Pissað í skóinn.

Það er bæði skiljanlegt og virðingarvert að hjálpar- og mannúðarsamtök bjargi fólki frá drukknun á lekum farkostum á hafi úti, en það nær ekki nokkri átt að setja þau í land í Evrópu, þar sem íbúarnir sem fyrir eru hafa alveg nóg með sig og sína.

Það ætti hverjum heilvita manni að vera ljóst að það eina rökrétta væri, að eftir mannúðlega björgun ætti samstundis að sökkva farkostinum og skila fólkinu aftur á brottfararstaðinn.

Ef þessu fyrirkomulagi væri samviskusamlega framfylgt í nokkra mánuði, þá myndi þessum svaðilförum brátt ljúka og þetta fólk þ.a.l. fljótlega hætta að leggja líf sitt í hættu á tilgangslausum svaðilförum á Miðjarðarhafi.

Björguðu ungbarni af Miðjarðarhafi

Fyrsta skrefið til endurreisnar er að leyfa þjóðinni að heyra símtal Geirs Haarde og Davíðs.

Það hlýtur að vera orðið tímabært að hulunni sé svipt af öllu fjármála leynimakki og annari glæpastarfsemi einstaklinga og samtaka, hvaða nöfnum sem þau kunna að nefnast.

Það hlýtur að vera eðlilegt, nú þegar við þjóðinni blasa buxnalausir gangsterar og embættismenn hvert sem litið er, að þeir verði krafnir endurgjalds og þeim miskunarlaust refsað.

Það hefur lengi verið vandamál hér í fámenninu að hver eigi að hafa eftirlit með þeim sem treyst er til að annast eftirlitið, en það hlýtur þó að vera unnt að finna handfylli embættismanna sem eru svo vandir að virðingu sinni að þeir verða ekki keyptir.

Kaupi hlutinn í Arion banka