraínu og heigulslega þögn sömu ráðamanna þegar að miskunarlausu landráninu í Palestínu kemur og allt auðvitað að íslensku þjóðinni forspurðri.

Nú gefst heiðvirðum og friðsömum Íslendingum tækifæri að skrifa undir bænaskjal til nýkjörins forseta vors, þess efnis að stöðva öll vopnakaup og stríðsrekstur í okkar nafni án undangenginnar þjóðaratkvæðisgreiðslu og má nálgast þann undirskriftarlista hér: Austurvöllur.is

Sammála um hernaðaraðgerðir í Líbanon

Hvað þá með að hætta stuðningi við barnamorðin á Gaza?

Auðvitað er fallegt og jákvætt að setja sér göfug markmið, en óneitanlega er holur hljómur í orðum Höllu Tómasdóttur forseta lýðveldisins Íslands, sem styður þó beint og óbeint við þjóðarmorð Ísraela í Palestínu, án þess svo mikið að lyfta litlu fingrunum þeim til aðstoðar og þar að auki að leggja milljarða klafa á íslenskan almenning til kaupa á morðtólum til drápa á Rússum og það auðvitað líka án samþykkis þjóðarinnar.

Svo ég segi nú bara við Forseta, ríkisstjórn og alþingismenn Íslands: Ég vona að ykkur líði vel í dofnum hjörtum ykkar og njótið forréttindanna með leiðtogum ykkar - uns yfir lýkur.

Ef hins vegar umbjóðendur ykkar, þ.e.a.s. þjóðin fengi lýðræðislega að kjósa, þá yrði stjórnmálasambandinu við Ísrael örugglega slitið og ævarandi hlutleysi Íslands undirstrikað.

Skiljanlegt að finna til vanmáttar

Þórdís Kolbrún Reykfjörð Gylfadóttir, bókun 35 o.fl.

Er það ekki alveg ótrúlegt að handfylli af íslensku stjórnmálafólki gangi ótrauð fram og beini öllum kröftum í þágu eigin óútskýrðra hagsmuna, jafnvel þó markmiðin gangi greinilega gegn þjóðarhagsmunum, líkt og áformin um bókun 35 og auðvitað niðurdælingu óþvertans frá Sviss, svo ekki sé nú minnst á lífshættulegar hernaðaraðgerðir gegn okkar fyrrum vinum, Rússum.

Auðvitað hef ég engar sannanir fyrir illum grun mínum, en ef allt færi á versta veg hér á Íslandi, þá tel ég allar líkur að hvorki Þórdís né þess vegna Bjarni Borgun Vafnings þurfi að reiða sig á betlistafi á höfðinglegum eftirlaunum þeirra á Havaí eða Suðurhafseyjum.

Önnur er sú nefnd sem ráðherrann Áslaug Arna státar hástöfum af í dag, hér í blaði föður síns af frábærum gæðum alþjóðlegs netöryggis okkar Íslendinga, en þegar betur er gáð, þá hefur Kína þó verið lokað til frambúðar og að því virðist af föður hennar sjálfum fyrir aðganginn að eftirsóttum síðum Morgunblaðsins í þar í landi, líklega vegna netöryggis, slæmra áhrifa og almenns óöryggis frá Rússum, eftir þeirra síðustu meintu netárás á sjálft flaggskipið í Hádegismóum í júní s.l.

Að lokum læt ég eftir lestur óþolandi daglegara frétta af ósvífnum kynferðisbrotum karla þá uppástungu fylgja með, að í stað niðrandi bótagreiðsla, þá verði fórnarlömbum óþokkana boðin áfallahjálp og líknandi sálfræðiþjónusta, þeim auðvitað að kostnaðarlausu.

Þórdís boðar eitt frumvarp: Bókun 35

Valdaránið í Bandaríkjunum, 22 november 1963

Það er nánast spaugilegt að í þessari frétt um áður óþekkt myndskot af bifreið forsetans á hraðri ferð til næsta sjúkrahúss með sundurskotið lík forsetans, þyki fréttnæmt yfirhöfuð, en í fréttinni er venju samkvæmt er þrástagast á skýringu valdaræningjana að Lee Harvey Oswald hafi staðið þar einn að verki.

Mikill meirihluti Bandaríkjamanna trúir reyndar ekki þessari þessari fjarstæðu, þó aðstandendur Morgunblaðsins hlaupist ekki undan merkjum hinna þægu og sanntrúuðu og til marks um hreinlyndið, þá lætur ritstjórn og harðsnúinn yfirmaður netöryggismála miðilsins loka varanlega, að því virðist á öll samskipti við Kína og öll önnur ósammála og illa innrætt ríki, eftir síðustu netárás rúsneskra tölvuþrjóta, mér til mikillar mæðu, því þrátt fyrir allt þykir mér á tíðum ferðum mínum á þær slóðir, vænt um blaðið, bloggið og ekki síst dánartilkynningarnar.

Hvað varðar sjálfa aftöku Forsetans, þá var sjálft ódæðið líklegast framkvæmt í góðri samvinnu mafíunar, CIA, FBI og síðast en ekki síst Mossad, en til að renna rökum undir þá tilgátu, þá voru fyrstu verk nýja forsetans eftir valdaránið að afturkalla fyrirmæli Kennedy´s um niðurskurð aðgerða í Vietnam og stöðva allar kröfur um rannsóknir kjarnorkumála stofnunar SÞ á uppbyggingu Dimona kjarnorkuvers Davíðs Ben-Gurions og félaga í Ísrael, sem starfað hefur líka algjörlega óáreitt síðan við smíði kjarnorkuvopna sinna, sem jafnvel mbl.is ber ekki á móti.

„Nýtt“ myndskeið frá dauðadegi Kennedy

Fordæmið og slítið tafarlaust öllu stjórnmálasambandi við Ísrael.

Skammist ykkar þjóðkjörnir þingmenn og slítið stjórnmálasambandi við við helfarar ríkið Ísrael, eða í það minnsta leggið fram tillögu þess efnis á Alþingi, líkt mikill meirihluti landsmanna styður.

Er virkilega enginn íslenskur stjórnmálaflokkur hefur dug og kjark til að fordæma og sýna þann kjark sem þarf til að hætta heigulslegum stuðningi sínum við þetta hræðilega þjóðarmorð gyðinga og Bandaríkjamanna á palestínsku þjóðinni með aðgerðaleysi sínu?

Gætið að því þingmenn að þið verðið hver og einn fyrr eða síðar dregnir til ábyrgðar fyrir verk ykkar.

Tíu Palestínumenn drepnir á Vesturbakkanum