Tibet Diary og Borgarahreyfingin

Um þessar mundir eru mikil hátíðahöld í Tíbet, en þar er haldið uppá 50 ára frelsi Serfa undan oki fámennrar yfirstéttar, sem var hrakin í útlegð ásamt yfirklerki sínum. Það hefur farið lítið fyrir umfjöllun um þessi hátíðarhöld í íslenskum fjölmiðlum, líklega vegna þess að okkur Íslendingum hættir til að vera kaþólskari en jafnvel hans heilagleiki sjálfur í Róm og ekki viljum við hrófla við þeirri ímynd sem sem Bandarísk yfirvöld óska að gefa af ástandi mála í t.a.m. Kína. Serfar eru u.þ.b. 95% Tíbeta en af hinni forsmáðu brottreknu útlagastjórn er það helst að frétta að ekki ein einasta stjórn allra ríkja jarðar er svo skini skroppin að viðurkenna hana sem slíka. Af yfirklerki útlagastjórnarinnar, Dahli Lama, er það helst að frétta að líf hans og ferðir eru líklega enn sem áður fjármögnuð og skipulögð úr einhverju daunillu herbergi í "Pentagon" Þó bar þann skugga á heimsmyndar sköpuninna nýverið að sýndir voru í Bandarísku sjónvarpi ferða þættir tveggja Bandarískra ungmenna um Tíbet og er því skemmst frá að segja að þykja þeir varpa öðru og bjartara ljósi á ástandið í Tíbet, heldur en Dahli Lama og atvinnuveitendur hans hafa kappkostað að upplýsa heimsbyggðina um s.l. áratugi. Þættir þessir heita: Tibet Diary og má þá finna t.d. á Google og You tube fyrir þá sem hafa ekki endalausa þolinmæði til að bíða eftir því að t.a.m. Rúv hristi af sér sjúklegan doðann og sinni hlutverki sínu um hlutleysi í fréttaflutningi og annari upplýsinga miðlun.                                                                            

Í aðdraganda Ólympíuleikanna í Peking hófust vikuleg mótmæli við Kínverska sendiráðið í Reykjavík með tilheyrandi fjölmiðla athygli og tók þar útvarpsmaður aðal skipuleggjanda mótmælana, Birgittu Jónsdóttur, listakonu tali og spurði hana hvort hún hefði dvalist mikið í Tíbet og þá kom hún með milljón dollara svarið : "Nei, en ég var skiptinemi í Bandaríkjunum í eitt ár"                                  Þessi sjálfsagt ágæta kona, sem ég hef ekki heyrt að hafi mótmælt við sendiráð Breta vegna beytingar hryðjuverkalagana á okkur Íslendinga eða við sendiráð Bandaríkjamanna vegna verndaðra stríðsglæpa Ísraelsmanna á Gasa, skipar efsta sæti Borgarahreyfingarinnar í Reykjavík- suður, þannig að nú veit ég alla vega um einn flokk sem ég sem "sannur" þjóðernissinni og föðurlandsvinur búandi í Reykjavík-Suður gæti aldrei kosið, auk þess sem þetta framboð vill eindregið loka Reykjavíkur flugvelli.                                                                                                   Að lokum hvet ég alla landsmenn til að kjósa og þá í versta falli beita útilokunar aðferðinni, frekar en skila auðu eða ógildu.