Jóladagshugvekja í allri helgislepjunni.

Það er lýsandi hér fyrir stuðning ráðamanna við Ísraelsmenn, að í erlendum fjölmiðlum var sagt frá áframhaldandi loftárásum á Gaza á Aðfangadag þar sem 14 létu lífið og af þeim voru níu börn. Það fylgdi sömu ftétt að sömuleiðis væri komið í veg fyrir að hjálparsamtök gætu flutt vatn og mat til sveltandi fólksins.

Ekki var að finna stafkrók um þetta síðasta ódæði hér á mbl.is, heldur er ítarlegt hvatninga viðtal við Bemjamín Netanjahú, þar sem honum gefst færi á að flytja kærar þakkir til stuðningsmanna sinna hér og annarstaðar.

Það var líka hjákátlegt að lesa hér grein um Jesús á Aðfangadag eftir íslenskan prest sem starfar mikið við að flytja hópa Íslendinga á þessar slóðir sem lætur þessar aðfarir gyðinga á Gaza sem vind um eyru þjóta, því þeir eru jú fjarri því kristnir, andstætt því sem segja má þó um nokkurn hluta hinna 14.500 barna sem myrt hafa verið af stimamjúkum gestgjöfum hans í öryggi lúxushótela utan blóðbaðsins.

Nýkjörinn Forseti Íslands lét að því liggja í kosningabaráttunni, að hún myndi láta að sér kveða þegar að þessari þjóðarútrýmingu kæmi og gæti það að mínu mati hafa riðið þeim bagganun sem gerði útslagið um að friðelskandi þjóðin kaus hana.

Aðrar konur hér gegna stöðum um þessar mundir sem geta haft áhrifaríkar afleiðingar, einungis með að þær lyftu litla fingri gegn þessum hörmungum og er ég þar helst að hugsa om Biskup Íslands, Forsætis-og Utanríkisráðherra Íslands auk annara valda kvenna hér á Íslandi, með Stjórnarskráryfirlýsinguna um eilíft hlutleysi, leiðtogafund Reagans og Gorbatjovs og auðvitað friðarsúlu Yoko Ono, kennda við John Lennon að leiftrandi leiðarljósi.

Því miður óttast ég á þessum jóladegi 2024, að allir þessir valdamiklu kvenskörungar láti nægja að njóta friðsælla jóla með fjölskyldum, börnum og ef til vill barnabörnum og leiði hugann frá öllum óþægilegum og niðurdrepandi fréttum sem helstu fjölmiðlar landsins hlífa þeim við af hreinni hugulsemi í tilefni heilagra jóla.

Ísrael gerir hvað sem er til að verja ríki gyðinga

Ný stjórn, en sami gamli grauturinn?

Nú á Þorláksmessu 2024 verður fyrsti ríkisstjórnarfundur þessarar nýju stjórnar sem margir binda miklar vonir við, en þegar í fyrstu viðtölum eftir að valkyrjurnar ákváðu vegferðina og síðar í hefðbundnum lykla skiptum í ráðuneytunum, þá byrjaði glansinn strax að fölna.

Það virðist þegar líta út fyrir að helstu kosningaloforð Flokks fólksins hafi einhvern veginn rýrnað eða gufað upp í stjórnarsáttmálanum og auðvitað er Evrópusambands draumurinn strax farinn að láta á sér kræla, þannig að draugar fortíðar og fyrri áform og verk Samfylkingar og nýja utanríkisráðherrans rifjast óneytanlega upp.

Það sorglegasta af öllu er þó sú staðreynd að þrátt fyrir fögur fyrirheit og kvenlega hlýju og yndisþokka, þá hyggjast þær halda áfram milljarðastuðningi við fáránlegan stríðsreksturinn í Úkraínu úr rýrum sjóðum okkar Íslendinga og að líta áfram framhjá hörmulegu þjóðarmorðinu í Palestínu, sem þær stöllur ætla greinilega ekki að láta spilla fyrir góðu skapi og sannri jóla-og nýárs stemningu.

Fyrsti fundurinn á Þorláksmessu

þrír leiðtogar - þrjú lykil ráðuneyti?

Það er mjög ásættanlegt að Kristrún verði forsætisráðherra, eins undarlegt það nú er að kalla konur herra, en það er önnur saga, en þá væri það líka jafn eðlilegt að leiðtogar Viðreisnar og Flokks fólksins skiptu með sér ráðuneytum fjármála-og utanríkismála - eða hvað?

Það er megn óþefur af því að formaður Viðreisnar, sem aldeilis á sér í besta falli skrautlega ferilskrá ætli að ota sínum tota væntanlega í krafti hótunar um samstarf við fyrri félaga, sem mætti kalla ódrengilegt með tilliti þess að einungis munar einum þingmanni á stærð flokkana og ef hægt er að tala um einhvern sigurvegara kosningana, þá er það óumdeilanlega ekki hún, heldur enginn önnur en dívan Inga Sæland.

Að því sögðu, þá vona ég að þessi Valkyrju stjórn á landinu hreina, með lýsandi friðarsúluna hafi kjark og þor til að hætta milljarða loftlagsgreiðslum, milljarða vopnakaupum og hugrekki til að slíta öllum tengslum tafarlaust við ógnarríkið Ísrael.

Ég þori þó varla í bjartsýninni allri að láta mig dreyma um þá hugljómun, að þjóðinni verði gefin kostur á að kjósa í síðbúinni bindandi þjóðaratkvæðisgreiðslu um aðild að NATO og EES, sem við vorum nefnilega aldrei spurð um.

Kristrún Frostadóttir verður forsætisráðherra

Börnin á Gaza ekki sérlega áhugaverð í kosningabaráttuni.

Í meðfylgjandi frétt um hundruðir eða þúsundir saklausra barna í útrýmingabúðunum á Gaza sem misst hafa útlimi, auk þeirra sautján þúsunda barna sem drepin hafa verið nánast í beinni útsendingu alla daga, komu ekki til tals, frekar en nokkrar einustu aðgerðir til hjálpar eða fordæmingar á þjóðarmorðinu í neinum þeirra umræðuþátta sem ég sá eða heyrði í aðdraganda þessara kosninga.

Hvernig eru við Íslendingar eiginlega orðnir?

Flest börn misst útlimi á Gasasvæðinu

Bjarni, Kristrún og spurningamerki.

Spá mín í dag er að Sjálfstæðisflokkur og Samfylking nái efstu sætum í þessum kosningum og taka vonandi Flokk fólksins (sigurvegara kosningana) sem þriðja hjól, þó Framsókn sé meðfærilegri og ætíð tilbúinn, ef hana má nota.

Þau Bjarni og Kristrún yrðu óneitanlega glæsilegt par í Forsætis-og Fjármálaráðuneyti og í Utanríkisráðuneytið þarf einhvern friðsamari en þá núverandi.

Að öðru leyti vona ég að raddir Sócíalista og Lýðræðisflokksins (sem ég kýs staðfastlega) fái að heyrast hátt og skýrt á Alþingi sem fyrst.

Dregur saman með helstu flokkum en deilur harðna

I Want to Break Free - Óvæntir tónleikar í N-Kóreu.

Það kom mér vægt sagt á óvart að sjá frábært tónleikaatriði með kóreska stúlknabandinu Moranbong Band og kór norður-kóreska hersins á risatónleikum, en því má bæta við að hið umdeilda myndband Freddy Merury og Queen með laginu þótti full gróft og var því bannað á á hinni geysi vinsælu stöð MTV árið 1982.

Það virðist augljóst að áhorfendur kunna vel að meta lagið og bæði klappa og taka undir með sjálfum leiðtoganum, sem er ekki að sjá eins ógnvænlegur og honum er lýst hér á bæ.

slóðin er: https://www.youtube.com/watch?v=jYvcdhCbzJw

Áhrif launakjara þeirra Jóns og séra Jóns á kjarabætur almennings.

Verkalýðshreyfingin samþykkti líkt og Vilhjálmur stærir sig nú af, ábyrgar og lágstemdar launahækkanir með það fyrir augum að það myndi gagnast í þágu kjarabóta vegna vaxtalækkana sem nú virðast loksins byrja að þokast í áttina, en hvaða máli gegnir þá um óbilgjarnar kröfur kennara og annara betur launaðra stétta?

Hafa launahækkanir allra annara en einungis þeirra lægstlaunuðustu virkilega engin áhrif á lækkun vaxta og verðbólgu að mati Vilhjálms og feministana hjá Eflingu?

„Gríðarlega jákvæðar fréttir“

Tímabært að Bandaríkjamenn fari sjálfir að finna til tevatnsins.

Þessi frétt um vilyrði Bidens fyrir notkun langdrægra eldflauga gegn Rússlandi gefur auðvitað Rússum grænt ljós á að beita sömu verkfærunum.

Það er auðvitað vonandi að blaðrandi stelpubjánanum í Utanríkisráðuneytinu hafi ekki auðnast að setja litla Ísland á lista skotmarka, en aftur á móti myndi ég síður en svo tárast þó einhverri kollhúfuborg Kanana yrði breytt í Gaza II.

Bregðast ókvæða við: Pútín ekki tjáð sig

Ömuleg staðreynd staðfest.

Því miður hefur forseti Íslands staðfest illan grun um hlutdrægni hennar varðandi stjórnmál í Bandaríkjunum með þessari vægt sagt, óhefðbundnu og reyndar dónalegu framkomu sinni.

Ég álít líka að hún hefði jafn örugglega fyrir hönd okkar allra orðið með þeim fyrstu til að senda Kamelu Harris hugheilar árnaðaróskir - ef hún hefði á annað borð unnið.

Halla ekki óskað Trump heilla en stefnir á það

Vonandi einungis ómerkileg kjaftasaga.

Sú saga gengur, þó lágt fari, að Halla Tómasdóttir hafi fyrir hönd íslensku Þjóðarinnar sýnt nýkjörnum forseta Bandaríkjana þá óvirðingu að láta undir höfuð leggjast að senda honum hamingjuóskir með glæsilegan kosningasigurinn.

Það virðist því miður vera þannig hér á Íslandi, að kjörnir ráðamenn leyfi sér og komist upp með að fara langt út fyrir valdasvið sitt, líkt og sú illgjarna saga varðandi þessa tilteknu embættisfærslu forsetans, líkt og það þá í þágu eigin hvata gæti borið með sér, sem ég vona þó að einhver leiðrétti snarlega, því Halla sýndi og sannaði t.a.m. hvað það veittist henni létt að hneigja sig á hefðbundin kvenlegan máta fyrir Friðriki X Danakonungi þegar á reyndi.

Nokkru öðru máli gegnir þó auðvitað um fáránlegt framferði og skammarlegan talsmáta Utanríkisráðherra okkar, sem guði sé lof er fjarri því að geta nokkurn tíma kallast Þjóðhöfðingi Íslands.

Beint: Heimsþing kvenna – seinni dagur