Draumur í minningu Hind litlu, um friðsamlega tveggja ríkja lausn.

Ef tekið yrði í taumana og þjóðir heimsins einhentu sér um að stöðva helstefnu zionista í Palestínu, þá mætti á friðsamlegan hátt tengja Gaza svæðið og Vesturbakkann með beinni og breiðri vegtengingu og rústir eyðileggingarinnar yrðu notaðar í uppfyllingu við ströndina, þar sem mætti koma fyrir stórskipahöfn og fyrsta alþjóðlega flugvelli Palestínumanna.

Auðvitað yrði ólöglegar byggðir gyðinga á Vesturbakkanum að víkja og alþjóðlegar friðargæslusveitir að gæta landamæra þessara ólíku þjóða og látið í fyrstu reyna á hvort þær gætu deilt Jerúsalem í bróðerni.

En hryllilegur og ótrúlegur veruleiki dagsins í dag er því miður fjarri þessari draumsýn.

Þjóðir okkar vestræna heims horfa aðgerðalausar á hræðilegt þjóðarmorðið í Palestínu án þess svo mikið sem að lyfta litla fingri, þrátt fyrir að það teljist glæpsamlegt atferli að bregðast ekki til hjálpar, þegar einhver verður vitni að einstakling í háska.

Þó meðferð gyðinga á heimamönnum í Palestínu hafi hafi verið hræðilegri en orð fá lýst, þá er hlutur Bandaríkjamanna í blóðugu landráninu óumdeilanlegur, því ekki nóg með að þeir leggi til vopnin, heldur koma þeir ætíð í veg fyrir allar hamlandi aðgerðir á vegum hinna máttlausu Sameinuðu Þjóða með því að beita ítrekað neitunarvaldi sínu og hver er þá versti sökudólgurinn?

Því miður virðist nýkjörinn forseti Bandaríkjana teljast til þess hóps sem styður útrýmingu saklausra heimamanna Palestínu, þannig að lítil von er um breytingar úr þeirri átt, en líkt og augljós hrörnun Evrópu ber með sér, þá má líkja yfirstandandi umskiptum í Bandaríkjunum við dauðakippi eða fjörbrot þessa voldugasta heimsveldis síðustu aldar, því við blasir, að nýir tímar eru að ganga í garð og ný heimsveldi taka í vaxandi mæli að bæra á sér.

Það sorglega eða grátbroslega við núverandi þróun er því miður, að ef palestínsku þjóðinni verður útrýmt eða rekinn í útlegð, þá segir mér hugur um að þjóðinni Ísrael verði eytt í eldi og eimyrju, líkt og spáð var þegar tjaldið rauða rifnaði á leiðinni á Golgata.

Ár frá andláti Hind: Festist í bíl með látinni fjölskyldu

Athugasemdir

[EINAR S HÁLFDÁNARSON (IP-tala skráð) 31.1.2025 kl. 22:50]

Jónatan

Hvað segirðu um að breyta aðeins til hvað varðar þráhyggju þína gagnvart gyðinugum? Fjalla aðeins um gyðingana sem voru reknir til Ísraels of aröbum og voru munfleiri en arabarnir sem hröktust frá hinni svokölluðu "Palestínu"? Nú eða fórnarlömb klerkanna í Íran eða Armena sem Azerar hafa hrakið aldagömlum heimkynnum sínum. Tugmilljónir misstu heimkynni sín Evrópu í stríðslok. Á Balkanskaganum missti minnst milljón manna lönd sín fyrir skömmu.

Þjóðarmorð er skilgreint hugtak; kynntu þér það. Það er bara ein skýring á því að þú einskorðar þig við meinta glæpi gyðinga.

[Jónatan Karlsson, 1.2.2025 kl. 09:56]

Sæll Einar.

Þú hefur þínar fastmótuðu skoðanir, líkt og þér er sem betur fer heimilt að hafa, þó reyndar skoðanabræður þínir og ef til vill þú sjálfur aðhyllist ekki það frelsi - eins og þú kannast við.

Nú ert þú hreinlega að verða vitni að því, að gyðingar eru um þessar mundir að vekja fyrirlitningu, andúð og jafnvel hatur manna um heim allan með grimmdarverkum þeirra og miskunarleysi gagnvart tugum þúsunda saklausra borgara, kvenna og barna í Palestínu.

Öll samúðin í garð gyðinga, sem hamrað hefur verið á til hins ýtrasta frá stríðslokum virðist nú því miður vera að fjúka út í veður og vind - eins og þú hlýtur að sjá.