Spor í rétta átt - loksins

Aldrei þessu vant, þá kemur jákvæð tillaga af viti frá þessu "liði"

Auðvitað er þetta þó aðeins byrjun á að breyta hugarfari á meðferð fanga og öðrum hópum sem eru á framferði alþýðu manna.

Fangar í fangelsum landsins ættu sömuleiðis auðvitað að leggja fram vinnu fyrir fæði, húsnæði og gæslu, t.a.m. með byggingar- og vegavinnu.

Veigamikið væri auðvitað að einungis öryrkjar hlytu örorkubætur og það mun hærri en nú tíðkast, en á móti kæmi að alli "aðrir" sem orðið hafa sér úti um örorku nafnbótina á mismunandi hæpnum forsendum fengju atvinnu við þeirra hæfi.

Ágætis framhald á þjóðfélagsumbótum þingmannsins væri að leggja fram tillögu um að hámarks fjöldi erlends (ódýrs) vinnuafls á vinnustöðum mætti aldrei vera hærri en t.d. 40% af mannafla.

Síðasta ábending mín til þingmannsins, en ekki sú sísta er að atvinnulausir verði að taka þá vinnu sem fæst, þó hún sé jafnvel bæði illa launuð og leiðinleg og langt undir "virðingu" hins atvinnulausa.

Það er nefnilega engum sem finnst sérstaklega gaman eða eftirsóknarvert að standa við færibandið í frystihúsi eða þrífa salerni - og hefur það ekkert með gáfur eða menntun að gera.

Ungir afbrotamenn sinni samfélagsþjónustu