Jónatan Karlsson

13.4.2014 | 10:20

Diego Garcia

Þau tímamót hafa nú orðið í þessu grunsamlega flugvélarhvarfi, að Bandaríkjamenn, sem aldrei þessu vant hafa haldið sig til hlés, sjá nú ástæðu til að stíga fram og sverja af sér allar sakir og viðkomu að þessu máli, sem er þó fremur til þess vakið að undirstrika aðild þeirra að hvarfinu, í ljósi trúverðugleika þeirra.

Það hafa frá því að vélainnar var fyrst saknað verið uppi efasemdir um sannleiksgildi skýringa malasískra yfirvalda og það ekki síst vegna loðinna og misvísandi skýringa þeirra sjálfra á fyrirliggjandi upplýsingum.

Tilgátuna um að vélinni hafi verið lent á bandarískum herflugvelli á eyju í einhverstaðar í Indlandshafi heyrði ég fyrst fyrir tveimur vikum síðan, en tók henni varlega, en í gær þegar staðurinn var fyrst nafngreindur sem "Diego Garcia", þá fann ég hann réttilega á "google earth" og sannarlega birtist þarna á örlitlu kóralrifi fullvaxinn flugvöllur með einum fimmtán sjáanlegum risaþotum og þær þar líklega ekki í frómum tilgangi björgunar eða mannúðar.

Það er sífellt meira sem rennir stoðum undir þann grun, að um borð í þessari flugvél hafi verið einhverjir hlutir, eða einstaklingar sem ekki máttu fyrir nokkurn mun ná á leiðarenda, né heldur finnast tangur né tetur af.

Á sama tíma og fjarstýrðum flugvélum er stjórnað frá Arizona og þær notaðar til ad granda meintum "hryðjuverkamönnum" í Afgahnistan, Pakistan eða bara hvar sem er, þá er því miður ekki hægt að trúa því að ekki megi rekja feril MH 370 frá upphafi til enda á tiltækum gerfihnatta upptökum.