Ómálefnaleg níðskrif

Þessi óhefðbundna bloggfærsla er raunar athugasemd sem ég lét fylgja með öðru bloggi með þessari frétt, en þar er auðvitað um að ræða níðskrif og dylgjur VÖV í garð Jóns Baldvins Hannibalssonar, efninu óviðkomandi. Þessi athugasemd mín var u.þ.b. 5 mínúntur inni á bloggsíðu Vilhjálms, áður en henni var eytt og níðskrif Vilhjálms stóðu eftir ein og hrein, líkt og nýfallin mjöll. Það er nefnilega þannig að þegar kemur að gagnrýni á öfgafull hatursskrif eiturpennans, þá kemur annað hljóð í strokkinn. Þá er viðkvæmnin og "kórréttur" samhljómur í fyrirrúmi, en öll gagngýni einfaldlega forboðin og "réttdræp"
Ég tek það fram, að ég er í flestum málum og þá sérstaklega Evrópumálum á öndverðum meiði við Jón Baldvin, en álít hann snjallan og skemmtilegan og þar fyrir utan á allt öðru og hærra plani en VÖV, sem auðvitað hefur þó sér til málsbóta, að hann hefur að mínu mati, vondan málstað að verja.
Hér er athugasemdin:

"Þú mátt eiga það Vilhjálmur, að þér lætur vel á að hæða og drulla út menn og málefni af miskunarlausri snild, líkt og gjarna á við karla af þínu sauðarhúsi. Þó er það í raun og veru grátbroslegt við alla þessa ofur viðkvæmni og raunar hatursskrif þín öll, að einmitt þessir "mannkostir" sem þú sjálfur opinberar svo ótt og títt, eru einmitt sjálfur bölvaldurinn"

Stoðir evrusvæðisins ótraustar