Markviss hræðsluáróður gagnvart Kína.

Það er skondið að fylgjast með þeim skoðanamyndandi áróðri sem stöðugt dynur á okkur Íslendingum, sérstaklega þegar hann hefur lítið með, eða beinist hreinlega gegn raunverulegum hagsmunum okkar, líkt og þegar íslenskir fjölmiðlar tönnluðust alla daga á litríkum frásögnum gleðistúlkunar Stormy Daniels og nú síðast um þessar mundir, daglegar fréttir af gulu-hættuni, ýmist frá Kínahafi eða mótmælum í Hong kong, svo ekki sé nú minnst á hina "grunsamlegu" framvindu G5 tækninar, auk beltis og brautar áætlunarinnar.

Hvað flug þessara véla snertir, sem fréttin snýst um, þá verður að teljast eðlilegt að Kínverjar sýni mátt sinn og megin gagnvart sinni æfafornu eyju, líkt og öll önnur þjóðríki myndu gera undir sömu kringumstæðum. Það hlýtur aftur á móti að vera erfiðara að koma með gild rök fyrir nærveru þungvopnaðra Vesturlanda með Bandaríkjamenn broddi fylkingar þarna í bakgarði Kína, önnur en staðfestingu á hefðbundinni heimsvaldastefnu þeirra í sinni tærustu mynd.

Það er hlálegt að upplifa vaxandi áróður fjölmiðla hér á skerinu gagnvart Kína og öllu kínversku um þessar mundir, því samskipti okkar, vinátta og gagnkvæm virðing hafa á engan hátt breytst, heldur er líklegri skýring, undirlægja íslenskra yfirvalda gagnvart bandarískum áróðri og mögulega þó allra helst, hræddir og huglausir fréttamiðlar hérlendis, með sína óreyndu eða svín-beygðu fréttamenn-eða öllu heldur konur, sem aðalega þýða eftir bestu getu af fyrirlögðum miðlum, en þora ekki atvinnuöryggis síns vegna að sinna sjálfstæðri fréttamensku.

Það olli mér vonbrigðum að sá litli miðill sem ég hafði einna mestar mætur á fyrir hugrekki og sjálfstæð vinnubrögð hér á landi, virðist nú í umfjöllun sinni um erlend málefni hafa söðlað um og ganga nú einna fremst í söguburði og hræðsluáróðri um þetta vinaríki okkar, ámóta þeim sem stundaður var hér, þegar vináttu-og viðskiptatengsl okkar við Rússland voru eyðilögð, sjálfum okkur til mests skaða, en neyðin kennir víst naktri konu að spinna!

38 kínverskar herþotur í lofthelgi Taívans

Athugasemdir

[Hörður Þormar (IP-tala skráð) 3.10.2021 kl. 13:47]

Því miður er ýmislegt sem bendir til þess að ráðamenn í Kína, undir forystu Xi Jinping, séu að hverfa frá því frjálslyndi sem þar hefur ríkt undanfarna áratugi og ætli sér að snúa aftur að hugmyndafræði Maós formanns.

[Jónatan Karlsson, 3.10.2021 kl. 15:33]

Sæll Hörður

Þú segir fréttir þykir mér. Það væri gaman ef þú gætir nefnt einhver af þessum ýmsu merkjum um afturhvarfið til hugmyndafræði Maós, sem þú greinir bara si svona, því það virðist alveg hafa farið framhjá mér.

[Hörður Þormar (IP-tala skráð) 3.10.2021 kl. 16:18]

Hér vísa ég til umsagnar í þýska sjónvarpinu ZDF síðastl föstudagskvöld, muni ég rétt.

Þar kom fram að nýlega var ákveðið að takmarka eða leggja niður almenna enskukennslu, hefur fjöldi enskukennara þar með misst vinnuna.

Einnig var á það bent að myndum af Maó formanni er nú meira haldið á lofti og meiri áhersla lögð  þjóðernislegan áróður með hersýningum o. fl. uppákomum sem minna óneitanlega á Þriðja ríki Hitlers.

[Hörður Þormar (IP-tala skráð) 3.10.2021 kl. 16:51]

Umsögnin sem ég vísa til hefst á 10. mín. Hægt er að fá tölvuþýddan texta á Íslensku:                          heute journal vom 01.10.2021           

[Friðrik Már Jónsson, 4.10.2021 kl. 09:28]

Er ekki rétt að hafa staðreyndir í huga?  Kínverjar hafa ráðist á og stolið eyjum og skerjum, fiskimiðum og olíulindum í Suður-Kínahafi öllu.  Langt utan eigin efnahagslögsögu en innan lögsögu Víetnam, Filippseyja, Malasíu, Brunei og Indónesíu.  Halda þar úti herliði og reisa herstöðvar, reka alla aðra í burtu og skjóta á þá sem ætla að verja sinn rétt.  Allt auðvitað í trássi við alþjóðalög og viðurkenna ekki alþjóðlega dómstóla í málinu.  Hafa snúið öllum vinaþjóðum sínum á því heimssvæði gegn sér og löndin leyta nú eftir vernd og viðveru Kananna og Ástralíu ásamt Japan og Suður Kóreu. Það þarf engan bleyðuskap til að hræðast þetta árásarríki og leggjast undir vernd USA, fremur sjálfsbjargarviðleytni. 

[Jónatan Karlsson, 4.10.2021 kl. 16:56]

Sæll Friðrik

Ég nenni ekki að deila um samskipti og landamæra hnökra Kína við alla þrettán nágranna sína sem þeir deila landamærum með, en sitt sýnist hverjum, eins og þú getur sannreynt sjálfur með því að lesa fréttir úr ýmsum áttum.

Samskiptin við S-Kóreu og Filippseyjar eru t.a.m. með ágætum og alveg þolanleg við Japan, þrátt fyrir að SS sveitir Þriðja Ríkisins hafi nánast verið eins og skátadrengir í samanburði við aðfarir Japana í Kína og Kóreu fyrir mannsaldri síðan, en það er önnur saga.