Og hvar var Rauði Krossinn þá?

Í illræmdar fangabúðir Þjóðverja á stríðsárunum áttu fulltrúar frá Rauða Krossinum möguleika á aðgangi, m.a með pakka og bréf til fanga og auðvitað til eftirlits, en eins og ég hef áður nefnt í bloggi mínu, þá efast ég um að það sama eigi við þá Palestínumenn sem hýrast sem oftast án dóms og laga í dyflisum Ísraelsmanna sjálfra.

Ég hef auðvitað fyrir löngu síðan og oftar en einu sinni látið í ljós undrun mína á af hverju í ósköpunum Friðargæslusveitir Sameinuðu Þjóðanna séu ekki sendar til Palestínu, líkt og þær eru eins og allir vita sendar á ófriðarsvæði út um allar jarðir, en ástæða þess að þeim eru ekki beitt í Ísrael er er víst sú að gyðingarnir segjast sjálfir geta séð um alla friðargæslu og er það látið gott heita, auðvitað með Bandaríkin og öll þeirra leppríki á borð við Ísland sér að baki.

Það hlýtur nú að blasa við öllu heilvita fólki, hvernig aðbúnaður fanga í fangelsum Ísraela sé, miðað við hvernig þeir meðhöndla palestínsku þjóðina í heild sinni á Gaza og á Vesturbakkanum.

Og Íslendingar dansa bara og leika sér við þessa óþokka, rétt eins og ekkert sé, í stað þess að fordæma og auðvitað slíta öllu stjórnmálasambandi við þá og það með látum.

Segja palestínska fanga pyntaða

Athugasemdir

[Hördur Thormar (IP-tala skráð) 7.8.2024 kl. 18:49]

Að sjálfsögðu má aldrei pynta fanga, hvorki í Ísrael né annars staðar, og ætti  að hafa eftirlit með því. En hvernig er líður Hamas gíslunum frá 7. okt., þ.e. þeim sem eftir lifa, hver hefur eftirlit með þeim?