Jónatan Karlsson

Þær Kristrún, Þorgerður og Inga í humáttina á eftir í takmarkalausri þjónkun þeirra og þáttöku í stríðsrekstrinum í austur héruðum Úkraínu eru að mínu mati vorkunarverðar.
Þrátt fyrir bjartar vonir um frægð og frama innan stofnana á borð við NATO eða ESB að núverandi störfum loknum, líkt og þær Ingibjörg og Þórdís fyrirrennarar þeirra eru ljóslifandi dæmi um, þá verður ekki umflúið að fyrir þeim öllum liggur þrátt fyrir tekjurnar og skattfríðyndin öll, að lifa og andast að lokum með sjálfum sér og verkum þeirra án nokkurar fullvissu um uppgjör framhaldsins - eins og mögulega á við um okkur öll.

Ég undrast og er hreinlega steini lostinn yfir kulda og tilfinningaleysi þessara sömu valdamiklu kvenna, þegar kemur að hryllingnum sem heiminum er boðið upp á í beinni útsendingu, en þar á ég auðvitað við svívirðileg morð og útrýmingu gyðinga í Ísrael á Palestínsku þjóðinni - að því virðist, aðalega varnarlausum konum og börnum.

Þessi hræðilegu fjöldamorð láta þessar sömu fraukur sér sem vind um eyru þjóta og halda fullu stjórnmálasambandi, íþróttastarfi og jafnvel óbreyttri þátttöku í Eurovision með Ísrael, rétt eins og ekkert sé eðlilegara - Sveiattan

	Stöðva flutning birgða og hóta frekari afleiðingum
Ábyrgðarmaður færslu Tilkynna um óviðeigandi tengingu við frétt

Síðusta viðbót milljarða fjárgjafar Kristrúnar Frostadóttur til Selenskís Úkraínuforseta var  útskírð sem staðfesting á fyrirheitum fyrri ríkisstjórnar um framlög til hinnar umdeildu og sannarlega blóðugu baráttu Úkraínu gegn Rússlandi.

Þessum höfðinglegu framlögum íslensku þjóðarinnar, sem fámenn klíka stjórnmálamanna velur ítrekað að taka úr rýrum sjóðum íslenskra skattgreiðenda eða fjármagna með erlendum lánatökum inn í framtíðina, fer því miður alfarið fram í óþökk og án nokkurs samþykkis meirihluta þjóðarinnar.

Að mínu mati jaðra þessar greiðslur til óskyldra ríkja í stríðsrekstur við föðurlandssvik, því nú er örvæntingarfull þörf fyrir hverja krónu hér á landi, því innviðir Íslands eru hreinlega að hruni komnir, hvert sem litið er.

Til að bæta gráu ofan á svart í þessum sorglegu vangaveltum mínum, þá verður umræðan um svokallaðar "Kick back" greiðslur til ónefndra fjárflutningsaðila sífellt háværari.

	Ísland eykur fjárstuðning við Úkraínu
Ábyrgðarmaður færslu Tilkynna um óviðeigandi tengingu við frétt

Blautir draumar germanskra demókrata, hvaða nafni sem þeir nefnst hverju sinni, hafa lengi beinst í austur - Drang nach osten.

Gamli þjóðernis sócíalistinn sjálfur, Foringinn heitinn, gleðst eflaust í gröf sinni yfir einarðri samstöðu sameinaðrar Evrópu í baráttuni við hataða Rússana og á hann það kannski ekki skilið - þrátt fyrir allt?

Væri ekki réttlát lausn hinna óuppgerðu eftirmála tveggja heimstyrjalda og kaldastríðsins að auki, að ESB og Rússar berðust til úrslita, án beinnar aðkomu Kína og Bandaríkjanna, annarar en í sölu dýrra hertóla, sem fjárhagur þeirra þarfnast einmitt svo mjög og hreinar línur fengjust að auki í Evrópu til langrar frambúðar?

Bara hugmynd í miðri viku á hjara veraldar!!!

	Virðist skella skuldinni á Úkraínumenn
Ábyrgðarmaður færslu Tilkynna um óviðeigandi tengingu við frétt

Fullyrðingar Pete Hegsth Varnarmálaráðherra Bandaríkjana varðandi raunverulega stöðu stríðsrekstursins í Úkraínu, sem komu fram í ræðu hans á NATO fundinum í Brussel í gær, miðvikudaginn 12. febrúar og varpa nýju og breyttu ljósi á allar fullyrðingar fyrri og núverandi Utanríkisráðherra Íslands til þjóðar þeirra - okkar Íslendinga.

Morgunblaðið, RÚV og aðrir fréttamiðlar hér á skerinu, auðvitað að óþekktaranganum Útvarpi Sögu frátalini, vita greinilega ekki í hvorn fótinn þeir eiga að stíga og vitna því ekkert í þessi voðalega neikvæðu orð bandaríska ráðherrans, heldur aðeins í andmæli breska varnarmálaráðherrans gegn samningum Trumps og Pútíns að Selenski fjarstöddum og hjá RÚV um almenna óánægju Evrópuríkja við friðarviðræðurnar í heild sinni.

Það næsta sem aumingja Utanríkisráðsfrúrnar geta kviðið fyrir, ofan á mannorðs missinn eru frekari uppljóstranir frá þeim félögum, Musk og Trump varðandi enn kvalafyllri upplýsingar um hinar þekktu Kick back-greiðslur af framlögum til Selenskis og félaga í nafni stuðnings við vopnakaup fyrir heri Úkraínu, sem telja hvað okkar Íslendinga varðar, u.þ.b. 37 milljarða króna, svo framundan eru væntanlega svefnlausar nætur hér hjá einhverjum órólegum ónefndum.

	Úkraínumál verði ekki rædd án Úkraínu
Ábyrgðarmaður færslu Tilkynna um óviðeigandi tengingu við frétt

Ef tekið yrði í taumana og þjóðir heimsins einhentu sér um að stöðva helstefnu zionista í Palestínu, þá mætti á friðsamlegan hátt tengja Gaza svæðið og Vesturbakkann með beinni og breiðri vegtengingu og rústir eyðileggingarinnar yrðu notaðar í uppfyllingu við ströndina, þar sem mætti koma fyrir stórskipahöfn og fyrsta alþjóðlega flugvelli Palestínumanna.

Auðvitað yrði ólöglegar byggðir gyðinga á Vesturbakkanum að víkja og alþjóðlegar friðargæslusveitir að gæta landamæra þessara ólíku þjóða og látið í fyrstu reyna á hvort þær gætu deilt Jerúsalem í bróðerni.

En hryllilegur og ótrúlegur veruleiki dagsins í dag er því miður fjarri þessari draumsýn.

Þjóðir okkar vestræna heims horfa aðgerðalausar á hræðilegt þjóðarmorðið í Palestínu án þess svo mikið sem að lyfta litla fingri, þrátt fyrir að það teljist glæpsamlegt atferli að bregðast ekki til hjálpar, þegar einhver verður vitni að einstakling í háska.

Þó meðferð gyðinga á heimamönnum í Palestínu hafi hafi verið hræðilegri en orð fá lýst, þá er hlutur Bandaríkjamanna í blóðugu landráninu óumdeilanlegur, því ekki nóg með að þeir leggi til vopnin, heldur koma þeir ætíð í veg fyrir allar hamlandi aðgerðir á vegum hinna máttlausu Sameinuðu Þjóða með því að beita ítrekað neitunarvaldi sínu og hver er þá versti sökudólgurinn?

Því miður virðist nýkjörinn forseti Bandaríkjana teljast til þess hóps sem styður útrýmingu saklausra heimamanna Palestínu, þannig að lítil von er um breytingar úr þeirri átt, en líkt og augljós hrörnun Evrópu ber með sér, þá má líkja yfirstandandi umskiptum í Bandaríkjunum við dauðakippi eða fjörbrot þessa voldugasta heimsveldis síðustu aldar, því við blasir, að nýir tímar eru að ganga í garð og ný heimsveldi taka í vaxandi mæli að bæra á sér.

Það sorglega eða grátbroslega við núverandi þróun er því miður, að ef palestínsku þjóðinni verður útrýmt eða rekinn í útlegð, þá segir mér hugur um að þjóðinni Ísrael verði eytt í eldi og eimyrju, líkt og spáð var þegar tjaldið rauða rifnaði á leiðinni á Golgata.

	Ár frá andláti Hind: Festist í bíl með látinni fjölskyldu
Ábyrgðarmaður færslu Tilkynna um óviðeigandi tengingu við frétt