Vegabréf okkar gjaldfalla í réttu hlutfalli við allt annað á Íslandi.

Ástandið á Íslandi er ekki gæfulegt, eins og blasir við hvert sem litið er. Í gær voru það íslensku flugfélögin Icelandair og Play, sem fjallað var um í fréttum og virtist niðurstaðan sú að ekki væri grundvöllur fyrir rekstri tveggja alþjóðlegra flugfélaga hér á landi og því réttast að sameina þau, líklega þá með það fyrir augum að bjarga þeim frá gjaldþroti.

Vegakerfið er ónýtt og allur rekstur og framkvæmd sem snýr að umferðarmálum frá a-ö er eins og allir sjá, fyrir neðan allar hellur, líkt og verður að segjast um heilbrigðis-skóla- og reyndar öll hin kerfin hér í ruglinu og spillingunni.

Ég minnist þess tíma, þegar Íslendingar marseruðu rjóðir í kinnum undir blaktandi fánum og ættjarðarlögum á tyllidögum lýðveldisins og allir stoltir yfir að íslenska bláa vegabréfið okkar væri eitt það öflugasta og víðtækasta í heimi, en nú er það líka hrunið langt aftur fyrir öll samanburðar lönd okkar, eins og sjá má í meðfylgjandi upptalningu fréttarinnar.

Íslenska vegabréfið tíunda öflugasta ferðaskilríki heims

Athugasemdir

[Loncexter, 24.7.2024 kl. 17:38]

Fyrir mörgum árum var það fullyrt að kæmust konur á þing og í helstu stöður þjóðfélagsins yrði betra að búa á íslandi.

Sýnist að einhver eða einhverjir þurfi að draga þessi orð til baka, og koma kellingum aftur í eldhúsið og á fæðingardeildirnar.

Eða eiga arabar og afríkubúar að uppfylla landið ?

[Ásgrímur Hartmannsson, 24.7.2024 kl. 19:05]

Nú fjármagnar ríkið Hamas, bæði beint og óbeint, flytja inn nauðgara og aðra ofbeldismenn og reyna að þagga niður lla þeirra glæpi,
þeir stunda það að stela pening beint úr ríkissjóði í skugga stríðs í Úkraníu, og svo leifa þeir útlendu fyrirtæki að dæla eiturefnaúrgangi í grunnvatnið í nafni umhverfisverndar.

Fólk heldur enn að það sé best að ríkið sjái um allt, það sé farsælast.

[Jónatan Karlsson, 24.7.2024 kl. 22:42]

Sælir félagar.

Það verður því miður að viðurkennast að aukin völd og afskipti kvenna hafa síður en svo leitt til góðs á nokkru einasta sviði, eftir því sem best verður séð, öllu heldur heimsku og linkindar okkar sjálfra, því holdið er jú veikt og syndin lævís og lipur, eins og sagt var hérna um árið.