Æpandi þögn mbl.is um byggingarframkvæmdir við Reykjavíkurflugvöll.

Það er blátt áfram sorglegt að horfa upp á stuðning flaðrandi varðhunda auðvaldsins á eyjunni Íslandi við ráðamenn, sem endurspeglast skýrlega í umfjöllun fjölmiðla, eða öllu heldur skorts á henni um aðgerðir eða aðgerðaleysi, eftir sem á við um ógeðslega hagsmunagæslu auðugrar yfirstéttarinnar.

Síðasta dæmið um þagnarbindindið eru auðvitað byggingarframkvæmdir þær er hafnar eru við enda NA/SV flugbrautar Reykjavíkurflugvallar.

Innanríkisráðherrann hafði þó áður gefið digurbarkalegar yfirlýsingar í þá veru að ekkert yrði aðhafst án hennar staðfasta vilyrðis, enda var sá einarði kvennskörungur samróma kjörin í embætti varaformanns annars helsta hagsmunahóps auðugra Íslendinga og það með húrrahrópum.

Það er nefnilega töluverður munur á handföstu verklagi laganna "þjóna" eftir því hvert tilefnið er, eins og blasti jafn áberandi við fyrir augum okkar allra, þegar brotist var með akstursleiðinna í gegn um friðlýst Gálgahraunið undir harðsnúinni lögregluvernd, eins og Ómar Íslandsvinur og félagar fengu að kenna á.

Dæmin um óheillyndin eru því miður fjölmörg og allstaðar, en erfiðara og jafnvel ómögulegt að finna dæmi um réttlæti og jafnræði hér á Íslandi árið 2015.

Skóflustunga í Vatnsmýri