Engin Nuremberg-réttarhöld aftur.

Nú þegar COVID-faraldurinn á Íslandi er kominn á það stig að yfirvöld ráðgera í fyllstu alvöru að leyfa sýktum einstaklingum að starfa á sjúkrahúsum og hjúkrunarheimilum og sífellt fleirri fréttir berast af umfangsmiklum mótmælum gegn þvingunar aðgerðum yfirvalda um heim allan, auk vaxandi efasemda um raunverulegt gildi og gagn þessara ítrekuðu bólusetninga, þá byrja óneytanlega að renna á mann grímur tvær, þó þrí-bólusettur sé.

Ég verð að viðurkenna að upp í huga minn kom samlíkingin við kvikmyndina Titanic, þegar ég sat í fyrsta sinn ásamt hundruðum annara og beið eftir sprautunni góðu við undirleik fallegrar tónlistar, en fumlaus vinnubrögð fallegra hjúkrunarkvenna komu þó í veg fyrir alla frekari ímyndunarveiki.

Það er sannarlega vonandi að þau Þórólfur, Víðir, Alma og frábæra framlínu fólkið allt verði aldrei sökuð um að hafa gert annað en að fylgja sannfæringu sinni um bestu lausnina gegn veirunni illvígu, sama hvað verstu hrakspár hinna svartsýnustu varðar og verði aldrei sökuð um eitt né neitt misjafnt.

Neyðarúrræði að kalla fólk úr einangrun

Athugasemdir

[Ingólfur Sigurðsson, 15.2.2022 kl. 23:26]

Þetta er allt gott fólk, Þórólfur, Víðir og Alma, en vissu þau meira en þau létu uppi? Mörg svör Þórólfs hafa ekki verið trúverðug, þegar hann hefur svarað eins og álfur útúr hól að hann viti ekkert um hvað verið er að ræða. Ekki trúverðugt að sóttvarnarlæknir viti ekki um ýmsar stjórnsýsluaðgerðir annarra, eða kenningar ýmsar, ja nema þá að samskiptin þarna séu ekki nógu góð, og hann lokaður í sínum fílabeinsturni.

Auk þess þótt þetta sé vafalaust gott fólk er spurning um stóra samhengið, atburðina erlendis, risalyfjafyrirtækin, þeirra stjórnendur. 

Voðaverk heimsins eru oftast framin í góðri trú. Andrúmsloft nútímans virðist eðlilegt, en er afleiðing af villum fortíðarinnar oft. 

Einhver fékk þá "góðu" hugmynd að offjölgun væri vandamál í heiminum og að veiru þyrfti til að redda því, kannski til að losa undan mengun, eða láta stórfyrirtækin græða meira.

Þríeykið er frekar lítið hjól í alþjóðlegu samhengi, en ef dómsmál verða útaf þessu í útlöndum fylgir Ísland auðvitað með í þeirri þróun.

[Hörður Þormar (IP-tala skráð) 16.2.2022 kl. 12:16]

Jónatan,"Nuremberg-réttarhöld"?

Ég býst við að þú sért að vísa til Nürnberg réttarhaldanna eftir stríðið. Nürnberg er fræg miðaldabörg í suðurhluta Þýskalands. Hér á landi hefur hún kannski verið kölluð Nurnberg.  Ósköp fer það fyrir brjóstið á mér þegar allt í einu er farið að nota einhverja enska afbökun á nafni þessaar borgar.

[Jónatan Karlsson, 16.2.2022 kl. 21:39]

Þakka ykkur báðum innlitið.

Færsla mín mætti ef til vill kallast einhverskonar hráskinnaleikur milli alvöru og kaldhæðni, sem ég vona að raski engu, þó svo með loðinni tilvísun í Nürnberg réttarhöldin, sem ég til öryggis gúglaði stafsetninguna á, hafi réttilega verið kauðalegt klúður - takk fyrir það.