Þar talaði Sigurður Ingi illilega af sér.

Það hefur lengi blasað við að stjórnvöld í krafti flokkseigenda hér á Íslandi tilheyra hinu svokallaða vók-liði, sem er jú einhverskonar samnefnari allra þeirra ógeðfeldu afla, sem tröllríða hér röftum, líkt og skoðanakannanir hér á skerinu varðandi ný-afstaðnar kosningar í USA bera glögglega með sér, en stuðningurin hér við fulltrúa Demókratana var u.þ.b. 90%.

Þessar niðurstöður einar sér, sýna glögglega hve djúpt við venju samkvæmt erum sokkin. Flestir fjölmiðlar hér eru gegnsýrðir af óþveranum og þar er af sjálfur ríkisfjölmiðillinn RÚV, sem allir landsmenn frá 16 ára aldri eru þvingaðir til að greiða fyrir aðgang að, greinilegasta dæmið þar að lútandi.

Augljóst dæmi um yfirgnæfandi stöðu vóksins hér í kosningabaráttu flest allra þessara frambjóðenda boðskaparins, hvers á fætur öðrum, að ekki er minnst einu orði á öfgar þessarar helfararstefnu hugsjónarinnar, hvað þá alla milljarðana úr vösum skattpíndra Íslendinga sem renna í óskilgreinda loftlagssjóði, stríðsrekstur og auðvitað í beinan framfærslukostnað óeðlisins.

Eins og þróun rétthugsunarinnar hefur leitt af sér, þá er hvorki hægt að tilgreina samtök, stefnur eða jafnvel einstaklinga án þess að eiga jafnvel yfir höfði sér ákæru eða einelti og verður því umræðan hér að vera að venju undir rós.

Einn bjartan punkt má þó greina í svartnættinu, en hann er auðvitað sú staðreynd að meirihluti Bandaríkjamanna er risinn upp og hyggst stöðva bévað ruglið, en því miður, þá óttast ég að líf leiðtoga uppreisnarinnar hangi á bláþræði, því þessi viðsnúningur er nærri því of góður til að geta staðist og ólíklegt að Trump snúi höfðinu á skotaugnablikinu undan næstu kúlu vók-djöflana.

Vonaðist eftir annarri niðurstöðu

Förum að dæmi Trump og segjum: ÍSLAND FYRST

Ástand margra mála hér á Íslandi og í Bandaríkjunum er að mörgu leyti mjög sambærilegt og borgarar beggja landa hafa fengið upp í kok af vanhæfum stjórnvöldum og vók stefnu þeirra.

Nú verða Íslendingar að moka út fyrirlitlegum handbendum bandarísku og evrópsku Demókratana og eru þar auðvitað fremst í flokki sínum þau Þórdís og Bjarni með alla aðra ráðherra sína fast að baki, auk því miður megin hluta allra hinna aumingjana sem þykjast og trúa því jafnvel sjálf, að þau starfi sem kjörnir fulltrúar okkar fyrir þjóðarhag - svei attan

Fyrir Íslendinga er úr vöndu að ráða í komandi kosningum, því úr fáum góðum kostum er að velja, því ef vók stjórnin öll fær að gossa í flórhauginn, þá virðist einungis Lýðræðisflokkurinn og Björt framtíð hafa hreinan skjöld, því t.a.m. Flokkur fólksins virðist styðja tuga milljarða stuðningin við Selenski - sem jafnvel Trump getur ekki samþykkt.

Aðrir kostir eru Samfylkingin sem hefur stýrt Reykjavík og er nú komin með WHO þríeykið í fremstu línu og síðan auðvitað Viðreisn, stýrt af Þorgerði nefskatts og 7 hægri sællar minningar.

Að lokum eru það Píratar og Sócíalistar sem eru einfaldlega Vók með stórum staf, svo ekki er ástandið gæfulegt hér - öfugt við Bandaríkin í dag.

Bjarni óskar Trump til hamingju

Úkraína er ekki í NATO.

Alþingi Íslands samþykkti lög um inngöngu Íslands í NATO, eða Atlantshafsbandalagið 30. mars 1949 án þjóðaratkvæðisgreiðslu og örugglega í andstöðu við vilja meirihluta landsmanna, en þó með því skilyrði að hér yrði aldrei erlendur her á friðartímum.

Helstu rök aðildarsinna hafa jafnan verið þau að samkvæmt lögum NATO þýðir að ef ráðist er á eitt aðildarríki, þá jafngildi það árás á öll ríki sambandsins og eru þau rök reyndar sterk.

Nú blasir við öllum sjáandi mönnum að tími sé komin til að segja upp, eða endurskoða og kjósa að nýju um aðild að samningnum, því að hann hefur greinilega verið svikinn og svívirtur á alla vegu, eins og fjölmörg dæmi sanna.

Ekki einungis hafa Íslendingar mátt þola að vera meðsekir í illræmdum hernaðaraðgerðum NATO út um allar jarðir, heldur eru nú íslensk stjórnvöld byrjuð að nota beint tugi milljarða af tekjuskatti landsmanna, sem eðlilega er því ekki notaður til þess sem hann er ætlaður, heldur til vopnakaupa fyrir Úkraínu, sem er ekki einu sinni eitt af þeim þrjátíu og tveimur löndum sem varnarsamningurinn umdeildi gengur þó út á að uppfylla.

Í gærkvöldi var fyrsti umræðufundur leiðtoga þeirra framboða sem bjóða fram í komandi kosningum og var þar ekki minnst einu orði á milljarða hernaðar þáttöku Íslands í ögrandi og stórhættulegum átökum okkar við Rússa, né hvað þá heldur lítilmannlegan beinan eða óbeinan stuðningin við gerendur í þjóðarmorðinu hræðilega í Palestínu.

Hvað er eiginlega að okkur?

Sigur Trumps neyði Evrópu til að breyta um stefnu

Er Arnar Þór Jónsson síðasta hálmstrá okkar?

Ástand stjórnmála á Íslandi er í furðulegu sturlunarástandi um þessar mundir, reyndar líkt og óhætt er að fullyrða sömuleiðis um hinar Norðurlandaþjóðirnar, eins og greinilega má sjá á herskáum yfirlýsingum þeirra gagnvart Rússum á þingi Norðurlandaráðs þessa dagana.

Allir þessir ráðherrar virðst hafa gleymt öllu um miskunarlaust hernám Þjóðverja fyrir aðeins einum eða tveimur mannsöldrum síðan og aukin heldur hverjir það voru sem áttu mestan þátt í að vinna bug á nazistum og fórnuðu lang flestum mannslífum í þeirri baráttu.

Ef Arnar Þór sæti nú á Bessastöðum, þá væri öruggt að hann myndi ekki samþykkja fjárlög sem innihéldu tuga milljarða greiðslur í stríðsrekstur í Úkraínu, sem ég vona og treysti þó að Halla forseti okkar muni standa við stóru orðin og vísa þeirri kröfu í þjóðaratkvæði, því auðvitað ætti Bjarni sjálfur einfaldlega að greiða þá eitruðu blóðpeninga úr eigin sjóðum.

Það má líka alveg nefna að þrautpíndir íslenskir skattgreiðendur eru nú þegar með u.þ.b. 4000 Úkraínubúa á framfæri sínu, án þess að skilgreina hve hátt hlutfall þeirra er í raun og veru flóttamenn og hve margir eru einungis ótíndir liðhlaupar.

Ef næsta stjórn okkar verður með þau Bjarna Ben, Þórdísi Kolbrúnu og félagana Sigmund Davíð og Gunnar Braga Sveinsson innanborðs, þá eru framtíðarhorfur Íslands hreint ekki bjartar í áframhaldandi stríði okkar gegn rúsneska birninum hér á hjara veraldar - spái ég.

Alls ekki einstrengingslegur í hugsun

Eru uppsagnir samninga verkalýðsins framundan?

Láglaunafólk á Íslandi samdi um mjög hófstilltar launabætur frá 1. apríl til fjögura ára, í því markmiði að ná niður verðbólgu og stýrivöxtum, sem myndu gagnast öllum, en þegar við undirritun samninga heyrðust efasemda raddir, sem vöruðu við því að aðrar stéttir myndu ekki fylgja hófsömu fordæmi þeirra launalægstu, eins og raungerist reyndar nú með þessum að því virðist stórfeldu launakröfum kennara.

Það blasir við að samningar verkafólks hljóta að standa á brauðfótum ef fram fer sem horfir.

Verkfall kennara hafið

Er Gunnar Bragi aftur á leið í Utanríkisráðuneytið?

Nú virðast allir raftar á sjó dregnir, líkt og Dagur, Alma og Víðir eru lýsandi dæmi um, en nú keyrir úr hófi, þegar Gunnar Bragi Sveinson mætir allsgáður og endurnærður til leiks í annað sætið í Norðvesturkjördæmi, sem þýðir líkast til pólitíska upprisu hans og þá líkast til beint áframhald í störf núverandi utanríkisráðherra, á borð við þáttöku hennar í mótmælum á strætum Georgíu og auðvitað samviskusamlega fjármögnun úr sjóðum landsmanna í stríðsrekstur og vopnaskak gegn okkar fyrri vinum, Rússum.

Þess skal líka minnst að í aðdraganda stjórnarbyltingarinnar í Kænugarði 2014, sem Bandaríkin fjármögnuðu og skipulögðu ásamt auðvitað ESB, að einmitt leppar á borð við þáverandi utanríkisráðherra Íslands voru ráðnir til fyrirsætustarfa á götuvígjum málaliða stjórnarbyltingarinnar í beinni útsendingu CNN og annara Reuters miðla.

Ég vendi því kvæði mínu í kross og kýs líkast hreinlyndan Arnar Þór í stað einhvers ömurlegs Déjá Vu

Ingibjörg leiðir og Gunnar Bragi í öðru sæti

Spá mín um úrslit kosninga.

Eftirfarandi spá mín byggist helst á síðustu kosningaspám og grun mínum um að Samfylking eigi eftir að missa flugið enn frekar, helst vegna brotthvarfs Guðmundar Árna og ekki síður vegna nýrra skrautfjaðra, þ.e.a.s þeirra Dags, Ölmu og Víðis.

Hvað hrun Sjálfstæðisflokksins varðar, þá er það hneyksli hvernig flokkseigendur koma fram gagnvart sínu besta fólki, nú síðast auðmýkjandi meðferðin á Jóni Gunnarssyni og því munu Miðflokkur og Viðreisn njóta góðs af.

Þar fyrir utan hafa kjósendur horft upp á Bjarna formann ráðstafa óbeðinn, mörgum milljörðum sem vantar svo sárlega í gjörvallan rekstur þjóðarbúsins í drápstól á erlendri grundu.

Annar sigurvegari þessara kosninga verður örugglega Inga Sæland, sem þrátt fyrir einræðistilburði sína, hlýtur með eldmóði sínum að höfða til fjölmargra almennra borgara.

Von mín er reyndar að Miðflokkur, Samfylking og Flokkur fólksins geti komið sér saman um næstu stjórnarmyndun fyrir jól.

Miðflokkur............22 %
Samfylking............19
Sjálfstæðisflokkur..13
Flokkur fólksins.....13
Viðreisn.................12
Framsóknarflokkur...6
Píratar.................... 6
Sócíalistaflokkur...... 5
Vinstri græn............. 3
Lýðræðisflokkurinn....1

Ný könnun: Sjálfstæðisflokkur dalar og VG botnfrosið

Kjörið tækifæri til að koma í veg fyrir landráð.

Nú stendur fyrir dyrum að starfsstjórn og Alþingi reyni að þræla í gegn fjárlögum fyrir komandi kosningar og leggja þau til staðfestingar fyrir nýkjörinn forseta, en þá blasir við kjörið tækifæri til að koma í veg fyrir augljós landráð, líkt og Hildur Þórðardóttir bendir skýrt og skilmerkilega á í aðsendum pistli sínum hér í Umræðu Morgunblaðiðsins í gær.

Í grein sinni bendir Hildur orðrétt á að vopnakaup Alþingis og þátttaka í stríði úti í heimi stangist á við Stjórnarskrá íslenska lýðveldisins, Varnarmálalög nr. 34/2008 og landráðakafla Almennu hegningarlaganna nr. 19/1940 og brjóti beinlínis gegn þeim. Ísland væri þar með orðið beinn þátttakandi í stríði og þar með hernaðarskotmark. Með þessum ráðstöfunum og frekari fyrirætlunum sínum hafa íslenskir ráðamenn því framið landráð.

Að mínu mati mætti þess utan draga Bjarna Benediktsson og Þórdísi Kolbrúnu Reykfjörð Gylfadóttur til ábyrgðar fyrir þessi, að því virðist, augljósu brot þeirra, auk auðvitað óbeins stuðnings og aðgerðaleysis þeirra, fyrir hönd íslensku þjóðarinnar gagnvart þjóðarmorði gyðinga á Palestínuaröbum, sem hlýtur sömuleiðis að flokkast sem glæpsamlegur gjörningur.

Ný lopapeysa Bjarna smellpassar

Akkilesarhæll íslenska landsliðsins.

Fáránleg útskýringin á fjarveru Alberts Guðmundssonar úr knattspyrnulandsliði þjóðarinnar eftir að afreksmaðurinn ungi hefur nú endanlega og fullkomnlega verið hvít þveginn af áburði þeim sem á hann var borinn, er sú að sögn norska þjálfarans, að Albert sé svo þrekaður eftir ákæruna að hann treysti sér ekki til að spila veigamikla leikina gegn Wales og Tyrklandi.

Þessar afsakanir, eða ósannindi þjálfarans ná auðvitað engri átt, því ekki ber á öðru en Albert spili betur og stjarna hans skíni bjartar um þessar mundir en nokkurn tíma áður með félagsliði sínu á Ítalíu.

Ætli raunveruleg ástæða fjarverunar sé ekki öllu heldur héraleg hræðsla KSÍ við reiði hinna bitru kvenna, líkt og sorgleg frammistaða liðsins á síðustu árum gæti borið vott um?

Landsleiknum frestað? „Ekki í okkar höndum“

Mbl.is minnist skiljanlega ekki einu orði á tendrun Friðarsúlunar í Viðey!

Í dag, þann níunda Október verður Friðarsúla Yoko Ono, til minningar um friðarsinnann John Lennon tendruð í átjánda sinn.

Síðan 2007 hafa aðstandendur og ástvinir Lennons gjarna hittst við stutta athöfn í Viðey í tilefni afmælis hans, en staðsetning ljósgeislans var auðvitað valin vegna jákvæðra og friðsamlegra viðhorfa okkar litla lýðveldis hér á jörðu.

Í ár minnast ættingjar afmælisins því miður á öðrum meira viðeigandi stað, þökk breyttum viðhorfum íslenskra stjórnvalda.