Heiðarleg tilraun til að svara sakleysislegri spurningu Toshiki Toma

Hrekklaus og saklaus prestur innflytjenda hér á Íslandi, varpar fram eftirfarandi spurningu um þessa frétt, án þess þó að gefa möguleika á að birta athugasemdir við bloggfærslu hans sjálfs:

"Annars, hvað um nauðgarann? Ég sá ekkert um hann í fréttunum, en var hann handtekinn? Hvernig verður dómstóllinn gegn honum (án tilvistar konunnar)?"

Ágæti Toshiki Toma.
Þar sem ég hef ekki kunnáttu til að svara þér með hugsana flutningi eða birtast þér í draumi, þá reyni ég þessa leið:

Tökum dæmi: Að lokinni velheppnaðri prestaráðstefnu ákveður þú og nokkrir kollegar þínir af báðum kynjum að kíkja lítilega á næturlíf Reykjavíkur, en síðan fer gleðin og drykkjan einhvernvegin úr böndunum og það næsta sem þú mannst er, að þú vaknar buxnalaus á sunnudags morgni í fallegu rjóðri niðri í Hljómskálagarði.

Þá er komið að stóru spurningunni þarna í þynnkunni og móralnum:

Varla hefur vel uppalinn, sannkristinn heiðursmaður velst þarna um í sumarnóttinni eins og lostafullur nautnaseggur með einhverri tilfallandi næturdrottningu, heldur hlýtur örugglega einhver illa innrætt dræsa að hafa tælt og síðan misnotað drukkinn hjálparvana sakleisingjann - Já þannig hlýtur það bara að vera.

Ég vona að þessi óraunhæfa samlíking svari vangaveltum þínum í bili

Náðuð af emírnum af Dúbaí