Slagorð tuttugasta áratugs tuttugustu og fyrstu aldarinnar

Ritað í tilefni ítrekunar og áherslu svokallaðrar Forsætisráðherra og fylgjenda hennar á bráðanauðsyn þess að hefja tafarlaust rekstur Sannleiksráðuneytis vegna vaxandi óþægðar og ókyrrðar sauðsvarts almúgans gegn fagnaðarboðskaps hinnar heilögu endurræsingar.

Nú á síðustu vikum og mánuðum ber í sívaxandi mæli meira á merkjum um efasemdir í garð síbylju frétta þeirra sem ríkisfjölmiðlar básúna látlaust yfir okkur "upplýsta" vesturlandabúa, hvort heldur sem það snýst um nauðsynlegar bólusetningar, opin landamæri, ný eða breytt kyn, eða bara staðfast hatur á fíflinu Trump og morðingjanum Pútín.

Ég vil af því tilefni nota síðustu málsgrein bloggarans Geirs Ágústssonar frá 28. Sept s.l. þar sem hann fjallar um þessi mál og einfaldlega kalla þessa eftirfarandi aðvörun hans slagorð alls þessa umrædda tímabils:


"Ekki vera bjáninn sem vaknar ekki fyrr en sögutíminn var búinn og situr eftir með baneitraðar sprautur í viðkvæmum líffærum, geldur, með tómt veski og strætókort í stað bíllykla í vasanum"

Vitundarvakning þolir enga bið

Hefur Gylfi virkilega geð í sér til að spila þegar KSÍ þóknast það?

Íslenska karlalandsliðinu og hreinlega allri stjórn knattspyrnumála okkar litla lands, reyndar með einni undantekningu var eftirminnilega kippt niður úr ótrúlegu velgegnis-tímabili strákana okkar eins og við kölluðum þá, niður á helkalda jörðina og það svo óþyrmilega að nokkrir þessara sömu stráka, líkt og á við Gylfa, munu ekki ganga óhaltir frá fyrirsátinni og landskiðið sjálft nær sér líklega því miður aldrei aftur á strik.

Ruglið, ritskoðunin og rétthugsunin mun eflaust malla möglunarlaust áfram og niðurnjörvuðum kvöldfréttatíma Ríkis-fjölmiðilsins verður ætíð sleppt eða hnikrað ef þykja þurfir að kenna megi árans feðraveldinu lexíu, t.a.m. með að njóta í beinni útsendingu að fylgjast með landsleik íslensku stelpnana með tómum bekkjum Laugardalsvallar, þrátt fyrir ókeypis aðganginn, fremur en að fylgjast með einskisverðum fréttum úr raunheimum annara illa innrætra karlpunga.

„Beint í landsliðið með Gylfa“

Áfram Ísland.

Vonandi tekst íslensku strákunum að hrista af sér álögin og vinna eða í það minnsta halda jöfnu gegn liði Bosníu í kvöld.

Það er líklega fremur sálarástand þessara leikmanna sem þarfnast lækningar eftir þær hremmingar, ákærur eða róg sem lögðu af af velli marga helstu máttarstólpa okkar ótrúlega knattspyrnu landsliðs.

Það hvílir mikið á herðum landsliðsins eftir gjörningaveðrið, en vonandi næst að snúa þessari þróun í kvöld og leggja allt þetta bilaða tímabil að baki, sem kalla mætti tíma Me Too liðsins.

Kári Árnason er ekki lengur hér

Laxa rasismi - eða hvað?

Það hreyfir óneytanlega við manni og kveikir ákveðna samsvörun við kynþáttahyggju þá sem viðgengst títt hér í mannheimum, þegar fjallað er um ræfils eldis-laxinnn, sem veiddist í Smiðshyl í Vatnsdalsá í gær og möguleikan á óæskilegri blöndun strokufangans við hinn göfuga íslenska laxastofn.

Það þykir hreinlega jaðra við villimennsku að bjóða þessari hættu hingað í ómengaða paradís efnaðra laxveiðimanna og eiga það á hættu að rifinn og tættur flótta-eldislax eða jafnvel ógeðfelt afkvæmi hans bíti á verðmætan öngulinn.

„Verður að stöðva þessa villimennsku“

Ósjálfstæðisflokkurinn hf.

Ádrepa varaþingmannsins Arnars Þórs í síðustu færslu hans frá 26/8 um "sjálfstæði" Sjálfstæðisflokksins varðandi innræti Björns Bjarnasonar á sannarlega fullan rétt á sér þrátt fyrir glæst faðerni Björns og frama innan hans fyrrum ágæta flokks, þó eftir standi að langræknir minnist enn starfa hans innan veggja bandaríska sendiráðsins á Laufásvegi og sem enn virðist bíspertur ganga erinda erlendra afla, sem sannarlega snúast ekki um gæfu og gjörvileika íslensku þjóðarinnar, fremur en öll framkoma og gjörðir núverandi utanríkisráðherra, að því virðist.

Ég álít að sem betur fer, að vegna hreinskilni séu dagar Arnars Þórs séu taldir á vetvangi þessa sorglegu flokks ómyndar Þórdísar Kolbrúnar og lúpulegra félaga hennar sem öllu fremur ætti reyndar að heita eitthvað allt annað en Sjálfstæðisflokkurinn.

Beint: Flokksráðsfundur Sjálfstæðisflokks

Öskjuhlíðinni bjargað.

Í sjónvarpsfréttum RÚV föstudaginn 18. ágúst, var fjallað um þá kröfu Ísavía að stóran hluta trjágróðurs Öskjuhlíðar yrði að ryðja af eðlilegum öryggisástæðum vegna sífellt brattara að-og fráflugs loftfara á A/V braut sökum hæðar trjánna.

Rætt var við Aðalstein Sigurgeirsson, varaformann Skóræktarfélags Reykjavíkur, sem í mestu friðsemd ítrekaði þá ágætu hugmynd, sem m.a. undirritaður og fleiri flugvallarvinir hafa margsinnis bent á, að einfaldlega mætti lengja flugbrautina sem um ræðir í vesturátt út í Skerjafjörðinn og þar með væri vandamálið vegna gróðursældar Öskjuhlíðar og Fossvogskirkjugarðs endanlega úr sögunni.

Að því sögðu, þá yrði Suðurgatan auðvitað í stokk undir flugbrautinni og þar að auki mætti auðvitað nýta svæðið sem skapaðist norðan lengingarinnar undir annan að svo komnu máli ótilgreindan en nauðsynlegan flugrekstur.

Styðja kröfu um bætt flugöryggi

Ísland ætti að byrja á að sækja um aðild að BRICS.

Það hefur lengi verið tönnlast á að ekki sé gæfulegt að skipta um hest í miðri á, en þegar farskjótinn er úrvinda, ónýtur og feigur og færi gefst á að söðla yfir á heilbrigðan gæðing, þá hlyti sú lífsbjörg við þær aðstæður einungis að geta talist heilbrigð skynsemi.

Það væri of langt mál að ætla að telja upp alla þá kvilla sem herja á gæfu og farsæld okkar stórkostlegu fósturjarðar, en þær meinsemdir og æxli, rétt eins og þessi síðasti skattur sem brosmild Katrín gerir hér lítið úr, eiga það sameiginlegt að steðja að okkur utan frá og þá helst og gjarna að kröfu svo kallaðra vina- eða bandalagsþjóða okkar.

Í raun og veru ágirnast þessi ríki og bandalög ríkulegar náttúru auðlindir Íslands, en gefa ekkert fyrir lífskjör okkar almennra borgara landsins, annara en auðvitað launaðra umboðsmanna þeirra sjálfra og mögulega einhverra úr þeim auðvirðilega hópi sem fyrirfinnst í öllum löndum og eiga það sameiginlegt að vera reiðubúnin að fórna sjálfstæði og velsæld föðurlandsins fyrir eigin hag.

Í raun og veru þá erum við nú rétt um þessar mundir að steypast á ónýtum klárnum ofan í hyldýpið og enginn von um björgun nema að mokað verði út og gripið til róttækra aðgerða og stokkað upp á nýtt hér í ömulegri spillingunni, rétt eins og t.a.m. segir í fyrirsögn þessarar færslu.

Allt önnur áhrif en hvað varðar flugið

Ordnung muss sein.

Skipun þessarar vesælings stúlku í starf sóttvarnarlæknis minnir helst á þegar Lárus Welding var keyptur til að taka skellinn í Glitni í andaslitrum bankans hérna um árið.

Auðvitað er hluti af ráðningarsamning hennar að verja gerðir fyrirrennara sinna, svo henni er nokkur vorkun.

Ég get ekki að því gert, að þegar ég les um dóma yfir tíræðum öldungum sem t.a.m. unnu sem unglingar í skrifstofuvinnu á vegum nazista í síðari heimstyrjöldinni, að hvort þríeykið alræmda verði notað sem Grýlur á óþæg börn í komandi framtíð og fallegu hjúkrunarkonurnar úr Laugardalshöllinni neyðist til að flýja gjörðir sínar til Argentínu eða lengra.

Kannast ekki við rannsóknirnar

Fram, fram fylking og forðum okkur hættu frá.

Miðflokkurinn, með Sigmund Davíð í stafni er því miður skásti og líklega eini raunhæfi valkosturinn í ömurlegri flóru þeirrar spillingar og vanhæfi sem viðgengst fyrir opnum tjöldum á hinu svokallaða Alþingi og hjá öðrum stofnunum þjóðarinnar, þó greina megi mögulega fáeina Sjálfstæðismenn sem sýna merki um ákveðin heillyndi djúpt undir niðri.

Fyrir öryrkja, smælingja og fátæka eldri borgara er Flokkur fólksins skiljanlegur valkostur, en síður en svo fyrir almenna borgara okkar auðuga lands, sem verið er að stela frá okkur í þessum rituðu orðum og við Íslendingar horfum á sem lamaðir eða steinrunnir væru.

RÓTÆKRA breytinga og endurskipulagningar á öllum innviðum þjóðfélagsins er greinilega þörf á, ef ekki á ILLA að fara.

Óttast klofning

Er stund stórra breytinga að nálgast?

Á sama tíma og bandarísk yfirvöld stefna af veikum mætti á að draga Donald Trump fyrir dómstóla og nú fyrir vanrækslu á vörslu trúnaðarskjala, þá má jafnvel á miðlum á borð við youtube sjá upptökur frá síðustu dögum, þar sem forstjóri FBI, Christopher Wray sætir yfirheyrslum hjá fulltrúadeild þingsins og er hreinlega dreginn sundur og saman í háði í veikburða tilraunum hans til að verjast beinskeyttum ásökunum þingmanna á borð við Matt Gaetz og Wesley Hunt, þar sem rökstuddar ákærur í garð Biden feðga, Hillary, auk Úkraínu óhreininda og síðustu kosningasvika og greinilegan þátt FBI í þeim málum, koma við sögu.

Miðlar á borð við youtube reyna þó af veikum mætti að ritskoða and-demókratískan áróður, en eigi að síður komast þeir þó ekki með tærnar þar sem íslenskir fjölmiðlar hafa hælana, því þessar "illgjörnu" ásakanir og allar aðrar neikvæðar fréttir eru hreinlega útilokaðar, eins og t.a.m. blasir við á fréttum dagsins hér í blaðinu.

Morgunblaðið er þó þrátt fyrir allt líklega illskásti fjölmiðill okkar, auðvitað með undantekningu hinnar voðalegu og hötuðu Útvarps Sögu, en til gamans læt ég fljóta með þá staðreynd, að í Kína og líklega sömuleiðis Rúslandi er lokað fyrir aðgang að mbl.is sem er þó fjölmiðillinn sem sendiherrar þessara sömu illu ríkja velja að tjá sjónarmið sín í.

Það kaldhæðnislega við þessa ritskoðun er sú staðreynd, að það eru ekki stjórnvöld í þessum hræðilegu einræðisríkjum sem beita mbl.is ritskoðun, heldur er það sjálf netöryggisdeild mbl.is sem hefur sett a.m.k. Kína á svartan lista að þeirra eigin sögn vegna ótta og gruns um mögulegar netárásir.

Það er þó eftir sem áður hægt að njóta allra annara íslenskra fjölmiðla beint og vandkvæðaljóst hvar sem er í Kína, þó auðvitað sé ekki hægt að njóta mogga-bloggs og ómissandi dánartilkynninga í annars ágætum útsendingum Útvarps Sögu, Rúv og Dv.

Trump fyrir rétt í Flórída í maí 2024